Malékuse 9:13 - Nouveau Testament en Ngienboum

¹³ Tá’, mèŋ shwóŋó gẅi pá’ɔɔn, mbà *Elîɛ ŋwɛ́ kéen ńtó, epʉ̀a mesoŋ gÿo ná yé pá’ pɔ́ kwǒŋ, á gwɔ́ ndʉŋ ndʉŋ pá’ mé la ŋwe’e tsɛ̀ɛ ŋwà’ne Ssé ńtí yé.

Malékuse 9:13 ပူးပေါင်းရင်းမြစ်များ

Matio 11:14

Pi lɔɔn ḿbiŋ ne ńkwoŋo lézsé nyìŋ gẅie Jâŋ aa wɛ̌, mbà mèŋ n ge ké shwóŋó gẅi ngie à lɔgɔ ńgwɔ́ *Elîɛ gẅie à lɔ̌ɔn ńge gíŋe tó

Malékuse 9:12

Á tsɔ́’ɔ mbwo pɔ́b ngie: «Áa nò, a*ntsẅì nkʉ̀ Ssé *Elîɛ vɔgɔ ńtóo lézába kɔ̀ɔkɔ́ɔ nà yé jʉ’», ńzɔɔn ńgwɔ gwɔ́, mbà pá’ mé la gíŋe ńŋwe’e tsɛ̀ɛ ŋwà’ne Ssé ngie: *Míŋ Nyìŋ zɔɔn ge lá’ gyá ngɔ́’ tɛ’, mé kʉ́e yé, mé ŋwe’e pú’u, ńdɔgɔ ngie kɔ́

Malékuse 9:14

Yěsô gwaa piŋ nzèm jʉ’ gie *ngàŋa kwò yé ée wó, ńgyá alá’ pú ńtÿɔ́’ɔ wɔ́b ńnéŋe soŋ, *ngàŋa kwò yé pâ *pàkyàgte lepʉ̌ Mǒsê gwɔ́ wó ńzoŋo tsɔ́ nò.

Lukase 1:17

E Ssé ge lá’ náa yé metʉ̀, à lɔg ńgwɔ́ yé pá’ *Elîɛ, *ntsẅì nkʉ̀ Ssé, lélɔg ńgwɔ́ mvfò e fa’a pá’ à ge gÿo metá gẅiin nkwaŋá mbòŋo nà gubé yɔ́b, é piŋ gÿo pàte jǔ’ ncwò gẅiin ntʉ́m pʉ̀a pie é pɔ́g Ssé. Pú’u, e Ssé lɔg ńtáŋte pʉ̀a pie é ge lá’ ku’u légu’te yé.

Megàŋ ntúm 7:52

Metá pí la tè wɛ̌ *ntsẅì nkʉ̀ Ssé kʉ́e? Pɔ́ la zẅéte pʉ̀a pie pɔ́ la tʉ́ njÿó ne ḿbÿé ngie nyìŋ gẅie aa ndʉŋ ndʉŋ gílé yé ge gÿo tó. A kéen ńtó, pi pɛ̂ sẅiŋe yé, ńgÿo mé zẅé yé.