Malékuse 5:34 - Nouveau Testament en Ngienboum

³⁴ Yěsô gɔɔn né ye ngie: Míŋ wɔ̀ɔn, pá’ ɔ̀ zǎb ntʉ́m ná mèŋ la, ɔ̀ zeŋé, gʉa lê mbʉ́lè, aguɔ jú mǎg.

Malékuse 5:34 ပူးပေါင်းရင်းမြစ်များ

Matio 9:2

ńkúu wó, mé lɔgɔ tsɔ̌ ngàŋa kwʉ́’te ńtó, á nuŋe ná páŋte. Yěsô gyá ntí gie, mbàŋa gie é lɔgɔ́ yé ńtó, lɔg ńzab ntʉ́m ná yé, ńgɔɔn né ngàŋa kwʉ́’te ngie: Míŋ wɔ̀ɔn ɔ́ɔ shÿó mbòŋo! Mé legé menò tepòŋ mú ńnáa mbwó gù.

Matio 9:22

Yěsô sele nnɛ́, ńgyá yé, ńgɔɔn né yé ngie: Míŋ wɔ̀ɔn, ɔ́ɔ shÿó mbòŋo, ntí gie ɔ̀ lɔ̌g ńzáb ntʉ́m gú ná mèŋ lɛ̂, gÿǒ ɔ̀ zeŋe. Á gwóon ńzeŋe pɔ́ fʉ̀’ó fʉ̀’ó.

Malékuse 10:52

Yěsô gɔɔn né yé ngie: Pá’ ɔ̀ zǎb ntʉ́m ná mèŋ la, ɔ̀ zeŋé, cʉ́’ ńgʉa jú gʉa. Afʉ̀ menÿɔ́g gwoon ńzye légíŋe ńgyá jʉ’, ńcʉ́me nzèm Yěsô pâ pɔ́ gʉa.

Malékuse 3:10

Á gwaa gwɔ́, mbà à pǔ ńgÿo pʉ̀a tà ńgyɔ́ɔn sẅéte, tà pʉ̀a metsèm pie guɔ laa ná pɔ́b nɔ́ɔnte yé, ńzába pwó nà yé, mélà’mie à la ne gÿo pʉ̀a tà ńgyɔ́ɔn zeŋe.

Malékuse 5:29

ńdeen ńkíbe, aguɔ yé gwóon ńzá’a, á gíŋe ńjú’, mbà à zeŋé.

Malékuse 5:33

Manzwě ŋwɛ́ cʉ́’ʉ ḿvɛɛ vɛ, ńtí nue à la zsé mmó gie á cʉ̌a ná ye, ńdeen ńké ńtó, ńnuŋe mekwò Yěsô, ḿbú shwóŋó yé kwà’ nò gie á cʉaté ntsèm.

Lukase 17:19

Yěsô leen ńké ńgɔɔn mbwo nyìŋ Samalîɛ ŋwɛ́ ngie: Lu ssé ńgʉa, e Ssé gÿǒ ɔ̀ tsẅɛ́, ńtí pá’ ɔ̀ zǎb ntʉ́m ɔ́ ná mèŋ.

Lukase 18:42

Yěsô gɔɔn né yé ngie: Pá’ ɔ̀ zǎb ntʉ́m ɔ́ ná mèŋ lá, gyá jʉ’!

Lukase 7:50

Yěsô gíŋe ńgɔɔn né manzwě ŋwɛ́ ngie: Ɔ̀ tsẅɛ̌ ndòon menò tepòŋ mú, mélà’mie ɔ̀ zǎb ntʉ́m ɔ́ ná mèŋ. Gʉa lê sẅétè.

Lukase 8:48

Yěsô gɔɔn né yé ngie míŋ wɔɔn, ntí gie ɔ̀ lɔ̌g ńzáb ntʉ́m ná mèŋ gÿǒ ɔ̀ tsẅɛ́, gʉa né mbʉ́lè,

Megàŋ ntúm 14:9

Á gwɔ́ tsɔ́ lyɛ̌’, ńne ńzẅí’te shwóŋè gie Pɔl ne ńgɔɔn. Pɔl líe yé, ńgyá á ne ńzába ntʉ́m nà Ssé tà ńgwɔ́ gie à lɔɔn ńgwɔ́ Ssé gÿo á sẅéte.

Megàŋ ntúm 15:33

Pâ pɔ̌ gíŋe ńná’a ńnéŋe Antiokia. Pɔ́ gÿo ńgwaa gʉa, mefɛ́ mefɛ́ nyɛte ńde’e wɔ́b. Ngie pɔ́ giŋ lê kwò mbòŋo, lépiŋ ńkẅɛ́te pʉ̀a pie é ka túmo wɔ́b.

Megàŋ ntúm 16:36

Nyìŋ gẅie à pyɛ́bɛ ndá tsǎŋ tó ńgɔɔn mbwo Pɔl ngie: Pàtsɔ́’te ntsaŋ tsẅǐ ngie mèŋ n nyé gẅi pi gʉa, ńgwɔ́ pi kẅɛ fʉ̀’ɔɔn ńgʉa lê mbʉ́lè!

Ŋwà’ne Jâg 2:16

atsɔ̌ nyìŋ ná pi piŋ ńgɔɔn né pɔ́b ngie: Pi lo nê kwò gí ye mbòŋo. Mbùm gí lumte. Pi pfɛ́ ńzẅɛ́, ńgɔɔn pú’u, ńké tê náa tsɔ́ mmó gie á ge kẅéte wɔ́b gwɔ́, mbà wɛ̌ légɔɔn ge kẅéte nà kɔ́?