Malékuse 8:33 - Nouveau Testament en Ngienboum

³³ Tá Yěsô sele nnɛ́, ńdíe *ngàŋa kwò yé, ńcÿɔ́gɔ Piɛ, ńgɔɔn le yé ngie: Fó nzèm mèŋ ńtsíŋte nnɛ́ me Sátà, ɔ̀ tě ńkwaŋa pɛ́’ɛ̀, á gwɔ́ pá’ Ssé ne ńkwaŋa wɔ́, wɛ̂ gwɔ́ pɔ́ nkwaŋá pʉ̀a mesoŋ.

Malékuse 8:33 ပူးပေါင်းရင်းမြစ်များ

Matio 15:23

Tá’ Yěsô jú’, ḿbú tè pÿɛ. *Ngàŋa kwò yé tóo lejʉ́ŋ ye, ésẅíŋte yé, ḿbú’ mbwó ngie: Gÿo manzwě wɛ̂ gʉa, à ne ńcu’u twó yégè.

Matio 16:23

Yěsô sele nnɛ́, ńgɔɔn né Piɛ ngie: Fó nzèm mèŋ ńtsíŋte nnɛ́ me Sátà! Ɔ̀ cʉ’ʉ́ ńtate wɔ̀ɔn taté. Ɔ̀ tě ńkwaŋa pɛ́’ɛ, á gwɔ́ pá’ Ssé ne ńkwaŋa wɔ́, wɛ̂ gwɔ́ pɔ́ nkwaŋá pʉ̀a mesoŋ.

Matio 4:10

Yěsô gɔɔn né yé ngie: Sátà, fó lejʉ́ŋ mèŋ sẅɛ’te nnɛ́, mélà’mie mé la ŋwe’e tsɛ̀ɛ ŋwà’ne Ssé ngie: «Nyìŋ gu’te pɔ́ ndà’ Cʉ̀apʉ̀a Ssé gíle yé ḿbiŋ ńjú’ pɔ́ ndà’ ncwò wé».

Malékuse 3:34

Ńgɔɔn pú’u, ésele ńdíe pʉ̀a pie é tÿɔ́’te yé ńnéŋe soŋ, ńgɔɔn ngie: Má wɔ̀ɔn pâ mefɛ́ pɔ́ɔn pɔ̀ɔn pie pɔ́ ńnéŋe lɔɔn.

Malékuse 3:5

Yěsô paŋ lejÿɔ́g ńdɔg ńdíe wɔ́b, mbùm yé ne ńtsyɛte ńtí tʉʉ twó yɔ́b, á leen ńké ńgɔɔn mbwo mámbàŋa ŋwɛ́ ngie: Siŋe pwó ɔ, á siŋ. Mé gyá á tʉte.

Lukase 22:61

Yěsô sele nnɛ́, ḿma’a léjÿɔ́g ńdíe yé, e nÿɔ́g mɔ́b yé pumte. Piɛ leen ńgwóon ńkímte nò gie Cʉ̀apʉ̀a ně ńgɔɔn né yé ngie: Mênkɔ́’ ge gÿo gwaa tóŋ lyɛ̌’ɔɔn, mbà ɔ̀ moŋé wɔ̀ɔn ngʉ̀a ntá.

Lukase 4:8

Yěsô tsɔ́’ɔ mbwó yé ngie: Mé la ŋwe’e tsɛ̀ɛ ŋwà’ne Ssé ngie: Nyìŋ gu’te pɔ́ ndà’ Tá wɔb Ssé yé gílé yé, ḿbiŋe ńjú’ pɔ́ ndà’ ncwò wé

Lukase 9:55

Yěsô sele nnɛ́ ńdíe wɔ́b, ńcÿɔ́gɔ wɔ́b [ ngie pi kaa zsé nkwaŋá gẅie é tsóte gẅi wɔ́.

1 Korento 5:5

ńtsege wɛ̌ nyìŋ náa mbwo Sátà. À tágte mbab nnɛ́ ngàŋ légwɔ́ gie á ge lá’a lyɛ̌’ gie Cʉ̀apʉ̀a ge lá’ tó, àzẅìge ngàŋ tsẅɛ́.

Filipo 3:19

Emɔ́b melyɛ̌’ ge lá’ maga tsɛ̀ɛ njÿó, pɔ́ gee lepÿé mmɔ̌g, mélà’mie yɔ́b ssé gwɔ́ pɔ́ lepfòm sɔ́b. Pɔ́ kága nà mmó gie eshʉ́ kɔ’ɔ́ kúu wɔ́b mǒ kǔ, ewɔ́b nkwaŋá piŋ ńtyé pɔ́ nà shúm njÿó.

1 Timote 5:20

Á gʉa nà pʉ̀a pie é kwǎ’ ńgÿo nò tepòŋ, ɔ̀ tyé pɔ́ tsɛ̀ɛ cú’tè ńkága wɔ́b, petsɔ́ pʉ̀a gyá pú’u, ḿbɔ́gɔ légÿo nò tepòŋ.

Titus 1:13

Anò gie à la gɔɔn lɔɔn, áa nò nénʉ́. Áa yɛ̌ tá á ne ńzɛ́te ngie ɔ̀ gɔɔn nò ne pɔ́b té kú shʉ́, ńzsé ngie pɔ́ ge jú’ pɔ́ nò Ssé gie mé zí’i,

1 Piɛ 4:1

Pá’ Kristo la gyá ngɔ́’ ná mbab nnɛ́ la, pi gí pi gwɔ́ twó pi, ńtyé légyá ngɔ́’ pá’ yé, ńne ńzsé ngie yé Kristo gẅie à la gyá ngɔ́’ nà mbab nnɛ́, à la maga nò nò tepòŋ.

1 Jâŋ 2:15

Tà pi tÿɔ́g nÿɔ́g mí nà njÿó, tà pi tÿɔ́g nÿɔ́g nà shúm sie ée tsɛ̀ɛ njÿó. Nyìŋ lɔɔn ńkwoŋ njÿó, mbà à tè ne ńkwoŋo Ssé Tá wɔ́,

Ŋwà’ne Ngyà jʉ’ 3:19

Mèŋ n gʉa ná pʉ̀a pie mèŋ n kwoŋo wɔ́b, ńkaga wɔ́b métsèm, ńcúa mbɔɔ cǔa. Pú’u la, pi zeŋe nnɛ́ éfa’a fà’, ḿbiŋ ńkúbe mà gẅi.