Matio 10:16 - Nouveau Testament en Ngienboum

¹⁶ Mèŋ n túmo gẅi pé pá’ à lɔɔn ńgwɔ́ mé túm mvfó tsetsɛ̀ɛ menɔ̀ɔn ngẅi, pi ké ńgwaa giŋ ńdÿɔ́’ pá’ nnú, ḿbiŋ ńgwɔ́ pàteŋag ntsaŋ pá’ kàpʉŋ la

Matio 10:16 ပူးပေါင်းရင်းမြစ်များ

Matio 24:25

Á yɔɔn, mbà mèŋ n kě ńtʉ́ njÿó shwóŋó gẅí.

Matio 24:45

Ngàŋa fà’ gẅie à jǔ’, ḿbiŋ ńgẅiin legye à gwá’a la? Aa gẅie tá fà’ we la cʉ́me pʉ̀a pé mbwó yé, pá’ à ge cʉ́’ ná shúm léjÿó mbwó pɔ́b á nà fʉ̀’ gie á ne ńzɛ́te.

Matio 25:2

Epe métʉ̀a gwɔ́ tsetsɛ̀ɛ pɔ́b pɔ́ té legye gẅiin, epe metʉ̀a gẅiin legye.

Matio 25:4

Epie é la gẅiin legye la gwaa kaa melâm pɔ́b, ńgíŋe ńnéŋ tsɔ́ mèvɛ tsɛ̀ɛ tsɔ́ mmó ndyɛ̀’ɛ ńgẅiin.

Matio 25:9

Epie é gẅiin legye tsɔ́’ ngie: Peg tè ná wɔ́, peg lɔɔn ńná, mbà még ge zág. Pi gʉa pɔ́ ndá sɔ̌ɔn ńjú mí.

Lukase 10:3

Pi lo, n túmo gẅi pɔ́ pà’ à lɔɔn ńgwɔ́ mé túm púɔ mvfó tsetsɛ̀ɛ menɔ̀ɔn ngẅì.

Lukase 21:15

Mèŋ n zɔ ge zɔɔn lá’ náa zsé nò gie pi ge lɔg tsɔ́’ɔ nò. Pi tsɔ́’ɔ nò tà megàŋ mbù pí le zoŋ, é ké le gíŋe tsɔ́ nò ńgɔɔn wɔ́.

Megàŋ ntúm 20:29

N zsé ngie mèŋ n ge gwɔ́ tá gʉa, menɔ̀ɔn ngẅi kúu nà nùɔ *njʉ̀njÿò yɔ́ɔn, ńzába nò.

1 Korento 14:20

Mefɛ́ pɔ́ɔn, tà pi cʉ́’ʉ lésáŋa nò, ésáŋ pá’ pènkʉ́ la. Pi gʉa nà nò tepòŋ ńgwɔ́ pɔ́ mecʉ̀cʉ̀ŋ. Tá’ ńgʉa nà lesaŋá nò, ńnyɛ ngie pi cÿɔgté.

2 Korento 1:12

Á gʉa nà weg léńnéŋe tsetsɛ̀ɛ pʉ̀a mesoŋ, mbà yeg mmó gie peg lɔg ńka’te áa pá’ peg gÿo pɔ́ mmó gie á fóo mbwo Ssé. Peg tè ne fʉte tsɔ̌ nyìŋ wɔ́, peg ee pàshwóŋ pʉ̀a nò lê ntʉ́m Ndʉalʉ̌a, mbùm yeg neŋé shwóŋó wég pú’u. Áa pá’ peg la gÿo tsetsɛ̀ɛ pi. Peg la tè lɔg pɔ́ zsě nò pʉ̀a mesoŋ tá ńdɔg ńnéŋe pú’u wɔ́. Peg la lɔg pɔ́ pá’ e Ssé ne ńcÿó gʉm yég, ńkẅéte wég.

2 Korento 11:14

Á té pú’u, ńgwɔ́ pɔ́ tsɔ́ nò mmɔɔn mmɔɔn wɔ́, á nue Sátà giŋé ńnéŋe yé tà sele ńcʉ́’ ńgwɔ́ pɔ́ pá’ *cÿɔ́’ Ssé gẅie à fóo jʉ’ gie kyɛ̀’ áa wó la.

2 Korento 11:3

Tá’ n kě ḿbɔ́gɔ pɔ́ ngie, à lɔɔn ńgwɔ́ tsɔ̌ nyìŋ cʉŋte twó gí pá’ nnú la pá’ legyè, éfʉte Eva, pi le gíŋe ńgwɔ́ pʉ̀a pie pɔ́ gwɔ gɔɔn ngie pɔ́ zsé yɔ́b pɔ́ ndà’ nò Kristo ńgɔɔn shwóŋó nò wɔ́.

2 Korento 8:20

Peg tè ne ńkwoŋo ngie mé zoonte wég ná wɔ̀ɔn máamáa mbwɔ́’ nkáb gẅie mé ne ńcubo ńge cʉ́me mbwo peg wɔ́.

Filipo 2:15

légwɔ́ gie, atsɔ́ mmó gie mé ge la’a gẅi mǒ á té gwɔ́ wó wɔ́. A*lɔ̌’ɔ gí á le gwɔ́ wó wɔ́. Pi lɔg ńgwɔ́ tsɛ̀ɛ yɔɔn njÿó, ńgwɔ́ púɔ Ssé pie tsɔ́ *lɔ̌’ té ná pɔ́b wɔ́, à lɔgɔ ńgwɔ́ ngie pi ee kyɛ̀’ gie á kyɛ’ɛ jʉ’ tsetsɛ̀ɛ yɔɔn nùɔ pʉ̀a pie é gwɔ́ pɔ́ megàŋa cÿɔ̌ nò, ńgíŋ ńgwɔ́ pà sẅáŋ lekÿɛ̀bɛ.

Kolosia 1:9

Mɔɔn ée menò mie é gÿo tá peg laa kʉ́a lésẅíŋte Ssé nà twó sí tà fó lyɛ̌’ gie mé la shwóŋó wég ntí gie pi lɔ̌g ńkú’te nò Ssé pú’u wɔ́. Peg ne ńdúɔ mbwo Ssé ngie à gÿo pi kwa’ ńzsé mmó gie à kwoŋ, ńcʉa nà zsě nò mbɔɔ ná legyè sie Zẅìge Ndʉalʉ̌a ne ńnáa mbwo pi.

Kolosia 4:5

Á gʉa ná pʉ̀a pie é té pʉ̀a Kristo wɔ́, pi zsé ntí gie pi ge lɔg ńnéŋe tsetsɛ̀ɛ pɔ́b. E Ssé ná shʉa létsẅi Nkʉ̀ Mbòŋo mbwo pɔ́b, tà pi cʉ́’ yɛ̌ fʉ̀’ tɔ́g.

1 Tesalonika 2:10

Pi ne ńzsé mmó gie peg la gÿo, e Ssé gíŋe ne ńzsé yé mà weg tsetsɛ̀ɛ pi pàzẅíŋe shwóŋè Ssé, à laa mbòŋ. Peg gwɔ́ ndʉŋ ndʉŋ atsɔ́ *lɔ̌’ɔ yég té wó wɔ́.

1 Tesalonika 5:22

ḿbú ńkÿo nò tepòŋ ntsèm.