Malékuse 7:21 - Nouveau Testament en Ngienboum

²¹ Menkwaŋá tepòŋ zɔɔn fó pɔ́ tsɛ̀ɛ ntʉ́m nyìŋ mesoŋ, tá ńtsóte mbàŋa pɔ́ fa’a panzwě, epanzwě fa’a mbàŋa, ńtsóte nyìŋ á gwáa ńjʉ, ńtsóte nyìŋ á zẅé wetsɔ̌,

Malékuse 7:21 ပူးပေါင်းရင်းမြစ်များ

Matio 15:19

Á nue menkwaŋá tepòŋ zɔɔn ńkẅɛ pɔ́ tsɛ̀ɛ ntʉ́m nyìŋ, mɛ̌ zɔ̌ tsóte nyìŋ á zẅé wetsɔ̌, á gÿo gÿɛ́, mbàŋa fa’ pànzwě, pànzwě fa’ mbàŋa, á jʉ, ńcÿɔ nò á jʉ’ gie mé ŋaga mentsaŋ wó, ńtÿɔ́g sóon twó nyìŋ.

Matio 9:4

Yěsô zsé mmó gie pɔ́ ne ńkwaŋa, ńgɔɔn né pɔ́b ngie: Pi gÿo lêkɔ́ ńgẅiin yɛ̀ ntí mekwaŋá tepòŋ tsɛ̀ɛ ntʉ́m gẅí?

Malékuse 7:20

ńgíŋe ńgɔɔn ngie, ammó gie á kẅɛɛ ntʉ́m nyìŋ zɔ̌ ńnéŋe *lɔ̌’ ná ye.

Malékuse 7:22

ńne ńgÿo gÿɛ́, ńne ńgẅiin kegɔ̀’, ńgẅiin ssé ntʉ́m, ńgẅiin fʉ̀te, ńkúu zɔgɔ́ tepòŋ, ńkwɔ́’ɔ lóŋ, ńtÿɔ́gɔ sóon twó nyìŋ, ńŋá’te nnɛ́, ńdʉ’ʉ ntÿɔgɔ́ ntsèm.

Lukase 16:15

Á gɔɔn mbwo pɔ́b ngie: Pi pɛ̂, pi zɔ̌g ḿbab pʉ̀a ngie pi ee pʉ̀a mbòŋo, tá’, e Ssé ké ńne ńzsé pá’ letʉ́m sí ée pú’u. Pi zsé ngie: Anò gie pʉ̀a mesoŋ gyá ngie áa nò tɛ’, áa mvfò Ssé ńgwɔ́ nò shʉ́.

Megàŋ ntúm 5:4

Nká’ kɔ’ɔ́ ńgwɔ́ pɔ́ gú, tá ɔ̀ sẅiŋ. Ɔ̀ pǐŋ sẅiŋ, nkáb gwɔ́ pɔ́ jù. Ɔ̀ pǐŋ ńgÿo lêkɔ́ ńgẅiin yɔɔn ntí nkwàŋte tsɛ̀ɛ ntʉ̀m gú? Ɔ̀ kaa cÿɔ nò pɔ́ mbwó pʉ̀a mésoŋ wɔ́. Ɔ̀ cÿɔ̌ nò pɔ́ mbwó Ssé.

Megàŋ ntúm 8:22

Ké kúbe nkwaŋá tepòŋ gẅie ée ntʉ́m gú lɛ, ésẅíŋte Cʉ̀apʉ̀a ka à lɔɔn ńgwɔ́ á lege, ńnáa mbwo gù á ná pá’ ɔ́ zɔ̌ɔn ńkwaŋ pɛ́’ɛ̀ wɔ́.

Roma 7:5

Á ka zɔɔn ńgwɔ́ fʉ̀’ gie mbùm yege zɔ ka nyě sá’a wégè, letsɔ̌ɔn légÿo nò gie á te poŋ pʉ́’te mbùm yege, a nue *lepʉ̌ tɔ́’, ńgíŋe ńkẅi’i ḿbʉ́’te wégè, pege fa’ pɔ́ mefà’ mie é ge tóŋ pɔ́ legwé é ńnéŋe ná pege.

Roma 7:8

Anò tepòŋ gie áa nà mèŋ la zẅɛ́’ pɔ́ *lepʉ̌ ŋwɛ́, ḿbʉ́’te wɔ̀ɔn, légÿo shúm tepòŋ sie ntʉ́m wɔ̀ɔn tsɔ́ɔn tà é gyɔ́ɔn gyɔ́ɔn, *lepʉ̌ la zɔɔn ńgwé’e é té wó wɔ́, mbà nò tepòŋ té gẅiin tʉ̀ wɔ́.

Kolosia 3:5

Pá’ áa pú’u la, pi zẅé mà tepòŋ we ndùmo ssé tsetsá’ gẅie aa ná pi. Mé gɔɔn mmó pá’ mbàŋa letóŋ panzwě, é panzwě léfa’ mbàŋa, á mmó pá’ nò mpfwɔ́’, á mmó pá’ ntʉ́m nyìŋ légwá shÿó, pá’ legẅiin tsɔ́ ntí letsɔ̌ɔn shúm, pá’ letÿɔ̌g ntʉ́m nà shúm, á nue letÿɔ̌g ntʉ́m nà shúm, à giŋé ńgwɔ́ pɔ́ tsɔ̌ ntí legu’te shúm ngie ée Ssé.

Titus 3:3

Á laa tsɔ́ fʉ̀’ pege yégè gwɔ́ pà gÿo nò té sáŋ, ńgwɔ́ pà tʉʉ twó, ńgwɔ́ pʉ̀a pie é záb ntʉ́m wɔ́b nà nò gie á té nò wɔ́, ńgwɔ́ mekwɔɔn mbwo shúm ntsèm sie ntʉ́m wégè tsɔ́ɔn lâ sie é poŋo wégè. Pege laa pʉ̀a ńcÿɔ́g, ńgwɔ́ ngàŋa kègɔ́’, ńgÿo mé pʉa wégè tɛ’, pege gíŋe ḿbʉa yégè pʉ̀a.

Ŋwà’ne Jâg 2:4

Pi lɔɔn ńgÿo pú’u, pi lě ńdɔgɔ ńgẅiin tyɛ̀’te tsetsɛ̀ɛ pi wɔ́? Pi lě ńdɔgɔ pɔ́ nkwaŋá tepòŋ ńdíe pʉ̀a éfa’a pì wɔ́?