Matio 10:1 - Nouveau Testament en Ngienboum

¹ Yěsô gÿo ńtóŋ *ngàŋa kwò yé ntsɔ̀b pʉ́a nê legém, ńná metʉ̀ mbwó pɔ́b lélɔg ńjwoŋ *messé tepòŋ, mbɔɔ lélɔg ńgÿo meguɔ ntí ntí maga ná pʉ̀a, mbɔɔ légÿo *melɔ̌’ ntí ntí maga mbùm pʉ̀a.

Matio 10:1 ပူးပေါင်းရင်းမြစ်များ

Matio 19:28

Yěsô tsɔ́’ ngie: Tà mèŋ shwóŋó gẅí, kwà’ nénʉ́, mé ge lá’ kúu tsɛ̀ɛ ngwòŋ sẅé, *Míŋ Nyìŋ ńnéŋe nà lʉŋe lefùɔ yé gie á gẅiin shʉ́shÿɔ́g, pi pʉ̀a ntsɔ̀b pʉ́a nê legém pie pi la cʉ́me nzèm mèŋ, gíŋe ńnéŋe gí nà melʉŋ ntsɔ̀b pʉ́a nê legém, ńŋag pʉ̀a Israel, ngẅɛ̀ ntsɔ̀b pʉ́a nê legém

Matio 26:20

Á gÿo ńgwɔ́ ncwò nzém, Yěsô pâ *ngàŋa kwò yé ntsɔ̀b pʉ́a nê legém ńnéŋe ssé lépfɛ́ɛ mmó.

Matio 26:47

Yěsô nyé ńgɔɔn gɔɔn, Jẅidas, gẅie aa tsɔ̌ tà’ ná *ngàŋa kwò yé ntsɔ̀b pʉ́a nê legém tó, àlá’ gwɔ́ nzèm yé tà ńgyɔ́ɔn, ńgẅiin menně ncù lâ mekésiŋ, ńgwɔ́ pʉ̀a pie *mentándá pànùŋe pwɔ́’ pâ mekěme lá’ é tumó wɔ́b.

Matio 4:23

Yěsô gÿo ne ńgwá ńgiŋe jʉ’ ntsèm tsɛ̀ɛ Galilea, ńzí’i pʉ̀a nò Ssé tsɛ̀ɛ *mendá cú’tè pà Yuda, ésá’a nkʉ̀ mbòŋo gẅie é shwóŋó pʉ̀a pá’ *lefùɔ Ssé ee pú’u, ńně ńgÿo nyìŋ gẅie à gẅiin pɔ́ yɛ̌ ntí guɔ wɔ́ ka yɛ̌ ntí *lɔ̌’ wɔ́, zeŋe

Matio 6:13

Tè zẅíŋ ngie peg kúu tsɛ̀ɛ nkwà’te, kẅé wég mbwó Sátà. [Á nue gù zɔɔ fùɔ, metʉ̀ ntsèm piŋ ńgwɔ́ pɔ́ mú, mé ne ńgu’te pɔ́ ndà’ gú mengù’u mengù’. Ameŋ].

Matio 9:35

Yěsô ně ńcʉa tsɛ̀ɛ metÿǒsoŋ ntsèm mbɔɔ tsɛ̀ɛ melá’, ńkúu nzɔ̌ nzɔ̌ wɔ́ ńgee *ndá cú’tè, ńzí’i pʉ̀a nò Ssé, ésá’a nkʉ̀ mbòŋo gẅie éshwóŋó pá’ *lefùɔ Ssé ee pú’u, ńgÿo meguɔ ntí ntí maga nà pʉ̀a, *melɔ̌’ ntí ntí maga mbùm pʉ̀a,

Matio 9:38

Á poŋ ngie pi sẅíŋte ngàŋ nká’ à kẅi’i megàŋa fà’ pie pɔ́ ge ne laga shúm sé.

Lukase 10:19

Pi jú’, mèŋ n ka gwaa túmo gẅi pá’a, ńnáa gẅi métʉ̀ lélɔg neŋte membɔ́ɔn pâ pàmangɔ̂ɔn ssé, ńgíŋ ńnáa gẅi metʉ̀ lélɔg ńcʉa Sátà, ngàŋ mbù tà tsɔ́ mmó le gẅi gÿo.

Lukase 21:15

Mèŋ n zɔ ge zɔɔn lá’ náa zsé nò gie pi ge lɔg tsɔ́’ɔ nò. Pi tsɔ́’ɔ nò tà megàŋ mbù pí le zoŋ, é ké le gíŋe tsɔ́ nò ńgɔɔn wɔ́.

Lukase 24:49

Pi zsé ngie mèŋ n ge tó túmo mmó gie Tá wɔ̀ɔn la ka’a lénáa mbwo pi. Pi ké ńzẅí’te pɔ́ tÿǒsoŋ tà ńkúu fʉ̀’ gie metʉ̀ Ssé é ge fó tyǒ lepwó ésẅɛ̌’ kúu ná pi.

Lukase 6:13

Njÿó lʉ́a, á tóŋ *ngàŋa nkwò yé, ńgʉa tsetsɛ̀ɛ pɔ́b, ńtsɔ́’ pʉ̀a ntsɔ̀b pʉ́a nê legém, ńtsẅi lezíŋ sɔ́b lê ngàŋ ntúm wé.

Ŋwà’ne Jâŋ 17:2

Ɔ̀ la ná metʉ̀ mbwo yé lélɔg ńdíe pʉ̀a mesoŋ, ńzsé ngie à ge náa légwɔ́ tèmì, á mbwo pʉ̀a metsèm pie ɔ̀ la náa mbwo yé.

Ŋwà’ne Jâŋ 3:27

Jâŋ tsɔ́’ɔ mbwo pɔ́b ngie: E Ssé gẅie aa tÿǒ lepwó zɔ náa fà’ ye wɔ̌wɔ́ɔ.

Ŋwà’ne Jâŋ 3:35

E Ssé Tá kwoŋo Míŋ we, mbà à léen ńnéŋ shúm ntsèm á nà lɔ̌ɔn pwó Míŋ we.

Ŋwà’ne Jâŋ 6:70

Yěsô tsɔ́’ɔ mbwo pɔ́b ngie: Pi pɛ̂ ntsɔ̀b pʉ́a nê legém, mèŋ n zɔ ka tè tsɔ́’ɔ gẅi wâ? Tsɔ̌ nyìŋ kě ńgwɔ́ tsetsɛ̀ɛ pi, ńgwɔ́ nyìŋ Sátà.

Megàŋ ntúm 1:8

!Pi zsé pɔ́ ndà’ ngie à Zẅìge Ssé ge gÿo tóo ná pi, é náa gẅi metʉ̀. Pi lɔg ńku’u léshwóŋó kɔ̀ɔkɔ́ɔ gie pi zsé nà mèŋ! E zyé Yerósalem éshwóŋ shwóŋ maga Jẅidea. E piŋ fó Samalîɛ, éshwóŋ shwóŋ kúu jʉ’ gie tsetsá’ zsote wó.

Megàŋ ntúm 19:15

Tá’, á fó lyɛ̌’ e *Ssé tepòŋ tsɔ́’ɔ mbwo pɔ́b ngie: Mèŋ n ne ńzsé Yěsô, ńgíŋe ne ńzsé nyìŋ gẅie Pɔl aa wɛ̌, ńgʉa ná pi, pi ee pàwɔ̌?

Ŋwà’ne Ngyà jʉ’ 12:1

Etsɔ̌ nkʉ̀’ʉ pà mmó kẅɛɛ lefaŋ ńgwɔ́ tsɔ̌ mánzwě, á ma’ ye nzsǒ, é gwɔ́ pɔ́ lejÿɔ́g nèm, ńtÿɔ́g mekwò mé ná saŋ, ńtɔ’ɔ cÿɔ́’ɔ lefùɔ, mecÿɔ́’ saŋ gwɔ́ mǒ ntsɔ̀b pʉ́a lê legém.