Malékuse 9:19 - Nouveau Testament en Ngienboum

¹⁹ Yěsô gɔɔn mbwo pɔ́b ngie: Akwò pàtè něŋ ntʉ́m nà Ssé, áa pá’ɔɔn pege lá’ ńnéŋe tà síŋe gwɔ́ tá pi záb ntʉ́m gẅi nà Ssé? Mèŋ n ge lá’ shÿɔgɔ ná menò mí tà kú pɔ́ síŋe? Pi lɔgɔ múɔ ŋwɛ́ ńtó, ńná né mèŋ.

Malékuse 9:19 ပူးပေါင်းရင်းမြစ်များ

Matio 17:17

Yěsô jú’ pú’u, ngie: Yee! Pi pʉ̀a ngù’ɔɔn, pi tè záb ntʉ́m nà Ssé wɔ́, ńgÿo pɔ́ nò tepòŋ, aa pá’ɔɔn pege lá’ ńnéŋe tà ńkú pɔ́ síŋe? Mèŋ n ge lá’ shÿɔgɔ ná menò mí tà kú pɔ́ síŋe? Pi lɔgɔ múɔ ŋwɛ́ ńtóo jʉ’ɔɔn ńná né mèŋ.

Malékuse 16:14

Yěsô la gÿo ńgíŋe ńnyɛ mbùm ye mbwo *ngàŋa kwò yé tsɔ̀b yémɔ’ɔ́ nê legém métsèm. Pɔ́ gwɔ́ ndá mpfɛ́ɛ mmó. Á kaga wɔ́b ná pá’ pɔ́ ně tè zẅíŋ, ńgíŋe ńdʉ’ mbɔɔ lézẅíŋe nò ncwò pʉ̀a pie à zǐm ńnyɛ mbùm ye mbwó pɔ́b.

Malékuse 9:18

E *ssé tepòŋ ŋwɛ́ lɔɔn ńgwɔ lu ssé ná yé, á gwɔ́ nzɔ̌ jʉ’ wɔ́, é tsẅí’i yé ḿma’a pɔ́ ssé, á tiŋ, éfu’ metyé, ḿpfɛ́ mesoŋ mé. Mèŋ n tǒ pá’a, ésẅíŋte *ngàŋa kwò ɔ́ ngie pɔ́ jwoŋ *ssé tepòŋ ya yɛ̌, pɔ́ té mǒ ku’.

Malékuse 9:20

Mé lɔgɔ yé ńtó ńná né ye, essé tepòŋ ŋwɛ́ leen ńjú’u gyé Yěsô, ńkaa múɔ ŋwɛ́ ńtéme ssé, á kele ssé, ńzye léfu’ metyé.

Lukase 24:25

Yěsô leen ńké ńgɔɔn né pɔ́b ngie: Pi gwě gígyé. Pi tè ne ńdwo ńzẅíŋe menò ntsèm mie *pàntsẅi nkʉ̀ Ssé la ŋwé’e wɔ́.

Lukase 9:41

Yěsô jú’ pú’u, ngie: Wɛ̌ɛ! Pʉ̀a ngù’ yɔɔn, pi tè záb ntʉ́m nà Ssé wɔ́, ńgÿo pɔ́ nò tepòŋ. Aa pá’ɔɔn pege lá’ ńnéŋe tà ńkú pɔ́ síŋe, mèŋ shÿɔgɔ nà menò mi? Lɔgɔ míŋ ɔ̀ ŋwɛ́ ńtó lé jʉ’ɔɔn.

Ŋwà’ne Jâŋ 12:27

Yěsô gíŋe ngie mèŋ n gee pá’ɔɔn, mbà lém yɔ́ɔn tsɔ’ɔ́. Mèŋ n ge ké gɔɔn ngie kɔ́? É gɔɔn ngie Tá wɔ̀ɔn gÿo mèŋ n tsẅɛ́ɛ yɔɔn fʉ̀’ la? Mèŋ n dɔ̌ɔn ńzɔɔn ńtóo ńtí pɔ́ yɔɔn fʉ̀’.

Ŋwà’ne Jâŋ 20:27

Ńdeen ńké ńgɔɔn né Tomáse ngie: Tsíŋe múɔ tepwó gù jʉ’ɔɔn. Líe mbwó mɔ́ɔn. Tsíŋe pwó jú, éshÿɔ́gɔ nà gwoŋó nnɛ́ yɔ́ɔn. Tè gíŋe ḿmʉ́’te, zẅíŋ ngie aa kwà’ mèŋ.