Malékuse 9:29 - Nouveau Testament en Ngienboum

²⁹ Yěsô gɔɔn né pɔ́b ngie: Mé lɔg pɔ́ ndà’ lésẅíŋte Ssé tá ńdɔg ńgÿo yɛ̌ ntí *ssé tepòŋ fó ná nyìŋ ńkẅɛ.

Malékuse 9:29 ပူးပေါင်းရင်းမြစ်များ

Matio 12:45

mbà à ge gʉa gú tsɔ́ *messé tepòŋ sɔɔn mbʉ́a, e gwɔ́ mie pú ńgyɔ́ɔn sóon tà ńcʉa yé, pâ pɔ́ piŋ nzèm ńkúu ná nyìŋ wa, ńdɔgɔ yé ńgÿo ndá yɔ́b. Ngɔ́’ ngàŋ pú ńgyɔ́ɔn ńcʉa pá’ e ka zɔɔn ńgwɔ́. Á ge lá’ gíŋe gwɔ́ pɔ́ pú’u, nà pʉ̀a pie ee tsɛ̀ɛ njÿó fʉ’ɔɔn pie e tepòŋ.

Matio 17:20

Á tsɔ́’ɔ mbwó pɔ́b ngie: Ee, mélà’mie pi záb ntʉ́m nà Ssé pɔ́ méjʉ’ lepile. Pi lɔɔn fó ńzáb ntʉ́m gẅi nà Ssé pɔ́ méjʉ’ pá’ lesɔ́ɔn sésɔg, mbà à lɔɔn ńgwɔ́ pi gɔɔn né lekwɛ́ sɛ̂ ngie: Tsɔ́’ɔ ńgʉa ńtyé jʉ’ʉ, é gʉa ńtyé jʉ’ó. Mbà à lɔɔn ńgwɔ́ tsɔ́ nò á le lá’ ńcʉa gẅi wɔ. [

Matio 17:21

Á gʉa nà yɛ̂ ntí *ssé tepòŋ, mbà nyìŋ lɔɔn tè zɔ́g nzyè, ńké sẅíŋte pɔ́ Ssé, tá ńjwoŋ wɔ́ é le kẅɛ.]

Malékuse 9:28

Yěsô pâ *ngàŋa kwò yé gÿo ḿbiŋ tà ńkúu ndá, ńgwɔ́ gílé pɔ́b, pɔ́ zɛ́te yé ngie: Akɔ́ ně ńgÿo tá peg tè ku’u léjwoŋ yɔɔn *ssé tepòŋ ŋwɛ́ wɔ́?

Malékuse 9:30

Pâ Yěsô fó wó ńne ńgee, ńcʉa tsɛ̀ɛ ngwòŋ Galilea, á piŋ ńké tè ne ńkwoŋo ngie mé zsé jʉ’ gie aa wó wɔ,

Lukase 11:26

mbà à ge gʉa gú tsɔ́ *messé tepòŋ sɔɔn mbʉ́a, e gwɔ́ pie é pú ńgyɔ́ɔn sóon tà ńcʉa yé, pâ pɔ̌ piŋ nzèm ńkúu ná nyìŋ wá, ńgíŋe ńdɔgɔ yé ńgÿo ndá yɔb. Ngɔ́’ ngàŋ pú ńgyɔ́ɔn ńcʉa pà’ e ka zɔɔn ńgwɔ́.

Megàŋ ntúm 14:23

Pɔl pɔ́ Panebâse ne ńcʉa nzɔ̌ jʉ’ wɔ́, ńtsɔ́’ɔ pʉ̀a pie pɔ́ ge kẅé mvfò tsɛ̀ɛ yɛ̌ cú’tè pʉ̀a Kristo wó. Tà á ku’, pɔ́ kwoŋo kwoŋ, ńdʉ’ʉ shúm léjÿó, ésẅíŋte Cʉ̀apʉ̀a Ssé, ńdeen ńké ńcʉ́me wɔ́b mbwo Cʉ̀apʉ̀a gẅie pɔ́ zẅiŋé nò yé.

1 Korento 9:27

Mèŋ n ne ńgẅiin mbùm yɔɔn pá’ɔɔn tɛ’, ńkú’te tà ńzsé mmó gie mèŋ n gÿo yɛ̌, ḿbɔgɔ létsẅi Nkʉ̀ Mbòŋo mbwo pʉ̀a, mé piŋ ńgÿo ḿbe’e wɔ̀ɔn ńnáa nzèm.

2 Korento 11:27

ńgwá fa’ mefà’ mie é tʉ̀ tà ńjú’ ńkʉ́a tɛ’, ńgwá ńdá’ té lyé. Nzyè gwá ńgyáŋa wɔ̀ɔn, agág yɔ́ɔn gwá shÿó, ńgwɔ́ tsɔ́ fʉ̀’, eshúm léjÿó pú ḿmaga mbwo mèŋ, efÿɔ́g gwá ńkúu wɔ̀ɔn, mbà mèŋ n zǎg nzsǒ.

2 Korento 12:8

ée ngʉ̀a ntá pá’ mèŋ sẅiŋté Cʉ̀apʉ̀a ngie à fó ná mèŋ ńkẅile yɛ̌ ngɔ́’,

2 Korento 6:5

kà pɔ́ fʉ̀’ gie mé ne ńcúa wég wɔ́, kà pɔ́ fʉ̀’ gie mé neŋé wég tsǎŋ wɔ́, kà pɔ́ fʉ̀’ gie mé pimté lá’ ḿma’a nzèm peg wɔ́, kà ná fʉ̀’ gie peg tyé nà mefà’ mie é tʉ tʉ wɔ́, kà ná fʉ̀’ gie peg ne ńdá’a té lyé wɔ́, mbɔɔ ná fʉ̀’ gie peg ne ńnéŋe té pfɛ́ɛ mmó.

Efeso 6:18

Pi gwɔ́ fʉ̀’ ntsèm ńne ńtsyɛ’te Ssé, ńgíŋe ne sẅíŋte yé nà mentí ntsèm, pá’ Zẅìge ge ne nyɛɛ gẅi ngie pi gÿo pú’u. Tà pi gwá’a lÿɔ̀g, pi sẅíŋte Ssé nà twó pʉ̀a Ssé métsèm.

Ŋwà’ne Jâg 5:15

Asẅíŋte gie mé gwaa gÿo, ńzáb ntʉ́m nà Ssé, à gÿo, à zeŋe. Cʉ̀apʉ̀a pʉ’ʉ yé, ńgwɔ́ gie à ka fǒ ńgÿo pɔ́ nò tepòŋ, mbà Ssé ge lege menò tepòŋ mé náa mbwo yé.