Malékuse 9:1 - Nouveau Testament en Ngienboum

¹ Yěsô gíŋe ńgɔɔn né pɔ́b ngie: Mèŋ shwóŋó gẅí, kwà’ nénʉ́, ngie: Etsɔ́ ntá’ ná pʉ̀a pie pɔ́ ée jʉ’ɔɔn fʉ̀’ɔɔn té ge gÿo kwé té gwɔ́ gie pɔ́ lɔ̌g nÿɔ́g ńgyá *Lefùɔ Ssé pá’ é tóo lê shʉ́shÿɔ́g wɔ́.

Malékuse 9:1 ပူးပေါင်းရင်းမြစ်များ

Matio 16:28

Mèŋ shwóŋó gẅí, kwà’ nénʉ́, etsɔ́ ntá’ ná pʉ̀a pie ée jʉ’ɔɔn fʉ̀’ɔɔn té gÿo kwé, té gwɔ́ gie pɔ́ gyǎ pá’ *Míŋ Nyìŋ tǒ pá’ fùɔ wɔ́.

Matio 24:30

Àliŋé *Míŋ Nyìŋ leen ńké ńkẅɛɛ lefaŋ. «Mengwòŋo mengwòŋ mie ée ndùmo ssé tsetsá’ kɔ́’ legwé ńdʉa, mé leen ńké ńgyá *Míŋ Nyìŋ gwɔ́ tsɛ̀ɛ melɔ́ɔn tÿǒ lefaŋ ne ńtóo, ńgẅiin shʉ́shÿɔ́g mbɔɔ máamáa metʉ́»,

Matio 25:31

*Míŋ Nyìŋ ge gwɔ́ tà tóo tsɛ̀ɛ legú’ we, tà pâ mecÿɔ́’ pé gwɔ́, à ńnéŋe ná lʉŋ yé, ńgwɔ́ fùɔ gẅie tsɔ̌ tè yé cʉa.

Malékuse 13:26

Mé leen ńké ńgyá «*Míŋ Nyìŋ gwɔ́ tsɛ̀ɛ melɔ́ɔn, ńne ńtóo», ńgẅiin shʉ́shÿɔ́g mbɔɔ máamáa metʉ̀.

Malékuse 13:30

Mèŋ shwóŋó gẅi kwà’ nenʉ́, akwò pʉ̀a pie ée tsɛ̀ɛ njÿó fʉ̀’ɔɔn, té ge lá’ kwéte tà mag, té gwɔ́ gie mɔɔn menò ntsèm tǒ wɔ́.

Lukase 2:26

Mbà à la lá’ ńtʉ́ njÿó shwóŋó yé ngie à těen ńdá’a ńkwé té gwɔ́ gie à zabá léjÿɔ́g ná *Nzà’nkÿo gẅie à tǔm wɔ́.

Lukase 22:18

Pi zsé ngie mèŋ, n tě ńdá’a ńgíŋe ńnúu melù’ wɔ́ tà lá’ kú fʉ̀’ gie Ssé zɔ cʉ’ʉ́ sá’a njÿó.

Lukase 22:30

Afʉ̀’ gie mèŋ n ge gwɔ́ Fùɔ la, pege tem shúm ḿpfɛ́, ńnú, pi piŋ ńnéŋe nà melʉŋe lefùɔ, ńŋag ngẅɛ̀ ndá Israel ntsɔ̀b pʉ́a nê legém.

Lukase 9:27

Pi cwoŋo ńzsé ngie, tsɔ́ ntá’ ná pʉ̀a pie pɔ́ ee jʉ’ɔɔn fʉ̀’ɔɔn té gÿo kwé té gwɔ́ gie pɔ́ lɔ̌g nÿɔ́g ńgyá *lefùɔ Ssé wɔ́.

Ŋwà’ne Jâŋ 21:23

Yěsô gɔɔn yɔɔn nò ná wɛ̌ *ngàŋa kwò we pá’ɔɔn, mé gÿo ńcʉ́’ ńgwɔ́ tsetsɛ̀ɛ pʉ̀a pé, éshwóŋte shwoŋté ngie wɛ̌ *ngàŋa kwò we tě ńdá’a ńkwé wɔ́. Tá, mbà Yěsô kaa gɔɔn ngie à tě ńdá’a ńkwé wɔ́ wɔ́. Mbà à gɔ̌ɔn pɔ́ ngie, à lɔɔn ńkwoŋ ngie wɛ̌ nyìŋ gwɔ́ pɔ́ wó tà à lá’ ńgíŋ ńtó, mbà à ye Piɛ áa mǒ ńgwɔ́ kɔ́ wɔ́.

Heber 2:9

Tá’, ammó gie pege ne ńgyá fʉ̀’ɔɔn gwɔ́ pɔ́ ngie Yěsô gẅie e Ssé la sẅé’e yé ńnáa ssé tà *mecÿɔ́’ Ssé cʉa yé méjʉ’, e Ssé lêen ńtɔ́’ɔ cÿɔ́’ɔ lefùɔ twó ye, á gie á gÿo á gẅiin legú’, ḿbiŋ ńnéŋ mekù’ mé, mélà’mie à la zẅíŋe légyá ngɔ́’ tà ńkwé. Yěsô lɔ̌ɔn ńkwé ná twó pʉ̀a mesoŋ metsèm, á fó pɔ́ ná pá’ e Ssé tsɔ́ɔn mezìŋe pʉ̀a tɛ’.