Malékuse 8:17 - Nouveau Testament en Ngienboum

¹⁷ Yěsô zsé pá’ pɔ́ ne ńkwaŋa pú’u, ńzɛ́te wɔ́b ngie: Pi kwaŋa nò pɔ́ nà mbelég gie pi tè gẅiin mélà’a kɔ́? Pi lɔgɔ ḿbú ńnyé pɔ́ tè zsě nò wâ? Pi fɔ̌ɔn ńnyé pɔ́ tè jǔ’ tà ńjú’ lá? Legyè sí gáa ḿbú ńjÿɔ́’ɔ pɛ́’ɛ̀?

Malékuse 8:17 ပူးပေါင်းရင်းမြစ်များ

Matio 12:15

Tá Yěsô gwɔ́ tà ńzsé, éfó jʉ’ó ńgʉa. Àlá’ cʉ́me nzèm yé tà ńgyɔ́ɔn. Á gÿo megàŋa guɔ ntsèm pie é laa tsɛ̀ɛ nùɔ lá’ zeŋe.

Matio 15:17

Àmmó fó ncwò nyìŋ ńcʉa, ńkúu lepfòm yé, ḿbiŋ fó lepfòm yé ńkẅɛ, ńkúu tsɛ̀ɛ kwɛ.

Matio 16:7

*Ngàŋa kwò yé jú’, ńdeen ńké ne ńgɔɔn tsetsɛ̀ɛ pɔ́b ngie, ndyɛ̌’ à gɔɔn pɛ́’ɛ, mélà’mie pege ně ńdege té pí mbelég.

Malékuse 16:14

Yěsô la gÿo ńgíŋe ńnyɛ mbùm ye mbwo *ngàŋa kwò yé tsɔ̀b yémɔ’ɔ́ nê legém métsèm. Pɔ́ gwɔ́ ndá mpfɛ́ɛ mmó. Á kaga wɔ́b ná pá’ pɔ́ ně tè zẅíŋ, ńgíŋe ńdʉ’ mbɔɔ lézẅíŋe nò ncwò pʉ̀a pie à zǐm ńnyɛ mbùm ye mbwó pɔ́b.

Malékuse 2:8

Yěsô gwóon ńzsé mmó gie pɔ́ ne ńkwaŋa, ńzɛ́te wɔ́b ngie: Pi gǎ ńgẅiin yɛ̂ ntí nkwaŋá ntʉ́m pi?

Malékuse 3:5

Yěsô paŋ lejÿɔ́g ńdɔg ńdíe wɔ́b, mbùm yé ne ńtsyɛte ńtí tʉʉ twó yɔ́b, á leen ńké ńgɔɔn mbwo mámbàŋa ŋwɛ́ ngie: Siŋe pwó ɔ, á siŋ. Mé gyá á tʉte.

Malékuse 6:52

mélà’mie legyè sɔ́b nyé ḿvɔ́g vɔ́g, ńzɔɔn ńgwɔ́ gwɔ́, mbà pɔ́ kaa liŋe mmó gie Yěsô kɔ’ɔ́ ńjÿɔ́gɔ lá’ ńdɔgɔ ńnyɛɛ wɔ́.

Malékuse 8:16

Pɔ́ jú’ pá’ à kǐm *mvòŋ pú’u, ńdeen ńké ńzye légɔɔn tsetsɛ̀ɛ pɔ́b ngie: Tà à tě ńgɔɔn pɔ́ pá’ pege tè mbelég gẅiin wɔ́?

Lukase 24:25

Yěsô leen ńké ńgɔɔn né pɔ́b ngie: Pi gwě gígyé. Pi tè ne ńdwo ńzẅíŋe menò ntsèm mie *pàntsẅi nkʉ̀ Ssé la ŋwé’e wɔ́.

Ŋwà’ne Jâŋ 16:30

Peg zsě fʉ̀’ɔɔn ngie ɔ̀ zsé kɔ̀ɔkɔ́ɔ tà ḿvɔg ńzsé mmó gie peg fa’a lézɛ́te gú. Áa mmó gie á gÿǒ peg zẅíŋ ngie ɔ̀ fóo mbwo Ssé.

Ŋwà’ne Jâŋ 21:17

Ńgíŋe ńzɛ́te yé nà mbɔ́ɔntè yétá ngie: Símo míŋ Jâŋ: Tà ɔ̀ kwoŋo wɔ̀ɔn? Eshÿó Piɛ sẅɛ́’, á nue Yěsô zɛté yé taa ngʉ̀a ntá ngie tà à kwoŋo yé wɔ́. Á lêen ńké ńtsɔ́’ ngie: Cʉ̀apʉ̀a, ɔ̀ zsé ngwòŋo nò ntsèm, ɔ̀ zsě ngie mèŋ n kwoŋo gú. Yěsô gɔɔn né yé ngie: pféle *menjʉ̀njÿò mɔ́ɔn.

Ŋwà’ne Ngyà jʉ’ 2:23

N ge zẅéte gubé yé. À cʉa pú’u, mecú’tè pʉ̀a Kristo ntsèm zsé ngie mèŋ n gee nyìŋ gẅie à zsé nkwaŋá pʉ̀a mesoŋ, ńgíŋe ńzsé mbɔɔ mmó gie pɔ́ ne ńtsɔ́ɔn. Mèŋ n ge gÿo fó pɔ́ nà mmó gie wɔ̌wɔ́ɔ gÿǒ, tá zsé pá’ mèŋ n ge gÿo ná ngàŋ.