Malékuse 9:24 - Nouveau Testament en Ngienboum

²⁴ Tá múɔ leen ńdwo ńgɔɔn ngie: Oon! Mèŋ n zǎb ntʉ́m wɔ̀ɔn nà Ssé, kẅéte wɔ̀ɔn, mèŋ n kẅi’i ńzáb ntʉ́m nà yé.

Malékuse 9:24 ပူးပေါင်းရင်းမြစ်များ

Malékuse 9:23

Yěsô pʉŋe yé ngie: Ɔ̀ piŋe ngie pá’ ɔ̀ lɔɔn ńku’ lêkɛ̂? Anò té cʉa nyìŋ gẅie à záb ntʉ́m nà Ssé wɔ́.

Malékuse 9:25

Yěsô gyá, alá’ ne ńnɔ́ɔnte ńkẅi’i ńtóo tǒ, á cÿɔ́g *ssé tepòŋ ŋwɛ́, ńgɔɔn ngie: Gù *ssé tepòŋ gie e tsɛ́ɛ ncwò nyìŋ, ńziŋe pâ metuŋó mé, mèŋ n gwɔ gyá, mbà ɔ̀ fǒ ná múɔ wɛ̂ ńkẅɛ, ḿbɔ́ɔn lélá’ ńgíŋ ḿbiŋ nzèm ńkúu ná ye.

Lukase 17:5

Megàŋa kwò Yěsô gɔɔn né yé ngie: Cʉ̀apʉ̀a, kẅéte wég lékẅi’i ńzáb ntʉ́m nà Ssé.

Lukase 7:38

ńkuu ndá, ńtyé nzèm Yěsô, á ngʉ̀ŋe mekwò mé, ńzye lélʉa, ńdʉa lʉa tà ntse nÿɔ́g mé kẅɛ ńcʉ́mte na mekwò Yěsô. Mé gwɔ gyá manzwě ŋwɛ́ ne ńdɔgɔ menòŋo twó mé ńtsí’i mekwò Yěsô, ńtɔ́ɔn ésiŋte ńdɔgɔ laméndɔ́ɔn yɛ̌ ńzɔ́’ɔ.

Lukase 7:44

MÀbiŋ sele nnɛ́, ńdíe manzwě wá, ńgíŋ ńgɔɔn né Símo ngie: Ɔ̀ ne ńgyá manzwě wɔɔn, mèŋ n ně ńdá’ ńkúu ndá wɔɔn, ɔ̀ kaa náa wɔ̀ɔn ntse lɔg sɔg mekwò wɔ́, tá manzwě wɔɔn lɔ̌g ntse nÿɔ́g mé sɔg mekwò mɔ́ɔn, ḿbiŋ ńdɔg menòŋo twó mé ńtsí’i.

Megàŋ ntúm 10:19

Á gwaa gwɔ́ Piɛ ké nyé ńkwaŋte pɔ́ nò gie à fóo légyá. A Zẅìge Ssé shwóŋó yé ngie: Pʉ̀a métá ée jʉ’ɔɔn ne fa’a gú.

Megàŋ ntúm 10:31

ńgɔɔn né mèŋ ngie: Kornɛy, e Ssé ju’ú sẅíŋte jú. À kaa lege shúm sie ɔ̀ náa mbwo mepóŋ ńdɔgɔ ńkẅéte wɔ́b la wɔ́.

2 Korento 2:4

N ka gwɔ́ ŋwe’e ŋwà’ne ŋwɛ́, ńdɔg pɔ́ ntse nÿɔ́g, letʉ́m sɔ́ɔn ne ńgyáŋa tɛ’, mbùm yɔɔn ne ńtsyɛte, tá mèŋ n kɔ̌ɔn ńké tě ńŋwe’e ńdɔgɔ ńgÿo ngie pi mÿɔg wɔ́. Mèŋ n kɔ̌ɔn ńŋwe’e pú’u, pɔ́ lélɔg ńnyɛɛ gẅi máamáa nkwòŋe gie n gẅiin nzèm pi.

Efeso 2:8

À la cÿó gʉm gí, ńgÿo pi tsẅɛ́, éfóo ná pá’ pi la záb ntʉ́m ná Yěsô. Á té fóo né pi wɔ́, à la lɔg pɔ́ pòŋo ntʉ́m yé ńgÿo.

Filipo 1:29

A la cÿó gʉm gí, pi gwɔ́ pʉ̀a Kristo, tá á ké tè gwɔ́ pɔ́ ndà’ pú’u wɔ́, á gíŋe ńgwɔ́ mbɔɔ légyá ngɔ́’ ńtí Kristo.

2 Tesalonika 1:11

Áa mmó gie á gÿo tá peg ne sẅíŋte Ssé fʉ̀’ ntsèm ná twó sí, ńgie à gÿo pi gwɔ́ pʉ̀a pie pi ku’u létsẅɛ́ pá’ à la ká’a mbwo pi. Peg giŋé ne sẅíŋte yé, ngie à lɔg metʉ̀ mé ńkẅéte gẅi pi gÿo kɔ̀ɔkɔ́ɔ nò mbòŋo wɔ́ gie pi ne ńkwoŋo légÿo, mbɔɔ fà’ gie pi ne ńgÿo ńtí pá’ pi záb ntʉ́m ná yé.

2 Tesalonika 1:3

Mefɛ́ mefɛ́, peg gẅiin léná ndǎg mbwo Ssé nà twó sí ngwòŋ fʉ̀’ ntsèm. Áa mbòŋ ngie mé gÿo pú’u, mélà’mie pi tè ne ńkʉ́a lézáb ntʉ̀m ná yé wɔ́, ńgíŋe ne ńgẅiin nkwòŋe tsetsɛ̀ɛ pi ńdɔgɔ ńgee pɔ́ lê mvfò.

2 Timote 1:4

N daa lege pá’ pɔgɔ la gwaa fege ɔ̀ lʉa wɔ́. N ne ńtsɔ́ɔn tɛ́’ pá’ à lɔɔn ńgwɔ́ n gíŋe ńgyá gú, anò poŋo wɔ̀ɔn.

Heber 12:17

Pi cwoŋo ńne ńzsé ngie afʉ̀’ gie tá we lɔ̌ɔn ńge ńnéŋ mbʉ́lè ná yé la gÿo ńku’, tá we cʉ́’ ḿbe’e yé pe’e. Á lɔgɔ lélʉa, éfa’ shÿó pá’ tá we ge kúbe nkwaŋá wé, á tè mǒ ku’.

Heber 12:2

Pege ne ńtÿɔ́gɔ menÿɔ́g pɔ́ ná Yěsô gẅie à la zí’i wégè lézáb ntʉ́m nà Ssé, yé zɔɔ nyìŋ gẅie à ge lá’ ńnéŋe wégè ná mbwó Ssé ndà’ ndà’. À la nyé lekág gẅie à laa we, mé kíme yé nà tÿǒ nkǐ á shÿɔg shÿɔg, à tè lɔg shʉ́ gẅie ée nà lekwě pú’u, ńtóŋo tsɔ́ nò wɔ́. Aa fʉ̀’ɔɔn ńnéŋe ngʉ̀ŋe lʉŋe lefùɔ ye Ssé, á nà gwǒŋo pwó Ssé ye tʉ̀.

Heber 5:7

À giŋé ńgwɔ́ pɔ́ yé Yěsô gẅie à laa fʉ̀’ gie à la nyé ndùmo ssé tsetsá’, á sẅíŋte Ssé gẅie à lɔɔn ńgwɔ́ á gÿo tà yé le kwé, ḿbú’ mbwó mbwo yé tà ne ńga’te ńdʉa. E Ssé fó ná pá’ Yěsô zẅí’te kɔ̀ɔkɔ́ɔ pɔ́ mbwo yé, ńjú’u sẅíŋte yé.