Malékuse 9:12 - Nouveau Testament en Ngienboum

¹² Á tsɔ́’ɔ mbwo pɔ́b ngie: «Áa nò, a*ntsẅì nkʉ̀ Ssé *Elîɛ vɔgɔ ńtóo lézába kɔ̀ɔkɔ́ɔ nà yé jʉ’», ńzɔɔn ńgwɔ gwɔ́, mbà pá’ mé la gíŋe ńŋwe’e tsɛ̀ɛ ŋwà’ne Ssé ngie: *Míŋ Nyìŋ zɔɔn ge lá’ gyá ngɔ́’ tɛ’, mé kʉ́e yé, mé ŋwe’e pú’u, ńdɔgɔ ngie kɔ́

Malékuse 9:12 ပူးပေါင်းရင်းမြစ်များ

Matio 16:21

Á fó fʉ̀’ ayɛ̌, Yěsô Kristo shʉashʉa ḿbÿe mbwó *ngàŋa kwò yé ngie: Á ne ńzɛ́te ngie à gʉa Yerósalem. À ge kúu wó gyá ngɔ́’ tɛ’ mbwó mekěme lá’, pâ *metándá pànùŋe pwɔ́’, mbɔɔ *pàkyagte lepʉ̌ Mǒsê, pɔ́ gÿo mé zẅé yé. A piŋ nzime na legwé na ḿbɔ́ɔnte lyɛ̌’ tá.

Matio 26:24

*Míŋ Nyìŋ ge kwé, à gwɔ́ pá’ mé la gɔɔn tsɛ̀ɛ ŋwà’ne Ssé, tá’, àndù té poŋ aa nyìŋ gẅie à sẅiŋé yé. Mbòŋo laa pá’ mé lɔɔn tè zyé yé wɔ́.

Malékuse 10:33

Pi cwoŋo ńjú’ mboŋó, pege ee mánzsè ńne ḿbʉʉ nê Yerósalem pá’ɔɔn, é kúu wó, mé sẅiŋe *Míŋ Nyìŋ mbwo *metándá pànùŋe pwɔ́’ pâ *pàkyàgte lepʉ̌ Mǒsê, pɔ́ ŋaga yé, ńzáb pá’ à ge kwé, é leen náa yé mbwo pʉ̀a túmo ndyɛ̀’ɛ.

Malékuse 9:13

Tá’, mèŋ shwóŋó gẅi pá’ɔɔn, mbà *Elîɛ ŋwɛ́ kéen ńtó, epʉ̀a mesoŋ gÿo ná yé pá’ pɔ́ kwǒŋ, á gwɔ́ ndʉŋ ndʉŋ pá’ mé la ŋwe’e tsɛ̀ɛ ŋwà’ne Ssé ńtí yé.

Malékuse 9:31

ńně ńzí’i *ngàŋa kwò yé mmó, ńne shwóŋó ngie: Mé ge sẅiŋe *Míŋ Nyìŋ mbwo pʉ̀a mesoŋ pɔ́ gÿo à kwé. Tá’, e gwaa gwɔ́ lyɛ̌’ tá à zím.

Lukase 1:76

Sakarîɛ gíŋe ńgɔɔn ngie: Á gʉa ná gù míŋ wɔ̀ɔn, mbà mé ge lá’a tóŋo ɔ́ lé *ntsẅì nkʉ̀ Ssé, e Ssé gẅie à pi’i kɔ̀ɔkɔ́ɔ Cʉ̀apʉ̀a gwaa tó, mbà ɔ̀ vɔ̌g ńgwɔ́ mvfò ńnyɛte mánzsé we.

Lukase 23:11

*Herôd pâ pàmékɔ́ɔn pé zoonte Yěsô, ńnyime yé tà ńkaa nzsǒ lefùɔ éshuu ná yé, ńtúm ngie, mé gíŋe ńdɔgɔ yé ḿbiŋ ńnáa mbwo *Pilato.

Lukase 23:39

Atsɔ̌ tà’ nà metsǒŋ pie mé la pú ńkime wɔ́ba Yěsô nà metÿǒ nkǐ ne ńzoonte yé ngie: Mé gɔɔn ngie ɔɔ *Nzà’nkÿo pù’ ká? Kẅé twó ɔ̀ mbwo legwé, ńkẅé yég la.

Megàŋ ntúm 1:6

Megàŋ ntúm la cú’te pú’u, ńzɛ́te Yěsô ngie: Andè, yɔɔn lɔgɔ ńgwɔ́ fʉ̀’ gie ɔ̀ ge gÿo tà lefùɔ piŋe mbwo Israel keen?

Megàŋ ntúm 4:11

Yé zɔ lɔgɔ ńgwɔ́ tóon gẅie ŋwà’ne Ssé gɔɔn nò nà yé ngie: «Tóon gẅie pàkwɛ́ ndá la gwá’, à kéen ńcʉ́’ʉ tóon lezẅé ndá».