Malékuse 9:43 - Nouveau Testament en Ngienboum

⁴³ Apwó ɔ́ zɔ lɔɔn ne ńtsóte gú ńnéŋe tsɛ̀ɛ mefʉ̀a, ɔ̀ zá’ ńgwá’, mbòŋo ee gú légwɔ́ kème pwó, tá ńké ńdá’ ńgwɔ́ wó, ńcʉa gú légẅiin mbwó mbʉ́a, tá ḿbiŋ ńkúu tsɛ̀ɛ jʉ’ gie mmɔ̌g ée wó, ńgwɔ́ gẅie é téen ńdá’a ḿbyé tsɔ́ lyɛ̌’ wɔ́,

Malékuse 9:43 ပူးပေါင်းရင်းမြစ်များ

Matio 17:27

Tá’ tà pɔgɔ gÿo nò pÿɔ́g pàkẅé ncùb. Gʉa ntse ḿma’ lezɔ́b. Ɔ̀ ge gwoon ndùŋ mvfò mbab ssó, é nyɛ́’ ncwò we, é gyá pàga nkáb, é kẅile lɔg gʉa ma’ yɔgɔ ncùb.

Matio 25:41

É leen ké gíŋe gɔɔn mbwó pʉ̀a pie ée ná gwǒŋo pwó yé ye kyɛ̀bɛ, é ye: Pi ee megàŋ ndòon, pi fó lejʉ́ŋ mèŋ ńgʉa tà ngʉ̀a sag, ńkúu tsɛ̀ɛ mmɔ̌g gẅie é té ńdá’a ḿbyé wɔ́, é gẅie mé la nyɛte ńtí Sátà paa mecÿɔ́’ pé.

Matio 3:12

À ge tó tyɛ́te shúm sie mé lagá nká’. E néŋ sé mbòŋo tsɛ̀ɛ nkìŋ. E cʉ́’ kʉ̀ŋe, à pÿɛɛ tsɛ̀ɛ mmɔ̌g gẅie é té ńdá’a ḿbyé wɔ́.

Matio 5:22

Tá’ mèŋ n gɔ̌ɔn yɔ́ɔn né pi ngie: Nyìŋ lɔɔn ńgyáŋa lóŋ nà fɛ́ we, mé gẅiin lélɔgɔ yé ńgʉa mvfò ntsɔ́’te mentsaŋ. Nyìŋ gẅie à toŋó fɛ́ we lê gʉ̀gʉ̀, mé gẅiin lélɔgɔ yé gẅie à tǒŋ ńgʉa mvfò cú’tè pàsá’a lá’. Nyìŋ gẅie à toŋó fɛ́ we lê tè zsé Ssé, à ku’u nyìŋ gẅie ńgwɔ́ Ssé ma’a yé mmɔ̌g.

Malékuse 9:44

[á jʉ’ gie mentẅintẅɛ mie ée ntěen ńkwé wɔ́ pfɛ́ mepfó pʉ̀a wó. Mmɔ̌g gẅie é kÿó wó, é téen ńdá’a ḿbyé wɔ́.]

Lukase 14:13

Ɔ̀ la’ ne ńtóŋo línɔ́ɔn, ɔ̀ tóŋ pàtèmmó, ńtóŋ menkÿǒon, ńtóŋ pànkème kwò, ńtóŋ pàfʉ̀ menÿɔ́g.

Lukase 14:21

Ménkʉ́ wá piŋ nzèm, éshwóŋó tá we pá’ pɔ́ gɔ̌ɔn, á pú ńgyáŋa yé tɛ’, á gíŋe ńtúmo ménkʉ́ ŋwɛ́, ńgɔɔn né yé ngie: Kÿote lêtʉ̀, ńgʉa tÿǒsoŋ ńtyé metwó nzsè, ńgiŋe nà melyěen nzsè, ńtóŋ pàtèmmó, ńtóŋ menkÿǒon, mbɔɔ mefʉ̀ menÿɔ́g pâ pànkème nkwò pia pɔ́ tó.

Lukase 3:17

À ge tó fÿɔ́g shúm sie mé pǔ’, é néŋ se mbòŋo nkìŋ, e cʉ́’ kʉ̀ŋe, à pÿɛɛ tsɛ̀ɛ mmɔ̌g gẅie é téen ńdá’a ḿbyé wɔ́.

Roma 8:13

Pi lɔɔn ńnéŋe nà ntí gie mbùm nnɛ́ gi ne shwóŋó gẅí, mbà pi ge kwéte, tá ńké ńgwɔ́ gie pi lɔɔn ńdɔg metʉ̀ Zẅìge Ssé ḿbyága mà tepòŋ gẅie à fóo ná mbùm nnɛ́, mbà pi ge gwɔ́ wó.

1 Korento 9:27

Mèŋ n ne ńgẅiin mbùm yɔɔn pá’ɔɔn tɛ’, ńkú’te tà ńzsé mmó gie mèŋ n gÿo yɛ̌, ḿbɔgɔ létsẅi Nkʉ̀ Mbòŋo mbwo pʉ̀a, mé piŋ ńgÿo ḿbe’e wɔ̀ɔn ńnáa nzèm.

Galatia 5:24

Pʉ̀a pie ée pe Yěsô Kristo léen ńgwá’ shúm tepòŋ sie é póŋ mbùm nnɛ́ yɔb, lâ sie mbùm nnɛ́ ŋwɛ́ zɔ tsɔ̌ɔn, tá á gwɔ́ pɔ́ pá’ fʉ̀’ gie pɔ́ léen ńkim mbùm nnɛ́ ŋwɛ́ nà tÿǒ nkǐ la.

Kolosia 3:5

Pá’ áa pú’u la, pi zẅé mà tepòŋ we ndùmo ssé tsetsá’ gẅie aa ná pi. Mé gɔɔn mmó pá’ mbàŋa letóŋ panzwě, é panzwě léfa’ mbàŋa, á mmó pá’ nò mpfwɔ́’, á mmó pá’ ntʉ́m nyìŋ légwá shÿó, pá’ legẅiin tsɔ́ ntí letsɔ̌ɔn shúm, pá’ letÿɔ̌g ntʉ́m nà shúm, á nue letÿɔ̌g ntʉ́m nà shúm, à giŋé ńgwɔ́ pɔ́ tsɔ̌ ntí legu’te shúm ngie ée Ssé.

Titus 2:12

Yɛ̌ ntí nkwòŋe ne ńzí’i wege légwá’a mà gẅie à tè Ssé poŋ mbɔɔ pá’ pege tè gíŋe ńgÿo shúm sie ntʉ́m wege tsóte wege ngie pege gÿo wɔ́. Pege cʉ́’ ńgwɔ́ tsɛ̀ɛ yɔɔn njÿó, ńgwɔ́ pʉ̀a pie é sáŋa nò tá ńgÿo, ńgÿo pɔ́ menò mie é tyé ndʉŋ ndʉŋ, ḿbiŋe ńjú’u pɔ́ ndà’ ncwò Ssé.

Heber 12:1

Á gʉa ná pege, pʉ̀a ŋwɛ́ métsèm tÿɔ́’ɔ wégè ńnéŋe soŋ, ńne ńnyɛɛ wégè mánzsè. Pú’u la, pege tsó kɔ̀ɔkɔ́ɔ gie á ne ńtáte wégè ńgwá’, té lege menò tepòŋ, é kú’te wégè, ḿbiŋ ńdúe ńcʉ́’ʉ mà. Pege gwá’, ńtɔ́ɔnte yégè ndʉ̌ gẅie e Ssé gɔɔn ngie à lɔɔn ńgwɔ́ pege kÿo. Pege gwɔ́ tà ńne ńkÿo tà pege kʉ́a.

1 Piɛ 2:1

Pú’u la, pi lêen ńké ńgwá’ menò tepòŋ ntsèm, tà pi gíŋe fʉte pʉ̀a, tà pi gíŋe ńgwɔ́ pà nkwòŋ menÿɔ́g, tà pi gíŋe ńgẅiin kègɔ́’ ná shúm pʉ̀a, tà pi gíŋe ńzẅɛ́te nzèm pʉ̀a.