Malékuse 7:20 - Nouveau Testament en Ngienboum

²⁰ ńgíŋe ńgɔɔn ngie, ammó gie á kẅɛɛ ntʉ́m nyìŋ zɔ̌ ńnéŋe *lɔ̌’ ná ye.

Malékuse 7:20 ပူးပေါင်းရင်းမြစ်များ

Matio 15:18

Tá’, àmmó gie á fó ncwò nyìŋ ńkẅɛ, a fóo tsɛ̀ɛ ntʉ́m yé, yɛ̌ zɔ̌ ńnéŋe *lɔ̌’ ná ngàŋ.

Matio 4:4

Yěsô tsɔ́’ ngie: Mé la ŋwe’e tsɛ̀ɛ ŋwà’ne Ssé ngie: «Nyìŋ tè lɔg pɔ́ ndà’ mmó gie à pfɛ́ɛ tá ńgwɔ́ wó wɔ́ À lɔg pɔ́ yɛ̌ shwóŋó wɔ́ gie á kẅɛɛ ncwò Ssé».

Malékuse 7:15

Atsɔ́ mmó gie ńgwɔ́ á fó nzème pǐ, ńkúu ná nyìŋ tà ńnéŋe *lɔ̌’ ná yé á té wó wɔ́, a gie á fó tsɛ̀ɛ ntʉ́m yé zɔ̌ ńnéŋe *lɔ̌’ ná ye.

Malékuse 7:21

Menkwaŋá tepòŋ zɔɔn fó pɔ́ tsɛ̀ɛ ntʉ́m nyìŋ mesoŋ, tá ńtsóte mbàŋa pɔ́ fa’a panzwě, epanzwě fa’a mbàŋa, ńtsóte nyìŋ á gwáa ńjʉ, ńtsóte nyìŋ á zẅé wetsɔ̌,

Malékuse 7:23

Ngwòŋ menò tepòŋ mɔɔn kẅɛɛ pɔ́ tsɛ̀ɛ ntʉ́m nyìŋ mesoŋ, tá ńnéŋe *lɔ̌’ ná ye.

Heber 7:6

Melekisedeg la tè nyìŋ ná ngẅɛ̀ ndá Lěvi wɔ́, tá’, Ábalam gabte shúm sé nzsè legém, ńnáa tà’ nzsè né yé, á kẅé, ńnéŋ mbʉ́lè ná yé gẅie e Ssé la ka’a mmó mbwo yé.

Ŋwà’ne Jâg 3:6

Alʉ́m gíŋe ńgwɔ́ yé pɔ́ mmɔ̌g, ńgwɔ́ jʉ’ gie menò tepòŋ fó wó. Alʉ́m áa nà mekèm mbùm nyìŋ, ńgwɔ́ kèm gie á néŋ ncÿǒ nà mbùm nnɛ́ ntsèm. Á gʉa lepÿé mmɔ̌g, ḿbí mmɔ̌g, ńtó ńdɔg ńtuɔ léneŋe we nyìŋ pɔ́ ntsèm.

Ŋwà’ne Jâg 4:1

Mencwò mencwò aa pé’e fóo nzɔ̌ tsetsɛ̀ɛ pi? Melà’ fóo nzɔ̌ tsetsɛ̀ɛ pi? Né ngie é fóo ná gi ntí letsɔ̌ɔn shúm gie ee tsɛ̀ɛ ntʉ́m gẅi ńtsóte gẅí.