Matio 1:20 - Nouveau Testament en Ngienboum

²⁰ ńnyé ńkwaŋa kwaŋ, ńdyé njÿòon ńgyá *cÿɔ́’ Ssé tóŋo yé, ńgɔɔn né yé ngie: Yesyɛ̂b, gu gẅie ɔɔ na ngẅɛ fuɔ Ndavíd, kẅé nzwě gù Malîɛ ńnéŋe ndá té pɔ́g, mélà’mie aa shwoŋ pɛ́’ɛ, mbà Zẅìge Ndʉalʉ̌a zɔ̌ gÿǒ.

Matio 1:20 ပူးပေါင်းရင်းမြစ်များ

Matio 1:18

Wɔɔn aa pá’ á la cʉa pú’u, tá mé zyé Yěsô Kristo. Má wé Malîɛ la gwaa gwɔ́, mbà Yesyɛ̂b kaŋá yé, tà mé zẅíŋ ngie à zɔ́’ɔ yé, tá á nyé té gʉa tà ńkúu mbʉ̀a yé, mé gyá á gwɔ́ shwoŋ, mbà Zẅìge Ndʉalʉ̌a zɔ̌ gÿǒ

Matio 2:12

Pɔ́ ńnéŋe tà né ḿbiŋe nzèm, e Ssé lɔg njÿòon shwóŋó wɔ́b ngie: Pɔ́ pɔ́ɔn légíŋe ńcʉa lejʉ́ŋ fùɔ *Herôd. Pɔ́ leen ńké ńcʉ́’ ḿpfó pɔ́ nzsè ndyɛ̀’ɛ tá ḿbiŋ né lá’ pɔ́b.

Matio 2:13

Pɔ́ gwɔ́ tà ńgʉa, Yesyɛ̂b lyé njÿòon, ńgyá tsɔ̌ *Cÿɔ́’ Cʉ̀apʉ̀a tó, ńgɔɔn né yé ngie: Lu ssé, ńkáa múɔ, pi lâ mápfò kÿo, ńgʉa lê tsɛ̀ɛ ngwòŋ Egipto, ńnéŋe wó. Mèŋ, n ge gÿo shwóŋó gú fʉ̀’ gie ɔ̀ ge piŋ nzèm. Á nue *Herôd ge fa’a múɔ wɛ̂ lézẅé yé.

Matio 2:19

*Herôd la gwɔ́ tà ńkwé, Yesyɛ̂b lyé njÿòon Egipto, ńgyá àtsɔ̌ *Cÿɔ́’ Cʉ̀apʉ̀a tó,

Matio 2:22

á jú’ ngie Arkélawẅis zɔ né sá’a pàga ngwòŋ Jẅidea, tà fó pá’ tá we *Herôd ka kwě, ńně ńcÿɔ’ɔ légʉa Jẅidea, ńdyé njÿòon, Cʉ̀apʉ̀a náa yé ntÿɔgɔ́. Á cʉ́’ ńgʉa pɔ́ lê tsɛ̀ɛ pàga ngwòŋ Galilea,

Matio 27:19

*Pilato la ne ńŋaga nò Yěsô, ànzwě we túmo nyìŋ ngie à gʉa, ńgɔɔn né yé ngie à laga twó yé ná ntsaŋ nyìŋ wɛ̂, ńgie aa pɛ́’ɛ ńgwɔ́ tèfʉa, ńgie ngàŋ shwóŋó yé ngie yé ně ńdá’a lá’, ńdyé njÿòon ná yé é gege yé tɛ’.

Matio 28:5

Tá *cÿɔ́’ Ssé gɔɔn né pànzwě ngie: Tà pi pɔ́g, n zsě ngie pi tóo fa’ Yěsô gẅie mé ka kime yé ná tÿǒ kǐ la.

Lukase 1:19

*Cÿɔ́’ Ssé tsɔ́’ ngie: Mèŋ n gee Ngáapeleya, ńju’u mbwo Ssé. Yé zɔ tumó wɔ̀ɔn ngie n tó ńtsẅi wɔɔn nkʉ̀ mbòŋo mbwo gù.

Lukase 2:4

Yesyɛ̂b fó tÿǒsoŋ Nǎzarɛd, á tsɛ̀ɛ ngwòŋ Galilea, ńtóo tsɛ̀ɛ pàga ngwòŋ Jẅidea, á tÿǒsoŋ Mbetélehem, á jʉ’ gie mé la zyé fùɔ Ndavíd wó, ńgee wó pú’u, mélà’mie aa nyìŋ nà ngẅɛ̀ ndá fùɔ Ndavíd.

Megàŋ ntúm 5:19

Tá á gÿo ńgwɔ́ letsẅɛ’, atsɔ̌ cÿɔ́’ Cʉ̀apʉ̀a tó, ńtsɔ́’ ndá tsǎŋ, ńgÿo megàŋ ntúm gwaa kẅɛ, á gɔɔn né pɔ́b ngie:

Ŋwà’ne Ngyà jʉ’ 19:7

Pege kág, ńnáa gugẅî, ńnáa legú’ mbwo yé. Á nue eshúm léjÿó línɔ́ɔn lɔ́ɔn ndá mûɔ *Njʉ̀njÿò é sɔ́ɔn. Anzwě ngʉ̀ we, kẅǐŋ mbùm ye tà ne ńzẅí’te.