Malékuse 6:2 - Nouveau Testament en Ngienboum

² *Alyɛ’ɛ́ nzsè yɔ́b gÿo ńgwɔ́, á gʉa *ndá cú’tè pɔ́b, ńzye lézí’i pʉ̀a nò Ssé, pʉ̀a tà ńgyɔ́ɔn jú’u shwóŋè yé, ḿmɔɔn, ńně ńgɔɔn ngie: Nyìŋ wɔɔn aa ńgwɔ́ pá’ɔɔn ńdɔgɔ yɔɔn ntí menò fóo pɔ́ nzɔ̌? Yɛ̌ ntí legyè fóo nzɔ̌ mbwo yé, à piŋ ngǎ tá ńku’u légÿo yɔɔn ntí menò mmɔɔn mmɔɔn?

Malékuse 6:2 ပူးပေါင်းရင်းမြစ်များ

Matio 4:23

Yěsô gÿo ne ńgwá ńgiŋe jʉ’ ntsèm tsɛ̀ɛ Galilea, ńzí’i pʉ̀a nò Ssé tsɛ̀ɛ *mendá cú’tè pà Yuda, ésá’a nkʉ̀ mbòŋo gẅie é shwóŋó pʉ̀a pá’ *lefùɔ Ssé ee pú’u, ńně ńgÿo nyìŋ gẅie à gẅiin pɔ́ yɛ̌ ntí guɔ wɔ́ ka yɛ̌ ntí *lɔ̌’ wɔ́, zeŋe

Matio 7:28

Yěsô zí’i pʉ̀a mɔ̀ɔn menò tà ńtsẅé jʉ’, àlá’ pú mɔ̂ɔn ye ntí lézí’i pʉ̀a mmó,

Malékuse 1:39

Á gɔɔn pú’u, ńgwá ńgiŋe jʉ’ ntsèm tsɛ̀ɛ pàga ngwòŋ Galilea ntsèm, ńkúu tsɛ̀ɛ *mendá cú’tè, éshwóŋó nò Ssé, ńkúu ńjwóŋo *messé tepòŋ mie é pue pʉ̀a.

Malékuse 10:1

Yěsô fó jʉ’ó, ńcʉ́me mánzsè, ńdɔg shÿó Jẅidea, ńgʉa nà yetsɔ̌ nzǐŋ ntse Jurdeŋ. Alá’ gíŋe ńcú’te lejʉ́ŋ yé tà ńgyɔ́ɔn, á leen ńzye lézí’i wɔ́b nò Ssé pá’ à laa mà mbwo yé.

Lukase 2:47

Pʉ̀a pie é la jú’u shwóŋè yé ně ḿbúu ńgɔ’te zsé nò yé mbɔɔ yé ntí letsɔ’ɔ́ nò.

Lukase 4:15

mélà’mie à la ne ńda’te nò Ssé á *ndá cú’tè pà Yuda, pʉ̀a metsèm ně ńgu’te yé.

Ŋwà’ne Jâŋ 6:42

Pɔ́ gíŋe ne ńgɔɔn ngie nyìŋ wɛ̂ à tè Yěsô míŋ Yesyɛ̂b wɔ́ le! Pege tě ne ńzsé tá we pɔ́ má we wɔ́ le? Á ge gÿo lêkɔ́ tá à shwóŋó wégè fʉ̀’ɔɔn ngie à ka fó tÿǒ lepwó sẅɛ́’?

Ŋwà’ne Jâŋ 7:15

Á kʉ’ʉ pà Yuda, pɔ́ gɔɔn ngie: À gÿo lêkɔ́ ńzsé ŋwà’ne Ssé pɛ́’ɛ̀, tá mbà à la tè sekúd zí’i?