Malékuse 6:14 - Nouveau Testament en Ngienboum

¹⁴ À yɔɔn nò gÿo lezíŋ Yěsô sa jʉ’. Fùɔ *Herôd jú’ yé pá’ mé ne ńgɔɔn menò mie Yěsô ne ńgÿo, tsɔ́ pʉ̀a ne ńgɔɔn ngie Yěsô ŋwɛ́ ge gǎ wɔ́, é gwɔ́ Jâŋ Mbabtis, mbà à zǐm! Áa mmó gie á gÿo tá á ku’u légÿo menò mmɔɔn mmɔɔn.

Malékuse 6:14 ပူးပေါင်းရင်းမြစ်များ

Matio 9:31

Tá’ pɔ́ zyɛ́’ tà ńkúu pǐ ńdɔg lezíŋ Yěsô ḿbú saa jʉ’ ntsèm ná yɛ̌ pàga lá’.

Malékuse 1:28

Lezíŋ Yěsô gwóon saa lá’ tsɛ̀ɛ pàga ngwòŋ Galilea ŋwɛ́ ntsèm.

Malékuse 1:45

Tá á gʉa, ńdeen ńgwá ńdɔgɔ nò ŋwɛ́ sá jʉ’. Á gwɔ gwɔ́ tà Yěsô tě ńgíŋe shʉ̀a shʉ̀a, ńkúu tsɔ́ tÿǒsoŋ wɔ́, ńcʉ́’ʉ ńzso pɔ́ mánzsè, á jʉ’ gie pʉ̀a té wó wɔ́. Mé ké ńně fóo jʉ’ ntsèm, ńtóo tǒ, ńgyá yé.

Malékuse 8:28

Pɔ́ tsɔ́’ ngie: Etsɔ́ pʉ̀a ne ńgɔɔn ngie ɔɔ Jâŋ Mbabtis, Petsɔ́ ne ńgɔɔn ngie ɔɔ *Elîɛ, petsɔ́ pʉ̀a ne ńgɔɔn yɔ́b ngie ɔɔ tsɔ̌ tà’ ná *pantsẅì nkʉ̀ Ssé pe fʉ̀’ʉ mvfò.

Lukase 13:31

Yěsô ne ńgɔɔn pú’u, etsɔ́ pʉ̀a *farisay tó ńgɔɔn né yé ngie: Fó jʉ’ɔɔn ńgʉa, mélà’mie fùɔ *Herôd ne fa’a lézẅé ɔ́.

Lukase 3:1

Jâŋ míŋ Sakarîɛ lá’ ńtsẅé nkwòŋo tsẅɛ tà Ssé túmo yé ngie à gʉa shwóŋó nò yé. Á gwɔ́ ngù’ ayɛ̌, mbà Kása Tibɛr gẅie à la ne sá’a ngwòŋo ngwòŋ, mbà à neŋé nà lʉŋ ngù’ ntsɔ̀b tʉ̀a lê legém. Ponte *Pilato á gwɔ́ ngúmnɔ́ɔn pàga ngwòŋ Jẅidea, *Herôd á né sá’a pàga ngwòŋ Galilea, afɛ̌ we Filib á ně sá’a Itẅiria pɔ́ Telakonid, Lisanias á ně sá’a Abilɛn. Ánɔ́ɔn pɔ́ Kaifa gwɔ́ *metándá pànùŋe pwɔ́’.

Lukase 7:17

Mé la lɔg menò mie Yěsô gÿǒ ḿbú saa pàga ngwòŋ Jẅidea, tà mbɔɔ metsɔ́ melá’ shÿó jʉ’ó.

Lukase 9:19

Pɔ́ pÿɛ ngie: Tsɔ́ pʉ̀a ne ngie ɔɔ Jâŋ Mbabtis, petsɔ́ ne ngie ɔɔ *Elîɛ, petsɔ́ ne ńgɔɔn ngie ɔɔ tsɔ̌ tà’ ná *pàntsẅì nkʉ̀ Ssé pe fʉ̀’e mvfò, gẅie à zǐm.

1 Tesalonika 1:8

Ashwóŋè Cʉ̀apʉ̀a la zɔɔn fó pɔ́ tsetsɛ̀ɛ pi, ńjÿó pàga ngwòŋ Makedonia mbɔɔ ye Akay. Tá mé ké ńgwɔ́ jʉ’ ntsèm ńzsé ntí gie pi lɔg ńzáb ntʉ́m nà Ssé, tà ńgwɔ́ peg le gíŋ shwóŋó nyìŋ shwǒŋ wɔ́.

Heber 2:4

E Ssé gíŋ ńtóonte wɔ́b á nà nò gie pɔ́ ne ńgɔɔn, ńcʉa nà meliŋé, pâ menò mmɔɔn mmɔɔn, pâ mendàa gyá mentí mentí, ńgíŋ ńcʉa nà mefà’ mie à zába na we lekwoŋ ngie Zẅìge Ndʉalʉ̌a ge cÿó gʉm pʉ̀a pɔ́ ku’u léfa’.