Malékuse 7:15 - Nouveau Testament en Ngienboum

¹⁵ Atsɔ́ mmó gie ńgwɔ́ á fó nzème pǐ, ńkúu ná nyìŋ tà ńnéŋe *lɔ̌’ ná yé á té wó wɔ́, a gie á fó tsɛ̀ɛ ntʉ́m yé zɔ̌ ńnéŋe *lɔ̌’ ná ye.

Malékuse 7:15 ပူးပေါင်းရင်းမြစ်များ

Matio 12:34

Ngẅɛ̀ mennú, ńgwɔ́ pi gwɔ́ pʉ̀a tepòŋ pɛ́’ɛ, ńgɔɔn nò mbòŋo lêkɔ́? Nyìŋ gɔɔn pɔ́ nò gie áa tsɛ̀ɛ ntʉ́m yé.

Matio 15:16

Yěsô tsɔ́’ɔ mbwó yé ngie: Ńzsé ngie sí legye nyé ḿvɔ́g vɔ́g pá’ se petsɔ́ pʉ̀a gwaa?

Malékuse 7:14

Yěsô gíŋe ńtóŋo lá’ ńgɔɔn né pɔ́b ngie: Pi metsèm téŋe tuŋó, ńcwoŋo ńjú’u nò gie mèŋ n gee ngɔ̌ɔn.

Malékuse 7:16

[Nyìŋ lɔɔn ńgẅiin metuŋó lélɔg ńjú’u nò, á jú’]

Megàŋ ntúm 10:28

Á gɔɔn né pɔ́b ngie: Pi ne ńzsé gí ngie *lepʉ̌ pà Yuda tɔ’ɔ nyìŋ wɔb légwɔ́ shǔ nyìŋ lá’a ndyɛ̀’ɛ. Tà ḿbʉ́ mbɔɔ yé lékúu ndá yé. Tá’, e Ssé ka nyɛɛ wɔ̀ɔn tsɔ́ mmó. À ka nyɛɛ wɔ̀ɔn ngie mèŋ n te gẅiin lékʉ́e tsɔ̌ nyìŋ ngie à gẅiin *lɔ̌’ tà á ne ńzɛ́te ngie mèŋ n dÿɔ́’te yé wɔ́.

Roma 14:17

Á zɔɔn ńgwaa gwɔ́, anò *lefùɔ Ssé té nò shúm léjÿó kà nò melù’ wɔ́ wɔ́. Anò *lefùɔ Ssé á gwɔ́ pɔ́ légÿo menò mie é fóo mbwo Zẅìge Ndʉalʉ̌a. Á gwɔ́ pɔ́ légÿo menò mie ée ndʉŋ ndʉŋ mvfò Ssé, ńgwɔ́ léńnéŋe lê sẅéte, ńgwɔ́ léńnéŋe nê lekág.

1 Korento 10:25

Á gʉa nà nò mbab, mbà pi tóo metʉ̌a ńgyá mbab pi jú, ńkúu mbʉ̀a ḿpfɛ́ té gẅiin tsɔ́ nkwaŋá, té zɛ́te tsɔ́ nò.

Titus 1:15

Akɔ́ɔkɔ́ɔ gwɔ́ pɔ́ mbòŋ mbwo pʉ̀a pie pɔ́ gẅiin ntʉ́m mbòŋo mvfò Ssé. Tá ńgʉa ná pʉ̀a pie ntʉ́m wɔ́b té poŋ, á nue pɔ́ té zába nà Ssé wɔ́, atsɔ́ mmó mbòŋo té wó mbwo pɔ́b wɔ́. Legyè sɔ́b neŋé ńtyé pɔ́ nà menò tepòŋ tà mbùm yɔb tè gíŋe ńcúa wɔ́b gwɔ́.

Heber 13:9

Tà pi zẅíŋ mé zí’i gẅi menò ntí ntí mie é té tsẅé’e nà nò gie pege zába ntʉ́m mǒ wɔ́, e gÿo pi fʉa mánzsè. Á poŋ ngie atsɔ́ɔn mezìŋe Ssé zɔ néŋ ntʉ́m nyìŋ tà mbʉ̌ mie mé zába, é gɔɔn nò ná shúm léjÿó zɔ̌ le néŋ. Epʉ̀a pie pɔ́ kú’te mɛ̌ mbʉ̌ pɔ́ laa jÿó tsɔ́ pì mǒ wɔ́.

Heber 9:10

Yɛ̌ ntí legu’te Ssé ee ntí gie e lǐe pɔ́ mbùm nyìŋ, á gwɔ́ nò ńdíe shúm léjÿó, ńdíe melù’, ńdíe lésɔg *melɔ̌’. Metʉ̀ mɛ̌ mbʉ̌ la gẅiin légwɔ́ wó tà ńdá’ ńkú pɔ́ fʉ̀’ gie e Ssé lɔ̌ɔn ńge gíŋe gÿo kɔ̀ɔkɔ́ɔ pɔ́ sẅe sẅé.