Malékuse 7:5 - Nouveau Testament en Ngienboum

⁵ Á cʉa pú’u, tá pà *farisay pâ pàkyàgte *lepʉ̌ Mǒsê ŋwɛ́ zɛ́te Yěsô ngie: *Ngàŋa kwò jú jÿó mmó nê *lɔ̌’ nà mbwó mɔ́b. Pɔ́ té giŋe ná nùŋe pà mvfò wɔ́ ńdɔgɔ ngǎ?

Malékuse 7:5 ပူးပေါင်းရင်းမြစ်များ

Matio 15:2

Mélà’a kɔ́ *ngàŋa kwò jú té giŋe ná nùŋe pà mvfò wɔ́ɔ? Pɔ́ gaa ḿpfɛ́ shúm té sɔg mbwó mɔ́b nà ntí gie mà là’ wege ne ńzɛ́te?

Malékuse 7:13

Pi zí’i nùŋe lá’ gẅi pú’u, ńdɔgɔ ńgwá’a shwóŋè Ssé. Pi giŋé ńne ńgÿo lìi menò ámɛ̌ tà é gyɔ́ɔn gyɔ̌ɔn.

Malékuse 7:8

Yěsô leen ńké ńgɔɔn mbwo pɔ́b ngie: À yɛ̂ gie pi pe’e *lepʉ̌ Ssé ńnáa nzèm, ńcʉ́’ʉ ńkú’te pɔ́ se pʉ̀a mesoŋ lɛ.

Malékuse 7:9

Pi zsé légwá’ *lepʉ̌ Ssé, ńcwoŋo ńkú’te pɔ́ nùŋe lá’ gẅi mboŋó.

Megàŋ ntúm 21:21

Tá’ pɔ́ ké ne ńjú’u mé gɔɔn ná gù ngie: Ɔ̀ ne ńzí’i mbwo pà Yuda pie ée túmo túm ngie pɔ́ gwá’ *lepʉ̌ Mǒsê. Ngie ɔ̀ ne ńtsẅi ngie tà pɔ́ gíŋe ḿbú’ gubé yɔ́b. Ngie ɔ̀ ne ńtɔ’ɔ wɔ́b légíŋ ńgiŋe ná pá’ mà lá’ wege né ńzɛ́te.

Megàŋ ntúm 21:24

Lɔgɔ wɔ́b ńgʉa, pia pɔ̌ gʉa sɔgɔ pʉ̀ ná pi. Gù zɔ ké ńná yɔ́b nkáb gie pɔ́ gẅiin lénáa mǒ, ńzsé ngie pɔ́ ge kwóon twó sɔ́b. Ɔ̀ gÿo pú’u, mbà pʉ̀a metsèm ge gyá ngie anò gie mé píte ná gù á té nò wɔ́, é zsé ngie ɔ̀ kě ńkú’te *lepʉ̌ Mǒsê kú’te.

Roma 4:12

Ábalam gǐŋ ńgwɔ́ tá pà pʉ̀a pie mé la pú’u wɔ́b. N tě ńgɔɔn pʉ̀a pie mé la pú’u wɔ́b á ku’ pú’u mbwo pɔ́b wɔ́. N gɔɔn pie pɔ́ gíŋe ne ńzába ntʉ́m nà Ssé, pá’ tá wege Ábalam la záb wé yé tá mé gÿo ḿbú’u yé.

Galatia 1:14

Á gʉa nà legu’te Ssé nà ntí ye pà Yuda, mbà n daa mǒ tà ḿbú ńcʉa kwò nkàŋ yég púɔ pà Yuda. N dɔ̌ɔn ḿbú ḿma’a mbùm yɔ̀ɔn tɛ’ ná mà gẅie metá pég la zí’i wég, ńcʉa wɔ́b.

2 Tesalonika 3:11

Peg piŋ ne ńjú’u, mé gɔɔn ngie é tsɔ́ pʉ̀a ée tsetsɛ̀ɛ pi ḿbɔ́gɔ fà’ pɔ̌g, ńgwá shwóŋó pɔ́ menò mie é té ne ńdíe wɔ́b gwɔ́.

2 Tesalonika 3:6

Mefɛ́ mefɛ́, peg lɔ̌g lezíŋ Cʉ̀apʉ̀a Yěsô Kristo, ńtsẅii mbwo pi ngie pi lÿɔ́’ mbɔɔ wɛ̌ fɛ́ gẅi wɔ́ gẅie à pɔ́gɔ fà’ pɔ́g, ḿbiŋ ńké tè ne ńgiŋe ná ntí gie peg la zí’i gẅi laa pɔ̌ wɔ́.