Malékuse 9:20 - Nouveau Testament en Ngienboum

²⁰ Mé lɔgɔ yé ńtó ńná né ye, essé tepòŋ ŋwɛ́ leen ńjú’u gyé Yěsô, ńkaa múɔ ŋwɛ́ ńtéme ssé, á kele ssé, ńzye léfu’ metyé.

Malékuse 9:20 ပူးပေါင်းရင်းမြစ်များ

Malékuse 1:26

E *Ssé tepòŋ ŋwɛ́ gwóon ńtɔ́ɔn ngàŋ ńcʉ́’ʉ yé lê tʉ̀, ńgwɔ fó ná yé kẅɛ, ńgá’te tɛ’.

Malékuse 9:18

E *ssé tepòŋ ŋwɛ́ lɔɔn ńgwɔ lu ssé ná yé, á gwɔ́ nzɔ̌ jʉ’ wɔ́, é tsẅí’i yé ḿma’a pɔ́ ssé, á tiŋ, éfu’ metyé, ḿpfɛ́ mesoŋ mé. Mèŋ n tǒ pá’a, ésẅíŋte *ngàŋa kwò ɔ́ ngie pɔ́ jwoŋ *ssé tepòŋ ya yɛ̌, pɔ́ té mǒ ku’.

Malékuse 9:19

Yěsô gɔɔn mbwo pɔ́b ngie: Akwò pàtè něŋ ntʉ́m nà Ssé, áa pá’ɔɔn pege lá’ ńnéŋe tà síŋe gwɔ́ tá pi záb ntʉ́m gẅi nà Ssé? Mèŋ n ge lá’ shÿɔgɔ ná menò mí tà kú pɔ́ síŋe? Pi lɔgɔ múɔ ŋwɛ́ ńtó, ńná né mèŋ.

Malékuse 9:21

Yěsô zɛ́te tá múɔ ngie: Yɔɔn guɔ áa pá’ɔɔn ńgwɔ́ ná múɔ tà fó síŋe? Á gɔɔn ngie tà fó fʉ̀’ gie mé la zyé yé.

Malékuse 9:26

E *ssé tepòŋ ŋwɛ́ tsẅi’i múɔ ḿma’a ssé, ńgÿo á ga’te, éfó ná yé ńkẅɛ. Á cʉ́’ ńnuŋo ssé ńgÿo pɔ́ pá’ pfó nyìŋ la, tà mé ne ńgɔɔn pɔ́ ngie à kwě.

Lukase 4:35

Yěsô cÿɔ́g yɛ̌ *ssé tepòŋ, ńgɔɔn né yé ngie: Láŋte, éfó ná nyìŋ wɛ ńkẅɛ. E *ssé tepòŋ yá sáa nyìŋ wá, ḿma’a ssé á tsetsɛ̀ɛ pʉ̀a, ńdêen ńké fó ná yé ńkẅɛ té gÿo mmó ná yé.

Lukase 8:29

ńgɔɔn pú’u, mélà’mie á la gwaa gwɔ́, mbà Yěsô cÿɔ̌g yɛ̌ *ssé tepòŋ ngie e fóo ná yé ńkẅɛ. E *ssé tepòŋ ŋwɛ́ laa pá’ɔɔn, mbà é zyě ńtó, ḿbége yé. E lɔ̌ɔn ńgwɔ́ tà ńgwoon yé, á lu ssé ńkÿo, mé jwoŋo yé ńgwoon, ńdɔgɔ metsɛ̂n ńkwɛ́ɛ yé, ńnéŋe *kɔ̌’ mekwò ye. Á zá’te tsɛ̂n, ḿbwɔ́’ɔ *kɔ̌’, e ssé ŋwɛ́ lɔgɔ yé ńkÿo pɔ́ ne nkwòŋo tsẅɛ.

Lukase 9:39

Tsɔ̌ *ssé tepòŋ ńnéŋe tà ńgwoon yé, á gá’te, ńgwe, ḿbʉ́’, ḿpfɛ́ ncwò wé, éfu’ metyé. E gwoon yé, ńdá’ ńgwɔ kyɛɛ yé nyé, ḿbú ḿbwɔ́’te yé tɛ’.

Lukase 9:42

Tá múɔ ne ńdɔgɔ yé ńtóo, essé tepòŋ ŋwɛ́ gíŋe ńgwoon yé ńtéme ssé, á pʉ́’ lê tʉ̀. Yěsô leen ńcÿɔ́g *ssé tepòŋ ŋwɛ́, á kyɛɛ múɔ ńnyé á sẅéte. Yěsô kíbe pwó yé, ńnáa yé né tá we.

Ŋwà’ne Jâŋ 8:44

Agẅi tá aa Sátá, pi piŋ né ńkwoŋo légÿo mmó gie à né ńtsɔ́ɔn. Á gʉa ná yé, mbà tà fó nzyeté, á gwɔ́ pɔ́ nzẅè nyìŋ. À laa mé ńgiŋe tsɛ̀ɛ nò nénʉ́ wɔ́. Ńtí nue à tè nò nénʉ́ tsɛ̀ɛ ntʉ́m yé gẅiin, tà tsoon lǎg. À gwɔ̌ tà ne ńcÿɔ nò, á gwɔ́ pɔ́ kwà’ shwóŋè yé, á nue aa ngàŋa cÿɔ nò, ńgwɔ́ nyìŋ gẅie yé zɔ la nuŋe cÿɔ nò.

1 Piɛ 5:8

Tà pi gwá’a lÿɔg, tà pi lyé. Angàŋ mbù gẅi, Sátà, à ne ńgwá ńzéme, éfa’a nyìŋ gẅie à ge gwoon yé, pá’ pú’ ntʉ̀ gẅie à ga’te éfa’a mmó gie à ge pfɛ́ la.