Malékuse 5:7 - Nouveau Testament en Ngienboum

⁷ ńdɔg ngyè tetʉ́ʉ ńga’te ngie: Yěsô Míŋ Ssé gẅie à pi’i kɔ̀ɔkɔ́ɔ, ɔ̀ kẅé kɔ́ mbwo mèŋ? Tsétsɔ’, mèŋ n dɔ̌g lezíŋ Ssé sẅíŋte gú ngie, ɔ̀ pɔ́ɔn lé ńnéŋe wɔ̀ɔn tsɛ̀ɛ ngɔ́’?

Malékuse 5:7 ပူးပေါင်းရင်းမြစ်များ

Matio 16:16

Símo Piɛ tsɔ́’ ngie: Ɔ̀ɔ *Nzà’nkÿo, Míŋ Ssé gie ee wó.

Matio 26:63

Tá Yěsô pú tè tsɔ́b. *Nùŋe pwɔ́’ we lÿò gɔɔn né yé ngie: Lɔg lezíŋ Ssé gẅie aa ntentʉ́, ńkʉa ngie ɔ́ɔ *Nzà’nkÿo gẅie aa Míŋ Ssé ka ɔ̀ tè wɛ̌ wɔ́?

Matio 4:3

Sátà tó ńkwa’te yé, ńgɔɔn ngie: Pá’ ɔɔ Míŋ Ssé lá, leen ńké ńtsẅi né metóon pɛ̂ ngie é sele ńcʉ́’ʉ mmó léjÿó ɔ̀ jÿó.

Matio 8:29

Pɔ́ ga’te ńgɔɔn né Yěsô ngie: Ɔ̀ fa’a légÿo lêkɔ́ ná peg, Míŋ Ssé? Ɔ̀ ka tóo jʉ’ɔɔn pɔ́ létʉ́ njÿó ńnéŋe wég tsɛ̀ɛ ngɔ́’ ka?

Malékuse 1:24

Yěsô, mûɔ Nǎzarɛd, pege gẅiin kɔ́? Ɔ ka fɔ̌ɔn ńtó pɔ́ lépyága wég ka? Mèŋ n ne ńzsé gú. Ɔ fóo lejʉ́ŋ Ssé, ńgwɔ́ Míŋ we.

Malékuse 14:61

Yěsô láŋte laŋté, à tè tsɔ́b. *Nùŋe pwɔ́’ we lÿò gɔɔn né yé ngie: Ɔɔ *Nzà’nkÿo, á Míŋ Ssé?

Malékuse 3:11

Epʉ̀a pie *messé tepòŋ la ne ḿbue wɔ́b lɔ́ɔn ńgwɔ́ tà ńgyá Yěsô, ńnuŋe mekwò yé, ńdɔgɔ ngyè tetʉʉ ńgɔɔn ngie: «Ɔɔ Míŋ Ssé».

Malékuse 5:6

Á tyé ngʉ̀a shʉ̀shʉ̀a, ńgyá Yěsô pú’u, ńnɔ́ɔnte yé ńtó ńnuŋe mekwò yé,

Malékuse 5:8

Nyìŋ ŋwɛ́ la gwaa gɔɔn pú’u, á gwɔ́, mbà Yěsô tsẅǐ né *messé tepòŋ ngie pɔ́ fó ná yé ńkẅɛ.

Lukase 1:32

À ge lá’ gwɔ́ nyìŋ ndÿò, mè tóŋo yé lé Míŋ Ssé gẅie à pi’i kɔ̀ɔkɔ́ɔ. Kwà’ yé Cʉ̀apʉ̀a Ssé zɔ gíŋe ńná lefùɔ ngàb ngẅɛ̀ wɔb Ndavíd né yé.

Lukase 4:34

Yěsô mûɔ Nǎzarɛd, pege gẅiin kɔ́? Ɔ̀ ka fɔ̌ɔn ńtó pɔ́ lépyága wég ka? Mèŋ n ne ńzsé ɔ́, ɔ̀ foo lejʉ́ŋ Ssé, ńgwɔ́ míŋ we.

Lukase 6:35

Ammó gie á poŋ ngie pi gÿo gwɔ́ pɔ́ ngie: Pi kwoŋ megàŋ mbù pí, ńgÿo pɔ́ nò mbòŋo ná pɔ́b. Pi fu nkáb mbwo nyìŋ té sáŋ ngie ngàŋ ge gÿo tsɔ́’. Pi lɔɔn ne ńgÿo pú’u, mbà Ssé ge lá’ náa gẅi máa ntsɔ’ɔ́ fà’, pi gíŋe ńgwɔ́ púɔ Ssé gẅie à pi’i kɔ̀ɔkɔ́ɔ, ńtí nue kwà’ yé ne ńgÿo nò mbòŋo ná pàjÿó ńjÿɔg ncwò, mbɔɔ ná megàŋ sóon.

Lukase 8:28

Á lêen ńgyá Yěsô, ńtó ńnuŋe mekwò yé, ńga’te ńdɔg ngyè tetʉ́ʉ ngie: Yěsô Míŋ Ssé gẅie à pi’i kɔ̀ɔkɔ́ɔ, ɔ̀ kẅé kɔ́ mbwo mèŋ? E sẅiŋté ɔ́, te ńnéŋe wɔ̀ɔn tsɛ̀ɛ ngɔ́’,

Ŋwà’ne Jâŋ 20:31

Tá mé la ké ńŋwe’e mɔɔn pá’ɔɔn légwɔ́ gie pi ge zẅíŋ ngie Yěsô aa *Nzà’nkÿo, ńgwɔ́ Míŋ Ssé, ńgwɔ́ gie pi lɔɔn ńzẅíŋ, á gÿo pi gẅiin le gwɔ́ tèmì.

Megàŋ ntúm 16:17

Á cʉ́me nzèm peg lâ Pɔl, ńgiŋe ńgɔɔn lê tʉ̀ ngie: Epʉ̀a pɔɔn ée ngàŋa fà’ mbwo Ssé gẅie à pi’i kɔ̀ɔkɔ́ɔ! Pɔ́ ne shwóŋó gẅi pá’ à lɔɔn ńgwɔ́ pi giŋ pú’u tá ńtsẅɛ́.

Megàŋ ntúm 19:13

Etsɔ́ pà Yuda gíŋe ńgwɔ́ yɔ́b wó, ńgwɔ́ pʉ̀a pie ée ńgwá ńgiŋe ńjwoŋo *messé tepòŋ, gÿo fà’ shÿó lélɔg lezíŋ Cʉ̀apʉ̀a Yěsô ńjwoŋ *messé tepòŋ ná pʉ̀a, ńne ńgɔɔn mbwo *messé tepòŋ ngie: Mèŋ n dɔ̌g lezíŋ Yěsô gẅie Pɔl gɔɔn la, ńtsẅi ngie pi kẅɛ!

Megàŋ ntúm 8:36

Pɔ́ yé la nyé ńgiŋe giŋ, ńkẅɛɛ nà tsɔ́ jʉ’, ntse gwɔ́ wó. Nyìŋ Etiopia ŋwɛ́ gɔɔn né Filib ngie: Ntse wɛ, à lɔɔn ńgwɔ́ kɔ́ táte tà mé le wɔ̀ɔn ntse nu’u?

Roma 16:20

Pi lɔɔn ńgÿo pá’ɔɔn, mbà e Ssé gẅie à náa sẅéte, ge ma’a Sátà ssé, pi lɔg mekwò ńnéŋte yé. Cʉ̀apʉ̀a wege Yěsô Kristo ne ńgwɔ́ né pi.

Heber 2:14

Ńgɔɔn pú’u, e gubé ŋwɛ́ gwɔ́ pʉ̀a mesoŋ. Pá’ pʉ̀a mesoŋ gwɔ́ pɔ́ tà’a mmó, ńgẅiin mbab nnɛ́, ńgẅiin metse la, yé lê twó yé la gíŋe ńcʉ́’ yé nyìŋ mesoŋ pá’ pɔ́b, légwɔ́ gie à ge táa fó nà legwé we, é gwoon nyìŋ gẅie à gÿo pʉ̀a kwéte, é kẅé metʉ̀ mé. Mé tóŋo ngàŋ lê Sátà

Heber 7:1

Melekisedeg ŋwɛ́ à laa fùɔ pʉ̀a Salem, ńgíŋe ńgwɔ́ nùŋe pwɔ́’ we Ssé, é Ssé gẅie à pi’i kɔ̀ɔkɔ́ɔ. Ábalam laa lyɛ̌’ gie à la gʉa ncù, ńtó ńdÿɔ́’ mefùɔ tà ńgyɔ́ɔn, ńjÿó wɔ́b, ńne ḿbiŋe nzèm, Melekisedeg gʉa ńzá’a yé, ńnéŋ mbʉ́lè ná yé.

Ŋwà’ne Jâg 2:19

Ɔ̀ ne ńzẅíŋe ngie e Ssé, ee yémɔ’ɔ́, oon áa mbòŋ, *messé tepòŋ gíŋe ńne ńzẅíŋe yɔ́b pɔ́ pú’u, tá ḿbiŋe ńne ḿvɛɛ.

2 Piɛ 2:4

*Mecÿɔ́’ Ssé la zɔɔn fʉa nò, e Ssé tè wɔ́b nyé. À la tsó wɔ́b ḿma’a tsɛ̀ɛ pÿé té lǎŋ á jʉ’ʉ nzěm, pɔ́ ée ńgwɔ́ gwɔ́ tsɛ̀ɛ menkÿo, ńne ńzẅí’te lyɛ̌’ gie mé ge tsɔ́’te mentsaŋ.

1 Jâŋ 3:8

Nyìŋ lɔɔn ńké ńnéŋe ńgÿo yé pɔ́ nò tepòŋ, mbà aa nyìŋ Sátà, á nue Sátà aa ngàŋ mefʉa tà fó pɔ́ nzyète ngwòŋ. Míŋ Ssé la zɔɔn ńtó pɔ́ ńgÿo kɔ́? À la tóo ḿbyág mefà’ Sátà.

Jẅide 1:6

Pi kímte nò *mecÿɔ́’ Ssé pie pɔ́ la gwága jʉ’ gie e Ssé tÿɔgɔ́ wɔ́b wó, ńgwá’a yɔ́b jʉ’ʉ leńnéŋe, ńne ńtsɔ́ɔn ye mvfò. E Ssé la kwɛ́ɛ wɔ́b ndà’ ndà’ lê metsɛ̂n, ńnéŋe wɔ́b tsɛ̀ɛ mwòon nzém, pɔ́ ée wó ńzẅí’te ngʉ̀ngʉ̀ ye lyɛ’ɛ́ lÿò gie mé ge lá’ zá’ mentsaŋ,

Ŋwà’ne Ngyà jʉ’ 12:12

Pú’u la, atÿǒ lepwó lâ pʉ̀a pie pɔ́ ńnéŋe wó, pi kág. Tá ńgʉa nà ndùmo ssé tsetsá’ mbɔɔ ntse té pàa, anò yɛ gie á kě ńgÿo gẅi lɛ. Á nue ndebele sẅɛ̌’ ńtó ńtsɛ́ɛ gẅí, lóŋ we ne ńgyáŋa tɛ’. Á ne ńzsé ngie à tè gíŋe fa’a yé fà’ tà ntyě sag wɔ́.