Malékuse 8:34 - Nouveau Testament en Ngienboum

³⁴ Ńdeen ńké ńtóŋo lá’ mbɔɔ *ngàŋa kwò yé, ńgɔɔn né pɔ́b ngie: Nyìŋ lɔɔn ńge gwɔ́ wɔ̀ɔn nyìŋ, á gwága twó mbùm yé, ńkaa yé tÿǒ nkǐ ńdɔg ńzẅíŋe lékwé, tá ńcʉ́me nzèm mèŋ.

Malékuse 8:34 ပူးပေါင်းရင်းမြစ်များ

Matio 10:38

Nyìŋ lɔɔn tè kaa yé tÿǒ nkǐ, ńdɔg ńzẅíŋe lékwé tá ńcʉ́me nzèm mèŋ wɔ́, mbà ńgwɔ́ á le ku’u légwɔ́ *ngàŋa kwò wɔ̀ɔn mɔ́

Matio 16:24

Yěsô gíŋe ńgɔɔn mbwó *ngàŋa kwò yé ngie: Nyìŋ lɔɔn nge gwɔ́ wɔ̀ɔn nyìŋ, á gwága twó mbùm yé, ńkaa yé tÿǒ nkǐ ńdɔg ńzẅíŋe lékwé, tá ńcʉ́me nzèm mèŋ.

Matio 27:32

Pàlÿɔ́’ ncù lɔgɔ yé fó tÿǒsoŋ ńkẅɛ, ńgiŋ tà ḿbumte tsɔ̌ nyìŋ Sirɛne, mé tóŋo yé lê Símo, mé sẅɛ́ɛ yé ngie à kaa tÿǒ nkǐ Yěsô.

Malékuse 10:21

Yěsô gíŋe ńdíe yé, anò yé poŋo yé, á gɔɔn né yé ngie: Mémmó wémɔ’ɔ́ nyě ńzága gẅie ɔ̀ ge gÿo. Gʉa, ḿbú sẅiŋ shúm shú ntsèm, ńgab nkáb mbwo pàtèmmó, ńdeen ńké ńdá’ ńgẅiin shúm tʉ̀ nzẅìŋ tÿǒ lepwó. Gʉa ńgÿo pú’u, ḿbiŋ ńtó ńcʉ́me nzèm mèŋ.

Malékuse 7:14

Yěsô gíŋe ńtóŋo lá’ ńgɔɔn né pɔ́b ngie: Pi metsèm téŋe tuŋó, ńcwoŋo ńjú’u nò gie mèŋ n gee ngɔ̌ɔn.

Lukase 13:24

Pi fa’ shÿó pɔ́ létɔ́gɔ nà ncwò ndá gẅie é kʉ́mte kʉmté. Pi zsé mboŋó ngie pʉ̀a tà ńgyɔ́ɔn ge lá’ fa’a lékúu wó, é piŋ ké le ku’.

Lukase 14:33

Yěsô ma’a twó ngie: Áa ndʉŋ ndʉŋ pú’u, nyìŋ lɔɔn ńgwɔ́ tsetsɛ̀ɛ pi, à tè vɔg ńnyé shúm sie à gẅiin wɔ́, mbà à tè ku’u légwɔ́ *ngàŋa kwò wɔ̀ɔn mɔ́.

Lukase 18:22

Yěsô zẅí’te tà ńtsɔ́’ɔ mbwo yé ngie: Tà’a mmó kě ńnyé ńzága mbwo ɔ̀. Gʉa sẅiŋ shúm shú ntsèm, ńgab nkáb mbwo pàtèmmó, ńdeen ńké ńdá’ ńgẅiin shúm tʉ̀ nzẅìŋ tÿǒ lepwó, gʉa ńgÿo pú’u, ḿbiŋ ńtó ńcʉ́me nzèm mèŋ.

Lukase 20:45

Yěsô gÿo ńtsẅe ńně náa ntÿɔgɔ́ mbwo *ngàŋa kwò yé, alá’ ntsèm gie á laa jʉ’ó ne ńjú’u. Á gɔɔn ngie:

Lukase 9:23

Yěsô gÿo ńgɔɔn mbwo pʉ̀a metsèm ngie: Nyìŋ lɔɔn nge gwɔ́ wɔɔn nyìŋ, á gwága twó mbùm yé, ńkaa yé tÿǒ nkǐ ńdɔg ńzẅíŋe lékwé, tá ńcʉ́me nzèm mèŋ.

Ŋwà’ne Jâŋ 10:27

*Me njʉ̀njÿò mɔ́ɔn jú’ ngyè yɔɔn. Mèŋ n zsé wɔ́b, pɔ́ cʉ́me nzèm mèŋ.

Ŋwà’ne Jâŋ 19:17

Ńgwɔ fóo tÿǒsoŋ kẅɛ, kwà’ yé zɔ̌ kaa tÿǒ nkǐ yé, pâ pɔ̌ ne ńgee nê tsɔ́ jʉ’, mé tóŋ lê kẅǐ twó. Á gwɔ́ ná shwóŋè pà Heber, ńgwɔ́ Golgota.

Megàŋ ntúm 14:22

ńgiŋe ńtóonte ntʉ́m pʉ̀a Kristo ngie tà pɔ́ kʉ́a ná lézáb ntʉ́m nà Yěsô, ńne ńgɔɔn né pɔ́b ngie: Á ne ńzɛ́te ngie pâ pɔ̌ cʉa tsɛ̀ɛ ngʉ̀ngʉ̀ tà ńgyɔ́ɔn tá ńkúu tsɛ̀ɛ *lefùɔ Ssé.

Roma 6:6

Tà pege lege ngie: Mé la púte Kristo laa nzẅìŋe nyìŋ gẅie à laa ná pege ńkíme nà tÿǒ nkǐ, légwɔ́ gie metʉ̀ mmó gie á laa ná pege, ńtsóte wégè pege gÿo nò tepòŋ, é ge mag pege é le gíŋe ńgwɔ́ menkwɔɔn nò tepòŋ wɔ́.

Roma 8:17

Pá’ pege ee púɔ Ssé la, pege ge lá’ gẅiin yégè mmó nà fù’ gie e Ssé la ka’a mbwo pʉ̀a pé, ńdɔgɔ ńgẅiin yégè mmó nà shúm Ssé, pega Kristo lɔgɔ ḿbú ńgẅiin. Pá’ pege ne ńzẅíŋe légyá ngɔ́’ pá’ à la zẅíŋ yé la, pega pɔ̌ ge gÿo gíŋe púte gwɔ́ tsɛ̀ɛ legú’ we.

1 Korento 15:31

Mefɛ́ pɔ́ɔn, lyɛ̌’ ntsèm mèŋ n tsẅíle ncwò legwé tsẅíle, n gɔɔn pá’ɔɔn, ammó gie n dɔg ńzá’ nkwèen ngie áa nénʉ́, á gwɔ́ pá’ n dɔgɔ gẅi ńka’te tɛ’, ńcʉa ná pá’ pege pǔ ńgwɔ́ nzèm Cʉ̀apʉ̀a wege Yěsô Kristo.

1 Korento 8:13

Áa yɛ̌ tá ńgwɔ́ gie n dɔɔn ńjÿó mmó léjÿó, le gwɔ́ gẅie mèŋ n jÿǒ gÿo fɛ́ wɔ̀ɔn gwe ssé, mbà á cʉ́’ gie mèŋ n ké ńgÿo fɛ́ wɔ̀ɔn gwe pɔ́ ssé, n de lá’ ńgíŋe ḿpfɛ́ mbab wɔ́.

1 Korento 9:19

Pá’ mèŋ n ně ńgɔɔn la, mèŋ n gẅiin légÿo kɔ̀ɔkɔ́ɔ nà ntí gie mèŋ n zsé, tá’ mèŋ n déen ńzẅíŋ nkwɔɔn pʉ̀a metsèm, ńzsé ngie n ge lɔg pú’u, gÿo pʉ̀a tà ńgyɔ́ɔn cʉ́’ pʉ̀a Kristo.

Galatia 2:20

Mèŋ n zɔ tè pá’ɔɔn ńgíŋe sá’a twó mbùm yɔ́ɔn mɔ́, Kristo zɔ cʉ̌’ ńgwɔ́ soŋ nnɛ́ mèŋ ésá’a wɔ̀ɔn. N dɔɔn ńgÿo pɔ́ kɔ́ wɔ́, mbà á gwɔ́ pɔ́ ngie m bǔ ńzáb ntʉ́m wɔ̀ɔn ná Míŋ Ssé. Àa nyìŋ gẅie à la kwoŋo wɔ̀ɔn kwoŋ tà ńkwé nà twó yɔ́ɔn.

Galatia 5:24

Pʉ̀a pie ée pe Yěsô Kristo léen ńgwá’ shúm tepòŋ sie é póŋ mbùm nnɛ́ yɔb, lâ sie mbùm nnɛ́ ŋwɛ́ zɔ tsɔ̌ɔn, tá á gwɔ́ pɔ́ pá’ fʉ̀’ gie pɔ́ léen ńkim mbùm nnɛ́ ŋwɛ́ nà tÿǒ nkǐ la.

Galatia 6:14

ńgʉa ná mèŋ, mbà mmó gie á lɔɔn ńgwɔ́ n dɔg ńŋá’te, á gwɔ́ pɔ́ pá’ Cʉ̀apʉ̀a wege Yěsô Kristo la kwé nà tÿǒ nkǐ la. Pá’à la kwé nà tÿǒ nkǐ lá, eshúm yɔɔn njÿó ée lejʉ́ŋ mèŋ ńcʉ́’ pɔ́ pfó shúm, á gʉa ná mèŋ n gwɔ́ mbwo pɔ́b, mbà mèŋ n déen ńkwé.

Filipo 3:10

Mèŋ n ne ńtsɔ́ɔn pɔ́ tà’a nò wémɔ’ɔ́. Á gwɔ́ ngie n zsé yé Kristo, ńzsé metʉ̀ mie é la gÿo á zíme ná legwé, ńgyá ngɔ́’ pá’ à la gyá yé, ńzẅíŋe lénáa twó yɔ́ɔn ńkwé pá’ à la náa yé,

Filipo 3:7

Tá’ mɔɔn menò mɛ́ mie é lâ mbwo mèŋ ńgwɔ́ pɔ́ lemaŋ, Kristo léen ńgÿo n gyá, mbà à la gwɔ́ pɔ́ pyé,

Kolosia 1:24

Áa fʉ̀’ɔɔn ngɔ́’ gie mèŋ n ne ńgyá ná twó gí gÿo mèŋ n kág kǎg. Ngɔ́’ gie mèŋ n gee tsoló áa pfwɔ́’ɔ ngɔ́’ Kristo gie mèŋ n gyá ntí mbùm ye gie áa cú’tè pʉ̀a pé.

Kolosia 3:5

Pá’ áa pú’u la, pi zẅé mà tepòŋ we ndùmo ssé tsetsá’ gẅie aa ná pi. Mé gɔɔn mmó pá’ mbàŋa letóŋ panzwě, é panzwě léfa’ mbàŋa, á mmó pá’ nò mpfwɔ́’, á mmó pá’ ntʉ́m nyìŋ légwá shÿó, pá’ legẅiin tsɔ́ ntí letsɔ̌ɔn shúm, pá’ letÿɔ̌g ntʉ́m nà shúm, á nue letÿɔ̌g ntʉ́m nà shúm, à giŋé ńgwɔ́ pɔ́ tsɔ̌ ntí legu’te shúm ngie ée Ssé.

2 Tesalonika 3:11

Peg piŋ ne ńjú’u, mé gɔɔn ngie é tsɔ́ pʉ̀a ée tsetsɛ̀ɛ pi ḿbɔ́gɔ fà’ pɔ̌g, ńgwá shwóŋó pɔ́ menò mie é té ne ńdíe wɔ́b gwɔ́.

Titus 2:12

Yɛ̌ ntí nkwòŋe ne ńzí’i wege légwá’a mà gẅie à tè Ssé poŋ mbɔɔ pá’ pege tè gíŋe ńgÿo shúm sie ntʉ́m wege tsóte wege ngie pege gÿo wɔ́. Pege cʉ́’ ńgwɔ́ tsɛ̀ɛ yɔɔn njÿó, ńgwɔ́ pʉ̀a pie é sáŋa nò tá ńgÿo, ńgÿo pɔ́ menò mie é tyé ndʉŋ ndʉŋ, ḿbiŋe ńjú’u pɔ́ ndà’ ncwò Ssé.

Heber 13:13

Pú’u la, pege fó yégè á jʉ’ gie mé tsẅé wó, ńkẅɛ, ńgʉa ńtsɛ́ɛ yé, ńne ńzẅíŋe ngie mé zoonte wégè pá’ yé.

1 Piɛ 4:1

Pá’ Kristo la gyá ngɔ́’ ná mbab nnɛ́ la, pi gí pi gwɔ́ twó pi, ńtyé légyá ngɔ́’ pá’ yé, ńne ńzsé ngie yé Kristo gẅie à la gyá ngɔ́’ nà mbab nnɛ́, à la maga nò nò tepòŋ.

1 Piɛ 4:13

Pi cʉ́’ ńkág kág á nue pi ne ńgyá gi ngɔ́’ pá’ kristo, à cʉa pú’u, pi gÿo ńgwɔ́ tà ńgyá legú’ we ńgíŋe ńgẅiin gí máamáa lekág.

2 Piɛ 1:14

Á nue mèŋ n zsě ngie, à fʉ̀’ gie mèŋ n gee ńkwé cʉ́’ʉ ńku’u ku’. Cʉ̀apʉ̀a wege Yěsô Kristo ka gÿo mèŋ n zsé.

1 Jâŋ 3:16

Nkwòŋe ee kɔ́ mmó? Pege ee fʉ̀’ɔɔn, mbà pege zsé ngie: Yěsô la náa twó yé ńtí wégè. Pú’u la, á ne ńzɛ́te ngie pege náa twó yégè ńtí mefɛ́ pégè.

Ŋwà’ne Ngyà jʉ’ 2:10

Áa nénʉ́ ngie pi ge gyá ngɔ́’, tá’, tà pi ké ḿbɔ́g. Pi zsé ngie Sátà ge ma’ tsɔ́ pʉ̀a pí ndá tsǎŋ lélɔg ńdʉŋte gẅi ńgyá. Pi gyá ngʉ̀ngʉ̀ gyǎ é lyɛ̌’ lá’ legém. Pi ké ńzsé pɔ́ ndà’ wɔ̀ɔn, tà mbɔɔ pá’ mé lɔɔn ńne ńzẅéte gẅi ńtí pú’u. Mèŋ n ge lá’ tɔ’ ngú’ gi, á gwɔ́ pá’ pi ge lá’a gwɔ́ pɔ́ wó.