Malékuse 8:29 - Nouveau Testament en Ngienboum

²⁹ Á zɛ́te wɔ́b ngie: Kwà’ pi gí gɔɔn ngie mèŋ n gee wɔ̌? Piɛ tsɔ́’ ngie: Ɔɔ *Nzà’nkÿo gẅie Ssé la ka’.

Malékuse 8:29 ပူးပေါင်းရင်းမြစ်များ

Malékuse 4:11

Á gɔɔn mbwo pɔ́b ngie: E Ssé lá gÿo ngie pi pɛ̂ zɔ zsé nò nénʉ́ nà lefùɔ sé gie áa lelyěen. Tá á gʉa ná petsɔ́ pʉ̀a pie pɔ́ té nà gí nùɔ wɔ́, pɔ́ jú’ yɔ́b pɔ́ ndà’ ngie mé lɔg sagá nò ńgɔɔn nò.

Lukase 9:20

Yěsô zɛ́te wɔ́b ngie: Kwà’ pi gí gɔɔn ngie mèŋ, n gee wɔ̌? Piɛ tsɔ́’ ngie: Ɔɔ *Nzà’nkÿo gẅie à foo mbwo Ssé.

Ŋwà’ne Jâŋ 11:27

Á gɔɔn ngie: Oon me Cʉ̀apùa. Mèŋ, n zẅǐŋ ngie ɔ́ɔ *Nzà’nkÿo, ńgwɔ́ Míŋ Ssé gẅie mé ka né ńzẅí’te ngie à tóo tsɛ̀ɛ njÿó.

Ŋwà’ne Jâŋ 4:42

Ńne ńgɔɔn né manzwě ŋwɛ́ ngie: Peg tě ńnyé ńzába ntʉ́m ná Yěsô ńtí pɔ́ shwóŋè jú ndà’ wɔ́, peg zába ntʉ́m ná ye fʉ̀’ɔɔn, ńtí pá’ peg yég cwoŋó ńjú’u shwóŋè yé, tà ńzsé ngie aa nyìŋ gẅie à ge gÿo pʉ̀a mesoŋ pie ée tsɛ̀ɛ njÿó e tsẅɛ́.

Ŋwà’ne Jâŋ 6:68

Símo Piɛ tsɔ́’ɔ mbwo yé ngie: Cʉ̀apʉ̀a, peg ge gʉa kẅɛ́te pɔ́ wɔ̌? Ɔ̀ gẅiin shwóŋè gie á náa le gwɔ́ tèmì.

Ŋwà’ne Jâŋ 6:69

Peg léen ńdá’ ńzẅíŋ, ńgíŋ ne ńzsé ngie ɔ́ɔ kwà’ nyìŋ gẅie à fóo lejʉ́ŋ Ssé.

Megàŋ ntúm 8:36

Pɔ́ yé la nyé ńgiŋe giŋ, ńkẅɛɛ nà tsɔ́ jʉ’, ntse gwɔ́ wó. Nyìŋ Etiopia ŋwɛ́ gɔɔn né Filib ngie: Ntse wɛ, à lɔɔn ńgwɔ́ kɔ́ táte tà mé le wɔ̀ɔn ntse nu’u?

Megàŋ ntúm 9:20

Á gwɔ gwɔ, mbà à ka tè zẅí’te tá ńzye légwá ńkú mendá mecú’tè pà Yuda mie ée wó, ńne sá’a ngie Yěsô aa Míŋ Ssé wɔ́.

1 Piɛ 2:7

Àa mbwo pi pàzáb ntʉ́m ná yé, ńgwɔ́ mmó mekù’. Tá ńgʉa ná pʉ̀a pie pɔ́ té ne ńzába ntʉ́m nà wɛ̌ tóon wɔ́, mbà mé la ŋwe’e ngie: Tóon gẅie pàpwóon ndá la gwá’ léen ńcʉ́’ʉ tóon lezẅé ndá.

1 Jâŋ 4:15

Nyìŋ lɔɔn ńzẅíŋ ngie Yěsô aa Míŋ Ssé, mbà Ssé lǎ nnɛ́ nà ngàŋ, angàŋ gíŋe ńda yé nnɛ́ nà Ssé.

1 Jâŋ 5:1

Nyìŋ gẅie à zẅǐŋ ngie Yěsô aa *Nzà’nkÿo, aa míŋ Ssé. Nyìŋ gẅie à kwoŋ Ssé Tá, à giŋé ńkwoŋ mbɔɔ púɔ Ssé.