Matio 10:15 - Nouveau Testament en Ngienboum

¹⁵ Mèŋ n ge shwóŋó gẅí, kwà’ nénʉ́, àlyɛ̌’ gie Ssé ge lá’ ne tsɔ́’te mentsaŋ pʉ̀a mesoŋ, ngʉ̀ngʉ̀ pɛ̌ pʉ̀a gyɔ́ɔn ńcʉa yé pʉ̀a Sodom pâ yé pʉ̀a Gomor

Matio 10:15 ပူးပေါင်းရင်းမြစ်များ

Matio 12:36

Mèŋ shwóŋó gẅí: Á ge la’a lyɛ̌’ gie e Ssé tsɔ́’te metsaŋ pʉ̀a mesoŋ, wɛ̌ nyìŋ wɔ́ gẅiin lépíte megʉ̀gʉ̀ shwóŋè mie é lǎ kẅɛɛ ncwò yé.

Matio 5:18

Tà mèŋ n ké shwóŋó gẅí, kwà’ nénʉ́, lefàŋ pɔ́ tsetsá’ ge lá’ ńnéŋe pɔ́ lêkɔ́ wɔ́, mùɔ mélǎga nò lê pilé, múɔ mémmó lê pilé le nà *lepʉ̌ pyé. À ké ńgwɔ́ pɔ́ pú’u, tà ńkú fʉ̀’ gie àkɔ̌kɔ gie *lepʉ̌ gɔɔn à pumté.

Matio 7:22

Á ge lá’ gwɔ́ lyɛ̌’ gie mèŋ n ge ńtsɔ́’te mentsaŋ, pʉ̀a tà ńgyɔ́ɔn gɔɔn ngie: Cʉ̀apʉ̀a! Cʉ̀apʉ̀a! Peg lɔ̌ɔn ntě ńdɔgɔ pɔ́ lezíŋ shú éshwóŋó nò Ssé gwaa? Peg lɔ̌ɔn ntě ńdɔgɔ pɔ́ lezíŋ shú ńjwoŋo *messé tepòŋ gwaa? Peg lɔ̌ɔn ntě ńdɔgɔ pɔ́ lezíŋ shú ńgÿo ndaa gyá nò gwaa?

Malékuse 6:11

Pʉ̀a tsɔ́ lá’ lɔɔn ńdʉ’ʉ lékúe gẅí, ńdʉ’ʉ lé jú’u shwóŋè gí, pi fó wó ńgwaa gʉa, ḿbú’u pfepfɔ́b mekwò pi, lélɔg ńnyɛɛ wɔ́b ngie nò gie pɔ́ gÿǒ, á cʉ́’ʉ ńdíe pɔ́ wɔ́b.

Ŋwà’ne Jâŋ 12:48

Nyìŋ lɔɔn ńgwá’a wɔ̀ɔn, ńdʉ’ʉ shwóŋè yɔ́ɔn, mbà ngàŋ gẅiin nyìŋ gẅie à ge ŋaga yé. Ashwóŋè gie mèŋ n ka gɔɔn zɔ̌ ge lá’ ŋaga yé lyɛ’ɛ́ nzsò nzèm.

Ŋwà’ne Jâŋ 6:39

Ammó gie nyìŋ gẅie à la túmo wɔ̀ɔn ne ńkwoŋo, á gwɔ́ pɔ́ ngie tà mèŋ n cʉ́’ tà tsɔ̌ tà’ nà pʉ̀a pie à la náa mbwo mèŋ pyé. À lyɛ’ɛ́ lá’ nzsò nzèm lá’ ńgwɔ́, mèŋ n zíme wɔ́b nà legwé.

Ŋwà’ne Jâŋ 6:40

Ammó gie Tá wɔ̀ɔn ne ńkwoŋo à yɔɔn: Nyìŋ gyá múɔ, ńzáb ntʉ́m ná yé, angàŋ gẅiin le gwɔ́ tèmì. Mèŋ n dá’a lyɛ’ɛ́ lá’ nzsò nzèm ńzíme yé nà legwé.

Megàŋ ntúm 17:31

Á zɔɔn ńgwaa gwɔ́ pú’u, mbà Ssé léen ńzába lyɛ̌’ gie à ge lá’ lɔgɔ nyìŋ gẅie à la tsɔ́’ɔ yé, é ŋag njÿó, é ké ŋag pɔ́ nà ntí gie ee ndʉŋ ndʉŋ. À la zíme ngàŋ ná legwé lélɔg ńnyɛɛ mbwo mânyìŋ ntsèm ngie à ge lá’ gÿo pú’u.

1 Korento 3:13

Mbà e tè tsɔ̌ ntsaŋ wɔ́. Afà’ ye wɔ̌wɔ́ɔ ge lá’ kẅɛɛ mángÿɛ̌. Mé ge lá’ gyá á nà lyɛ̌’ gie mé tsɔ́’te mentsaŋ. Á nue mmɔ̌g ge lá’ cʉa nà fà’ ye wɔ̌wɔ́ɔ tá mé gyá pá’ áa jʉ’ó ńgwɔ́ pú’u.

1 Tesalonika 5:4

Tá ńgʉa ná pi mefɛ́ mefɛ́, mbà pi tè nyé ńgwɔ́ pɔ́ tsɛ̀ɛ nzěm wɔ́, á nà ntí gie yɛ̌ lyɛ’ɛ́ lá’ gé tóo ná pi pɔ́ pá’ ntsǒŋ wɔ́.

Heber 10:25

Tà pege nyé lé ké ńne ńtóo mecú’tè mégè tǒ, tà mbɔɔ pá’ letsǒ cú’tè à kéen ńcʉ́’ʉ mà mbwo tsɔ́ pʉ̀a la, tà ńcʉ́’ pú’u, nyìŋ wege kẅiŋte fɛ́ we, á kẅiŋte yé yé, á nue pi ne ńgyá pá’ lyɛ̌’ lá’ Cʉ̀apʉ̀a ne ḿbɔ́ɔnte.

2 Piɛ 2:6

E Ssé la gíŋe ńtém ngɔ́’ ná pʉ̀a tÿǒsoŋ Sodom lâ ná pʉ̀a tÿǒsoŋo Gomor ńdɔg mmɔ̌g ḿbyága wɔ́b, ńdɔgɔ ńnyɛɛ pʉ̀a tepòŋ fʉ̀’ mmó gie á ge gÿo tóo ná pɔ́b.

2 Piɛ 2:9

Mé fó ná mɔɔn menò ńgyá ngie Cʉ̀apʉ̀a kwoŋo léfóo tsɛ̀ɛ ngɔ́’ ńkẅile pʉ̀a pie é zsé pɔ́ ndà’ yé, é cʉ́’ pʉ̀a tepòŋ á nyé wɔ́b ngie pɔ́ zẅí’te ngɔ́’ lyɛ’ɛ́ létsɔ́’te mentsaŋ.

2 Piɛ 3:7

ńgʉa nà lefaŋ se fʉ̀’ɔɔn, mbɔɔ tsetsá’ ye fʉ̀’ɔɔn, mbà yɛ̌ Shwóŋè zɔ̌ le’e wɔ́b le’e ńdɔgɔ ńzẅí’te lyɛ̌’ gie e Ssé ge gÿo ŋág megàŋ mbù pé. Á ge lá’ gwɔ́ lyɛ̌’ó, mmɔ̌g gÿo lepwó pɔ́ tsetsá’ pú ńdége.

1 Jâŋ 4:17

Pege lɔɔn ńgẅiin nkwòŋe ntʉ́m pege tà tsɔ́ mmó té mǒ zág, pege é le kwaŋte lyɛ’ɛ́ létsɔ́’te mentsaŋ ntʉ́m wégè vɛ wɔ́. Pú’u, mélà’mie wege leńnéŋe tsɛ̀ɛ njÿó yɔɔn aa pá’ we Yěsô Kristo.

Jẅide 1:6

Pi kímte nò *mecÿɔ́’ Ssé pie pɔ́ la gwága jʉ’ gie e Ssé tÿɔgɔ́ wɔ́b wó, ńgwá’a yɔ́b jʉ’ʉ leńnéŋe, ńne ńtsɔ́ɔn ye mvfò. E Ssé la kwɛ́ɛ wɔ́b ndà’ ndà’ lê metsɛ̂n, ńnéŋe wɔ́b tsɛ̀ɛ mwòon nzém, pɔ́ ée wó ńzẅí’te ngʉ̀ngʉ̀ ye lyɛ’ɛ́ lÿò gie mé ge lá’ zá’ mentsaŋ,

Jẅide 1:7

pi gíŋe ńkímte nò tÿǒsoŋo Sodom mbɔɔ ye Gomor, tà mbɔɔ ye metsɔ́ metÿǒsoŋ mie pâ pɔ̌ la teme pàa, ńkímte pá’ pʉ̀a metÿǒsoŋ ŋwɛ́ la gÿo nò tepòŋ pɔ́ pá’ *mecÿɔ́’ Ssé pɛ̌. Pɔ́ la ne ńgÿo menò shʉ́ tà sá’a sǎ’, ńdɔg mbùm yɔb ńkúbe shÿó menò mie e Ssé la záb. Áa nà fʉ̀’ɔɔn pɔ́ nuŋte tsɛ̀ɛ mmɔ̌g gẅie é té ndà’a ḿbyé wɔ́. Á lɔgɔ ńgɔɔn nò mbwo wɔ̌wɔ́ɔ.