Malékuse 6:20 - Nouveau Testament en Ngienboum

²⁰ mélà’mie fùɔ *Herôd lɔ̌ɔn ńgÿo mekù’ Jâŋ, ńně ńzsé ngie aa nyìŋ Ssé, ńgÿo pɔ́ nò gie á tyé ndʉŋ ndʉŋ, pú’u la, tá á ne ḿbɔ́ɔnte yé pɔ́ɔnte, ḿbiŋe ńnéŋe ńkwoŋo lézẅí’te shwóŋè yé tɛ’, tá’ á ke ńgege yé gege.

Malékuse 6:20 ပူးပေါင်းရင်းမြစ်များ

Matio 14:5

*Herôd jú’, ńzye léfa’ shÿó lézẅé Jâŋ, tá nně ḿbɔ́gɔ nÿɔ́g pà Yuda. Á nue pɔ́b metsèm la ne ńzsé ngie Jâŋ aa *ntsẅì nkʉ̀ Ssé.

Matio 21:26

MÀbiŋ ngie pʉ̀a mesoŋ, mbà lá’ té ge nyé wégè wɔ́, mélà’mie pʉ̀a metsèm ne ńzsé ngie Jâŋ laa *ntsẅì nkʉ̀ Ssé.

Malékuse 11:18

Metándá pànùŋo pwɔ́’ pâ *pàkyàgte lepʉ̌ Mǒsê gÿo ńjú’, ńzye léfa’ shÿó pá’ pɔ́ ge gÿo tá zẅé yé. Pɔ́ la ne ḿbɔ́gɔ ngie nò yé ge pú jÿó lá’, á nue alá’ ntsèm la ne ńgɔ’te mmó gie à lɔ̌ɔn ńzí’i pʉ̀a.

Malékuse 4:16

Mbyè mmó gie e gwě jʉ’ʉ metóon lɔgɔ ńgwɔ́ pʉ̀a pie pɔ́ jú’u shwóŋè Ssé, ésẅɛte ńzẅíŋ nê lekág.

Ŋwà’ne Jâŋ 5:35

Jâŋ la gwɔ́ pɔ́ pá’ lâm gẅie mé lyɛ̌ ńtÿɔ́g á ne ńkyɛ’ɛ jʉ’. Á kyɛ’ jʉ’, anò poŋo gẅi tá á té ńnéŋe.

Megàŋ ntúm 2:12

Á pú ńkʉ’ʉ wɔ́b tɛ’. Pɔ́ kwaŋ pɔ́ té cʉ́me, ńcʉ́’ sele ńzɛ́te tsetsɛ̀ɛ pɔ́b pɔ́ ngie: Yɔɔn nò lɔgɔ ńgɔɔn ngie kɔ́?

Megàŋ ntúm 5:24

Tándá pàpyɛ́bɛ *jʉ’ʉ Ssé pâ metándá pànuŋe pwɔ́’ jú’u yɔɔn nò a kʉ’ʉ wɔ́b. Pɔ́ té zsé mmó gie á ně ńgÿo megàŋ ntúm wɔ.