Malékuse 9:25 - Nouveau Testament en Ngienboum

²⁵ Yěsô gyá, alá’ ne ńnɔ́ɔnte ńkẅi’i ńtóo tǒ, á cÿɔ́g *ssé tepòŋ ŋwɛ́, ńgɔɔn ngie: Gù *ssé tepòŋ gie e tsɛ́ɛ ncwò nyìŋ, ńziŋe pâ metuŋó mé, mèŋ n gwɔ gyá, mbà ɔ̀ fǒ ná múɔ wɛ̂ ńkẅɛ, ḿbɔ́ɔn lélá’ ńgíŋ ḿbiŋ nzèm ńkúu ná ye.

Malékuse 9:25 ပူးပေါင်းရင်းမြစ်များ

Matio 12:22

Mé lɔgɔ tsɔ̌ nyìŋ ńtóo mvfò Yěsô, mbà *ssé tepòŋ leen ńgÿo á fʉ, ńgíŋ ńcʉ́’ʉ támbǎ’. Yěsô gÿo nyìŋ ŋwɛ́ zeŋe, ńgwóon ńzye leshwóŋe, mbɔɔ légyá jʉ’ mboŋó.

Matio 17:18

Pɔ́ lɔgɔ yé ńtó, Yěsô cÿɔ́g *ssé tepòŋ, é kẅɛɛ ná múɔ ŋwɛ́, á gwóon sẅéte pɔ́ fʉ̀’ó.

Malékuse 9:15

Alá’ gwɔ́ tà ńgyá Yěsô kẅɛɛ ná pɔ́b, pɔ́ pú ńnɔ́ɔnte ńgʉa ńtsyɛ’te yé.

Malékuse 9:24

Tá múɔ leen ńdwo ńgɔɔn ngie: Oon! Mèŋ n zǎb ntʉ́m wɔ̀ɔn nà Ssé, kẅéte wɔ̀ɔn, mèŋ n kẅi’i ńzáb ntʉ́m nà yé.

Malékuse 9:26

E *ssé tepòŋ ŋwɛ́ tsẅi’i múɔ ḿma’a ssé, ńgÿo á ga’te, éfó ná yé ńkẅɛ. Á cʉ́’ ńnuŋo ssé ńgÿo pɔ́ pá’ pfó nyìŋ la, tà mé ne ńgɔɔn pɔ́ ngie à kwě.

Lukase 11:14

Á gwɔ́ tsɔ́ lyɛ̌’, Yěsô jwoŋ *ssé tepòŋ gie e léen ńkúu ná tsɔ̌ nyìŋ, ńdɔgɔ yé ńgÿo tántsá’ mbǔ’. E *ssé tepòŋ gwɔ́ tà fó ná ngàŋ ńkẅɛ, tà á zye légɔɔn nò, alá’ pú ńgyá ḿmɔɔn tɛ’.

Lukase 4:35

Yěsô cÿɔ́g yɛ̌ *ssé tepòŋ, ńgɔɔn né yé ngie: Láŋte, éfó ná nyìŋ wɛ ńkẅɛ. E *ssé tepòŋ yá sáa nyìŋ wá, ḿma’a ssé á tsetsɛ̀ɛ pʉ̀a, ńdêen ńké fó ná yé ńkẅɛ té gÿo mmó ná yé.

Lukase 4:41

*Messé tepòŋ ne ńgwaa fóo nà lelÿò é kẅɛɛ, ńga’te ńgɔɔn ngie: Ɔ̀ɔ Míŋ Ssé. Tá’ Yěsô cÿɔ́gɔ wɔ́b, à tè zẅíŋ ngie pɔ́ gɔɔn nò wɔ́, mélà’mie pɔ́ la zsé ngie Yěsô aa *Nzà’nkÿo pù’ gẅie Ssé la ka’a mbwo pʉ̀a mesoŋ.

Lukase 8:29

ńgɔɔn pú’u, mélà’mie á la gwaa gwɔ́, mbà Yěsô cÿɔ̌g yɛ̌ *ssé tepòŋ ngie e fóo ná yé ńkẅɛ. E *ssé tepòŋ ŋwɛ́ laa pá’ɔɔn, mbà é zyě ńtó, ḿbége yé. E lɔ̌ɔn ńgwɔ́ tà ńgwoon yé, á lu ssé ńkÿo, mé jwoŋo yé ńgwoon, ńdɔgɔ metsɛ̂n ńkwɛ́ɛ yé, ńnéŋe *kɔ̌’ mekwò ye. Á zá’te tsɛ̂n, ḿbwɔ́’ɔ *kɔ̌’, e ssé ŋwɛ́ lɔgɔ yé ńkÿo pɔ́ ne nkwòŋo tsẅɛ.

Lukase 9:42

Tá múɔ ne ńdɔgɔ yé ńtóo, essé tepòŋ ŋwɛ́ gíŋe ńgwoon yé ńtéme ssé, á pʉ́’ lê tʉ̀. Yěsô leen ńcÿɔ́g *ssé tepòŋ ŋwɛ́, á kyɛɛ múɔ ńnyé á sẅéte. Yěsô kíbe pwó yé, ńnáa yé né tá we.

Megàŋ ntúm 16:18

Á ke ńgÿo pɔ́ pú’u, nà melyɛ̌’ tà ńgyɔ́ɔn. Pɔl fó ńgebe tsetsɛ̀ɛ ńgyáŋa lóŋ, ésele nnɛ́ ńgɔɔn nê *ssé tepòŋ ngie: Mèŋ n dɔ̌g lezíŋ Yěsô Kristo ńgɔɔn ngie ɔ̀ fó ná manzwě wɛ̂ ńkẅɛ! E *ssé tepòŋ gwóon fó ná yé ńkẅɛ.

Jẅide 1:9

Tá mbà Méshÿɛɛ, tándá *mecÿɔ́’ Ssé la tè pú’u gÿo. Á laa lyɛ̌’ gie pɔ́ Sátà la ne ńzoŋo nò ná mbùm Mǒsê, á ké tè Sátà zoonte, ńké tè túu *lɔ̌’ yé ńdɔg ńzoonte yé wɔ́. Tà ńcʉ́’ pú’u, mbà à la gɔɔn pɔ́ ndà’ ngie: Á poŋ ngie Cʉ̀apʉ̀a néŋ ngɔ́’ twó gù.