Malékuse 6:56 - Nouveau Testament en Ngienboum

⁵⁶ Á ne ńcʉa nzɔ̌ nzɔ̌ wɔ́, kà pɔ́ tÿǒsoŋ wɔ́, kà pɔ́ tsɛ̀ɛ mbʉ̀a wɔ́, mé ne ńkate meguɔ ńdɔgɔ ńtóo, ńnuŋte jʉ’ gie à ge cʉa wó, ésẅíŋte yé ngie à fó ńzẅíŋ pɔ́ kíbe pɔ́ ndà’ tsɔ́ɔn nzsǒ yé. Epʉ̀a pie pɔ́ kibé tsɔ́ɔn nzsǒ ŋwɛ́, pú ńzeŋe métsèm.

Malékuse 6:56 ပူးပေါင်းရင်းမြစ်များ

Matio 14:36

Esẅíŋte yé ngie à fó ńzẅíŋ, pɔ́ kíbe pɔ́ ndà’ tsɔ̌ɔn nzsǒ yé. Epʉ̀a metsèm pie pɔ́ la kíbe tsɔ̌ɔn nzsǒ ŋwɛ́ pú ńzeŋe.

Matio 9:20

Pɔ́ né ńgee, àtsɔ̌ manzwě gwɔ́ nùɔ lá’, ńgẅiin guɔ máshúɔ, mbà á gegé yé gege ngù’ tsɔ́b pʉ́a nê legém. Á ná’te, éfó nzèm, ńtó ńkíbe tsɔ̌ɔn nzsǒ Yěsô,

Malékuse 3:10

Á gwaa gwɔ́, mbà à pǔ ńgÿo pʉ̀a tà ńgyɔ́ɔn sẅéte, tà pʉ̀a metsèm pie guɔ laa ná pɔ́b nɔ́ɔnte yé, ńzába pwó nà yé, mélà’mie à la ne gÿo pʉ̀a tà ńgyɔ́ɔn zeŋe.

Malékuse 6:55

ńgwóon ńkÿote ńgʉa tsɛ̀ɛ mbʉ̀a fa’ megàŋa guɔ, ńkaa wɔ́b nà mekǔ ńdɔg ńtó ne jʉ’ gie mé jǔ’ ngie aa wó.

Lukase 22:51

Tá Yěsô kaga yé ńgɔɔn ngie: Pi tsẅé jʉ’, á kǔ’ pɛ́’ɛ, ńdeen ńzába pwó yé nà letuŋó, á sẅéte.

Lukase 6:19

Mânyìŋ ntsèm la ne fa’a lézába pwó ná yé, mélà’mie metʉ̀ la ne fóo ná yé, ńzoŋo wɔ́b metsèm.

Lukase 8:44

Á ná’te, éfóo nzèm, ńtó ńkíbe tsɔ̌ɔn nzsó Yěsô. Aguɔ yé gwóon ḿmag.

Megàŋ ntúm 4:12

Epʉ̀a ké ńgẅiin lécʉa pɔ́ ná Yěsô tá ńtsẅɛ, á nue atsɔ̌ nyìŋ ndyɛ̀’ɛ tè tsɛ̀ɛ yɔɔn njÿó ńgwɔ́ gẅie e Ssé la zába yé légwɔ́ gie pege ge cʉa nà yé tsẅɛ wɔ.

Megàŋ ntúm 4:9

Mefùɔ lá’ pég pâ mekěm pég, peg ka gÿo nò mbòŋo á ná tà’ nkÿǒon. Mé piŋ ńgwɔ́ lyɛ̌’ɔɔn ne ńzɛ́te wég pá’, peg ka gÿo tá á zeŋe.

Megàŋ ntúm 5:15

Mé la gɔ̀’te nò yɔ́b gɔ́’te tà mé lɔg mekǔ lâ mematá ńkaa meguɔ nùŋe wɔ́b mengʉ̀ŋe nzsé légwɔ́ gie Piɛ à ge gwaa cʉa, jʉjʉ́ŋ wé tè téme nà tsɔ̌ wɔ́, à teme nà tsɔ̌.