Malékuse 5:15 - Nouveau Testament en Ngienboum

¹⁵ ńgʉa tà ńkúu lejʉ́ŋ Yěsô, ńgyá nyìŋ gẅie *messé tepòŋ laa ná yé tà ńgyɔ́ɔn gyɔ́ɔn la, á ńnéŋe ḿma’ menzsǒ, mbà legyè sé pǐŋ, pɔ́ pú ḿbɔ́g tɛ’.

Malékuse 5:15 ပူးပေါင်းရင်းမြစ်များ

Matio 12:29

Tà à lɔɔn ńgwɔ́ nyìŋ gÿo lêkɔ́ tá ḿbwɔ́’ ndá tántʉ̀, ńkaa shúm sé té gwɔ́ gie à vɔg ńkwɛ́ɛ yé? À vɔg tà ńkwɛ́ɛ yé, á ku’u lékúu ndá ḿbú ńkaa shúm sé ntsèm.

Matio 26:53

Ɔ̀ tè ne ńzsé ngie á kě ńgwe’e ńgwɔ́ nò ncù, mbà mèŋ n ně ńtóŋo Tá wɔ̀ɔn á gwóon ńtúm mecÿɔ́’ pé, tà e tɔ́g ntsɔ̀b pʉ́a nê legém pɔ́ tág nzèm yɔ̀ɔn mɔ́ keen.

Matio 4:24

Á gwɔ́ pú’u, mé lɔg lezíŋ sé ésa ngwòŋ Siria ntsèm. Mé ne ńdɔgɔ pʉ̀a metsèm pie meguɔ ntí ntí laa ná pɔ́b, é pʉ̀a pie *messé tepòŋ la ne ḿbue wɔ́b, mbɔɔ pàgwe gwá’, lâ megàŋa kwʉ́’te ńtóo, Yěsô gÿo pɔ́ zeŋe.

Matio 9:33

Yěsô gwɔ́ tà ńjwoŋ yɛ̌ *ssé tepòŋ, mbu’ ncwò ŋwɛ́ gwóon ńzye légɔɔn nò. Àlá’ gyá ḿbú ḿmɔ́ɔn, ńne ńgɔɔn ngie: Mé laa zɔɔn ńgyá yɛ̂ ntí nò á tsɛ̀ɛ ngwòŋ pà Israel wɔ́.

Malékuse 5:14

Pʉ̀a pie pɔ́ la ne ḿpféle mekúnɔ́ɔn gyá pú’u, ńkÿo, ńgʉa ḿbú ńdɔgɔ nò gie pɔ́ gyǎ, ésaa tÿǒsoŋ, tà mbɔɔ lá’. Alá’ kwɔ́’, ńtó ńgyá mmó gie á gÿǒ,

Malékuse 5:16

Tsɔ́ pʉ̀a gwɔ́ jʉ’ó, mbà pɔ́ ně ńgyá mmó gie á gÿǒ nyìŋ awɛ̌ mbàa mekúnɔ́ɔn. Pɔ́ ne ḿbíte shwóŋó pʉ̀a pie é tǒ nzèm.

Malékuse 5:18

Yěsô ne ńkúu tsɛ̀ɛ kanú’ pá’ à ge cʉ́’ gʉa yé gʉa, nyìŋ wá gẅie à zeŋé la, sẅíŋte yé ngie à zẅíŋ, pɔ́ ye gʉa.

Malékuse 5:4

Á gwɔ́, mbà mé lǎ zye ńnéŋe *kɔ̌’ mekwò yé, ńdɔgɔ tsɛ̂n ńkwɛ́ mbwó mé, á pú ḿbwɔ́’te *kɔ̌’, ńzá’te metsɛ̂n tà tsɔ̌ nyìŋ tè gíŋe ńku’u ná yé wɔ́.

Malékuse 5:9

Yěsô zɛ́te nyìŋ ŋwɛ́ ngie: Lezíŋ shú ée le wɔ̌? Á tsɔ́’ɔ mbwo yé ngie: Lezíŋ sɔ́ɔn ée le menùɔ, mélà’mie peg *messé tepòŋ gyɔ́ɔn gyɔ̌ɔn,

Lukase 10:39

Mágtà la gẅiin fɛ́ we we manzwě, lezíŋ sé gwɔ́ le Malîɛ. Yěsô tó tà ńnéŋe ssé, Malîɛ tó ńnéŋe lejʉ́ŋ yé, ńně ńjú’u shwóŋè yé.

Lukase 8:27

Yěsô kẅɛɛ tsɛ̀ɛ kanú’, atsɔ̌ nyìŋ tÿǒsoŋ kẅɛ ńzá’a yé, ńgwɔ́, mbà *messé tepòŋ léen ḿbue yé tà á cʉ́’ʉ ńgwá ńgiŋe pɔ́ tè jÿɔ̌g nzsǒ, ḿbiŋe ńdá’a pɔ́ jʉ’ gie mé túŋo mepfó wó, mbà à la lá’ ńgwá’ mbʉ̀a ye.

Kolosia 1:13

À la sa’a wégè mbwo metʉ̀ nzěm, ńtsege wégè ńnéŋe tsɛ̀ɛ nò lefùɔ Míŋ we, à kwoŋo míŋ we ŋwɛ́ tɛ’.

2 Timote 1:7

A Zẅìge gie Ssé ka zɔɔn ńná né pege á té gie á gÿo pege nẅíin nẅǐin wɔ́. Tà ńcʉ́’ pú’u, mbà Zẅìge yé néŋ pɔ́ metʉ̀ ná pege tɛ’, ńgÿo pege kwoŋ pʉ̀a mesoŋ tɛ’, ḿbiŋ ńkú’te mbùm yege mboŋó.