Malékuse 8:31 - Nouveau Testament en Ngienboum

³¹ Éfó mǒ, ńzye lézí’i wɔ́b mmó, ńgɔɔn ngie: Á ne ńzɛ́te ngie: *Míŋ Nyìŋ gyá ngɔ́’ tɛ’, mekěme lá’ pú ńgwá’a yé, mbɔɔ *metándá pànùŋe pwɔ́’ pâ *pàkyàgte lepʉ̌ Mǒsê, é gÿo pú’u, mé zẅé yé. À piŋ ńzíme nà legwé nà mbɔ́ɔntè lyɛ̌’ tá.

Malékuse 8:31 ပူးပေါင်းရင်းမြစ်များ

Matio 12:40

Ndʉŋ ndʉŋ pá’ Jonase la ńnéŋe tsɛ̀ɛ lepfòm máamáa ssó é lyɛ̌’ tá la; *Míŋ Nyìŋ ge lá’ gÿo yé lyɛ̌’ tá tsɛ̀ɛ tsetsá’.

Matio 21:42

Yěsô gɔɔn né pɔ́b ngie: Á lɔɔn tè kɔ́ wɔ́, mbà pi leen ńtóŋo jʉ’ʉ ŋwà’ne Ssé gie á gɔɔn ngie: «Tóon gẅie pàpwóon ndá la gwá’, leen ńcʉ́’ʉ tóon gẅie yé zɔ pi’ ndá. Cʉ̀apʉ̀a zɔ la gÿo pú’u, á gwɔ́ máa nò mbòŋo á menÿɔ́g pege»?

Matio 27:63

ńgɔɔn né yé ngie: Ànkwɔbɔ́, peg ne ńkímte tsɔ́ nò. Àngàŋa cÿɔ̌ nò wɛ̌ ka nyé ntentʉ́, ńgɔɔn ngie: Meŋ n ge lá’ zime nà legwé na mbɔɔnte lyɛ̌’ tá

Malékuse 12:10

Á lɔɔn tè kɔ́ wɔ́, mbà pi léen ńtóŋo jʉ’e ŋwà’ne Ssé gie á gɔɔn ngie: «Tóon gẅie pàpwóon ndá la gwá’ léen ńcʉ́’ʉ tóon gẅie yé zɔ pi’ ndá».

Lukase 17:25

Tá’, á ge ké zɔɔn gwaa gwɔ́ pú’u, *Míŋ Nyìŋ zɔɔn ḿvɔg ńgyá ngɔ́’ pá’ɔɔn tɛ’, pʉ̀a pie ée tsɛ̀ɛ njÿó fʉ̀’ɔɔn lʉ’ʉ yé.

Lukase 24:26

Pi kaa zsé ngie, á ka ne ńzɛ́te ngie *Nzà’nkÿo vɔg ńgyá ngɔ́’ tá ńkúu tsɛ̀ɛ legú’ we wɔ́ ka?

Lukase 24:44

MÀpfɛ́ tà ḿmag, ńgɔɔn né pɔ́b ngie: Pi gyá mmó gie n kɔ̌ɔn shwóŋó gẅí, á fʉ̀’ gie pege ka nyě ńzɔ́gɔ. Mèŋ n da shwóŋó gẅi ngie á ne ńzɛ́te ngie yɛ̌ kɔ́ wɔ́ gie mé la ŋwe’e ná mèŋ wɔ́ à pumte. Menò ŋwɛ́ ntsèm ntsèm ée tsɛ̀ɛ ŋwà’ne Mǒsê, mbɔɔ tsɛ̀ɛ ye *pàntsẅì nkʉ̀ Ssé lâ ye Mezɔ́bɔ Ntse.

Ŋwà’ne Jâŋ 12:48

Nyìŋ lɔɔn ńgwá’a wɔ̀ɔn, ńdʉ’ʉ shwóŋè yɔ́ɔn, mbà ngàŋ gẅiin nyìŋ gẅie à ge ŋaga yé. Ashwóŋè gie mèŋ n ka gɔɔn zɔ̌ ge lá’ ŋaga yé lyɛ’ɛ́ nzsò nzèm.

Ŋwà’ne Jâŋ 2:19

Yěsô tsɔ́’ɔ mbwo pɔ́b ngie: Pi keme *jʉ’ʉ Ssé yɔɔn, mèŋ n dɔg lyɛ̌’ sétá, ḿbʉ’ʉ ńtÿɔ́g tÿɔ́g.

Megàŋ ntúm 7:35

E Ssé gɔɔn pú’u, ńdêen ńké ńtúm pɔ́ Mǒsê wa pá’ à ge gʉa kẅile pà Israel tsɛ̀ɛ ngɔ́’ gie pɔ́ la ne ńgyá. *Cÿɔ́’ Ssé gẅie Mǒsê ka gyá yé tsɛ̀ɛ mûɔ métÿǒ la ne ńkẅéte yé. Á ně sá’a wɔ́b. Tá mbà pɔ́ la lʉ’ʉ yé, tà ńzɛ́te yé ngie à wɔ́ ka zábá yé ngie à cʉ́’ʉ fùɔ wɔ́b, ńŋaga wɔ́b gwɔ́?

1 Korento 15:4

Mé la ńnéŋe yé tsɛ̀ɛ lesyè, á gwaa gwɔ́ lyɛ̌’ sétá á zíme nà legwé, pá’ ŋwà’ne Ssé la tʉ́ njÿó ńgɔɔn.