Matio 10:17 - Nouveau Testament en Ngienboum

¹⁷ Pi laga twó gí, mélà’mie pʉ̀a mesoŋ ge gÿo sẅiŋe gẅi mé ŋaga gẅí, ńdɔ́g mengwɔ̀ɔn ńcuɔ gẅi á tsɛ̀ɛ *mendá cú’tè mɔ́b

Matio 10:17 ပူးပေါင်းရင်းမြစ်များ

Matio 10:18

Mé ge lá’ ŋaga gẅi á mvfò pà ngumnɔ́ɔn lâ mefùɔ melá’ mɔ̀ɔn. Pi lɔg ńgẅiin shÿó lélɔg shwóŋó wɔ́b mbɔɔ pàte zsě Ssé, á nyìŋ gẅie méŋ n gee wɛ̌.

Matio 20:19

ńnáa yé mbwó pàtèzsé Ssé, pɔ́ zoonte yé, ńdɔg ngwɔɔn ńcúɔ yé, ńkime yé nà tÿǒ nkǐ. A piŋ ńzíme nà legwé na ḿbɔ́ɔnte lyɛ̌’ tá.

Matio 23:34

Pi ké ńjú’, mèŋ n ge gÿo túm pà *ntsẅì nkʉ̀ Ssé, pâ pàzsé nò, pâ *pàkyagte lepʉ̌ Mǒsê. Pi zẅéte petsɔ̌, ńkim petsɔ̌ ná tÿǒ nkǐ, ńcúɔ petsɔ́ nê mengwɔɔn á tsɛ̀ɛ *mendá cú’tè mí, éfó metÿǒsoŋ metÿǒsoŋ ńnɔ́ɔn wɔ́b.

Matio 26:59

*Mentándá pànùŋe pwɔ́’ lâ pàsá’a lá’, é ne fa’a cÿɔ̌ nò gẅie pɔ́ ge zába twó Yěsô tá lɔg gÿo mé zẅé yé.

Matio 5:22

Tá’ mèŋ n gɔ̌ɔn yɔ́ɔn né pi ngie: Nyìŋ lɔɔn ńgyáŋa lóŋ nà fɛ́ we, mé gẅiin lélɔgɔ yé ńgʉa mvfò ntsɔ́’te mentsaŋ. Nyìŋ gẅie à toŋó fɛ́ we lê gʉ̀gʉ̀, mé gẅiin lélɔgɔ yé gẅie à tǒŋ ńgʉa mvfò cú’tè pàsá’a lá’. Nyìŋ gẅie à toŋó fɛ́ we lê tè zsé Ssé, à ku’u nyìŋ gẅie ńgwɔ́ Ssé ma’a yé mmɔ̌g.

Malékuse 13:12

Nyìŋ ge gÿo gwoon fɛ́ we ná mé zẅé, tá múɔ gwoon míŋ we ńná mé zẅé, egubé ge lá’ lu ssé cʉ́’ megàŋ mbù metá pɔ́b, é gÿo mé zẅé wɔ́b.

Malékuse 13:9

Tá’, kwà’ pi máŋwɛ́ cwoŋo ńjú’ gí nò gie á ge gÿo tóo ná pi. Mé ge gÿo lɔgɔ gẅi gʉa jʉ’ gie mé tsɔ́’te ntsaŋ wó, é cúa gẅi mbɔɔ tsɛ̀ɛ *mendá cú’tè pà Yuda, é lɔgɔ gẅi gʉa mvfò megúmnɔ́ɔn pâ mefùɔ melá’ mɔɔn, tá à leen ńké ńnáa gẅi shÿɔ́g lélɔg shwóŋó nò yɔ́ɔn mvfò pɔ́b.

Lukase 12:11

Pi zsé ngie, tsɔ́ fʉ̀’ ge gÿo ku’, mé gwoon gẅí, ńgʉa ńŋaga gẅi kà pɔ́ *ndá cú’tè pà Yuda wɔ́, kà pɔ́ mvfò mefùɔ wɔ́, kà pɔ́ mvfò pàsá’a lá’ gwɔ́. Mé gwɔ́ tà ne ńdɔgɔ gẅi ńgee, tà pi pú’ mbùm gí ngie pi ge tóo wó é gɔɔn ngie kɔ́ wɔ́? É zoŋo twó gí lêkɔ́ wɔ́?

Ŋwà’ne Jâŋ 11:47

Mentándá pànuŋe pwɔ́’, pâ pà *farisay leen ńtóŋo cú’tè lÿò, ńtóo tsoló ngie: Pege ge gÿo lêkɔ́? Nyìŋ wɔɔn né ńgÿo menò mmɔɔn mmɔɔn tɛ’.

Ŋwà’ne Jâŋ 16:2

Mé ge gÿo fóo tsɛ̀ɛ *mendá cú’tè pà Yuda é jwoŋo gẅí. Á le gwɔ́ pɔ́ ndà’ pú’u wɔ́. Afʉ̀’ ne ńku’u pá’ nyìŋ ge gÿo gwɔ́ zẅé tà’ nyìŋ tsetsɛ̀ɛ pi, é kwaŋ ngie à nuŋe pɔ́ pwɔ́’ mvfò Ssé.

Megàŋ ntúm 17:14

Mefɛ́ mefɛ́ gwóon ńgÿo Pɔl lɔg shÿó ntse té pàa ńgʉa. Silas pɔ́ Timoté cʉ́’ ńzso Mbelɛ.

Megàŋ ntúm 22:19

Mèŋ n tsɔ́’ ngie: Cʉ̀apʉ̀a, pɔ́ ne ńzsé mboŋó pá’ mèŋ n dɔ̌ɔn ńgwá ńkʉ́’ʉ tsɛ̀ɛ *mendá cú’tè pà Yuda ńgwoon pʉ̀a pie pɔ́ záb ntʉ́m ná gú, ńnéŋe wɔ́b ndá tsǎŋ, ḿbiŋ ńgÿo mé lɔgɔ mengwɔ̀ɔn ńcúa wɔ́b.

Megàŋ ntúm 26:11

N da ne ńtɔ́gɔ tsɛ̀ɛ *mendá cú’tè pà Yuda, ńyɛɛ pʉ̀a Yěsô ngɔ́’. Mèŋ n da ne ńtsóte wɔ́b ngie pɔ́ zoonte lezíŋ Yěsô. N da pú ḿbʉa wɔ́b pʉa tà ńgee mbɔɔ tsɛ̀ɛ metÿǒsoŋ lá’a ndyɛ̀’ɛ, éfa’a wɔ́b, ńnyɛɛ wɔ́b ngɔ́’.

Megàŋ ntúm 9:2

ńzɛ́te yé ngie à ŋwe’e meŋwà’ne ńnáa mbwó yé. À lɔg ńgʉa Ndamas, ńnáa mbwo pàtyé mvfò ná *mendá cú’tè pà Yuda mie ée wó. Á zɛ́te pú’u, lélɔg ńgẅiin pá’ à lɔɔn ńtóo wó, ńgyá pʉ̀a pie pɔ́ ée ná mánzsè Yěsô ŋwɛ́, ka é gwɔ́ pɔ́ mbàŋa wɔ́, ka pànzwě wɔ́, á ku’u légwoonte wɔ́b, ńkwɛ́ɛ wɔ́b, ńdɔg ḿbiŋ ne Yerósalem.

Filipo 3:2

Pi pɔ́ɔn pàzí’i pʉ̀a mmó pie ée pè tepòŋ! Mefà’ mɔ́b ée mbwo Ssé é sẅile sẅile! Ayɔ́b nò wɔ́ pɔ́ ngie mé lɔɔn tè nyìŋ pú’, e Ssé légÿo á tsẅɛ́ wɔ́.

2 Timote 4:15

Mbǎ gù jú lÿɔ́’te yé, á nue à ka pǔ ńtɔ’ɔ nò Ssé gie peg ka ne shwóŋó pʉ̀a.

Heber 11:36

ńgíŋ ńgʉa ná tsɔ́ pʉ̀a, mé tém shʉ́ ná pɔ́b, ńdɔg ngwɔɔn ńcúa wɔ́b, ńtóo ná tsɔ́ pʉ̀a mé té gÿo pɔ́ ndà’ pú’u wɔ́, ńgíŋ ńkwɛ́ɛ wɔ́b lê metsɛ̂n, ḿma’a wɔ́b ndá tsǎŋ,