Malékuse 6:8 - Nouveau Testament en Ngienboum

^8-9 ńtsẅi né pɔ́b ngie: Tà pi gwɔ gʉa, ḿbíi tsɔ́ mmó, tà ńdí’ ndà’ léshÿɔ́g *mengùb mí, ḿbíi tÿǒ ńtẅi’. Tà pi tsẅág shúm léjÿó, ḿbɔ́ɔn nyìŋ lépíi pɔ̀ɔn. Tà nyìŋ gẅiin kà pɔ́ nkáb wɔ́, kà pɔ́ kúbe nzsǒ wɔ́.

Malékuse 6:8 ပူးပေါင်းရင်းမြစ်များ

Lukase 10:4

Tà pi gwɔ gʉa ḿbí nkáb, tà pi píi pɔ̀ɔn, tà pi pí melɔ̌ɔn lélɔg ńkúbe metsɔ́. Pi lɔɔn ne ńgee, tà pi zɔ́gɔ mánzsé ńtyé ńtsyɛ’te pʉ̀a.

Lukase 22:35

Yěsô piŋ ńzɛ́te *ngàŋa kwò yé ngie: Pi kímte fʉ̀’ gie n da túmo gẅi ngʉ̀a shʉ̀shʉ̀a, pi la gʉa té mûɔ pɔ̀ɔn, té pɔ̀ɔn lyɛb, té melɔ̌ɔn, pi ké ńtsẅé ńgiŋe pé’e, ńdá’ ńzága kɔ́? Pɔ́ gɔɔn ngie ngǎŋ, ammó la tè zág.

Lukase 9:3

ńgíŋe ńgɔɔn né pɔ́b ngie: Tà pi gwɔ gʉa ńgẅiin mmó. Tà nyìŋ tẅi’i tÿǒ, tà nyìŋ píi pɔ̀ɔn, tà nyìŋ tsẅága mmó léjÿó, tà nyìŋ pí nkáb, tà nyìŋ ma’ menzsǒ mémbʉ́a.