Malékuse 9:17 - Nouveau Testament en Ngienboum

¹⁷ Atsɔ̌ nyìŋ kẅɛɛ nùɔ lá’, ńtsɔ́’ɔ mbwo ye ngie: Andè, mèŋ n dɔgɔ́ míŋ wɔ̀ɔn ńtó légyá gú. Á gwɔ́, mbà *ssé tepòŋ léen ńgwoon yé, ńtsɛ́ ncwò wé.

Malékuse 9:17 ပူးပေါင်းရင်းမြစ်များ

Matio 12:22

Mé lɔgɔ tsɔ̌ nyìŋ ńtóo mvfò Yěsô, mbà *ssé tepòŋ leen ńgÿo á fʉ, ńgíŋ ńcʉ́’ʉ támbǎ’. Yěsô gÿo nyìŋ ŋwɛ́ zeŋe, ńgwóon ńzye leshwóŋe, mbɔɔ légyá jʉ’ mboŋó.

Matio 17:15

ńgɔɔn né yé ngie: A nde, tsétsɔ’, tsɔ́ɔn mezìŋe míŋ wɔ̀ɔn mɔɔn, aa ngwègwá’. À gyá ngɔ́’ tɛ’, à gwǎ ńgwe tsɛ̀ɛ mmɔ̌g, tà mbɔɔ tsɛ̀ɛ ntse.

Matio 9:32

Pàfʉ̀ menÿɔ́g gwaa fó ndá kẅɛ, mé lɔgɔ tsɔ̌ nyìŋ ńtóo mvfò Yěsô, mbà tsɔ́ *ssé tepòŋ la gÿo á cʉ́’ʉ mbu’ ncwò.

Malékuse 10:13

Epʉ̀a ne ńdɔgɔ tsɔ́ gubé ńtóo légwɔ́ gie Yěsô ge záb mbwó twó pɔ́b, tá’ *ngàŋa kwò yé piŋ ńne ńtɔ’ɔ.

Malékuse 5:23

ḿbú’ mbwó ngie: Tsétsɔ’ míŋ wɔ̀ɔn we manzwě à cʉ̌’ ńgwɔ́ pɔ́ ncwò legwé, tóo, ńzáb mbwó mú ná ye, à sẅéte ńtsẅɛ́.

Malékuse 7:26

ésẅíŋte yé ngie à jwoŋ *ssé tepòŋ ŋwɛ́, e kyɛɛ míŋ we ńnyé. Manzwě awɛ̌ la piŋ tè mûɔ Yuda wɔ́. A laa mûɔ Fénisi, á tsɛ̀ɛ ngwòŋ Siria.

Malékuse 9:16

Á piŋ ńzɛ́te *ngàŋa kwò yé ngie pɔ́ zoŋo kɔ́ wɔ́?

Malékuse 9:18

E *ssé tepòŋ ŋwɛ́ lɔɔn ńgwɔ lu ssé ná yé, á gwɔ́ nzɔ̌ jʉ’ wɔ́, é tsẅí’i yé ḿma’a pɔ́ ssé, á tiŋ, éfu’ metyé, ḿpfɛ́ mesoŋ mé. Mèŋ n tǒ pá’a, ésẅíŋte *ngàŋa kwò ɔ́ ngie pɔ́ jwoŋ *ssé tepòŋ ya yɛ̌, pɔ́ té mǒ ku’.

Malékuse 9:25

Yěsô gyá, alá’ ne ńnɔ́ɔnte ńkẅi’i ńtóo tǒ, á cÿɔ́g *ssé tepòŋ ŋwɛ́, ńgɔɔn ngie: Gù *ssé tepòŋ gie e tsɛ́ɛ ncwò nyìŋ, ńziŋe pâ metuŋó mé, mèŋ n gwɔ gyá, mbà ɔ̀ fǒ ná múɔ wɛ̂ ńkẅɛ, ḿbɔ́ɔn lélá’ ńgíŋ ḿbiŋ nzèm ńkúu ná ye.

Lukase 11:14

Á gwɔ́ tsɔ́ lyɛ̌’, Yěsô jwoŋ *ssé tepòŋ gie e léen ńkúu ná tsɔ̌ nyìŋ, ńdɔgɔ yé ńgÿo tántsá’ mbǔ’. E *ssé tepòŋ gwɔ́ tà fó ná ngàŋ ńkẅɛ, tà á zye légɔɔn nò, alá’ pú ńgyá ḿmɔɔn tɛ’.

Lukase 9:38

Nyìŋ leen fó nùɔ lá’ sẅíŋte yé lê ngyè tetʉ́ ngie: Andè tsétsɔ́’, líe míŋ wɔ̀ɔn mɔɔn ńgyá, aa mûɔ mbàŋa, ńgwɔ́ ndà’ yé mbwo mèŋ.

Ŋwà’ne Jâŋ 4:47

Á jú’ ngie Yěsô fǒ Jẅidea ńtóo Galilea, ńgʉa ńgyá yé, ésẅíŋte yé ngie à cwóŋ ńtó, ńgÿo míŋ we gẅie à cʉ’ʉ́ ńkwé kwě zeŋe.