Malékuse 4:34 - Nouveau Testament en Ngienboum

³⁴ À lɔ̌ɔn tě shwóŋó wɔ́b nò té lɔg pé *sagá nò wɔ́, ńgwɔ́ fʉ̀’ gie pâ *ngàŋa kwò yé zɔ̌ cʉ́’ ńgwɔ́, á pú ńkyagte shwóŋó wɔ́b pá’ é lɔgɔ ńgɔɔn.

Malékuse 4:34 ပူးပေါင်းရင်းမြစ်များ

Matio 13:34

Yěsô ké ńdɔg pɔ́ sagá nò ńgɔɔn mɔɔn menò mbwó lá’. Á lɔ̌ɔn tě ńgɔɔn tsɔ́ nò lê pɔ̌b té sagá nò ńcʉa mǒ wɔ́.

Malékuse 4:10

Alá’ gÿo ńgʉa, pʉ̀a pie pɔ́ la zɔɔn ńgwɔ́ lejʉ́ŋ Yěsô pâ *ngàŋa kwò yé ntsɔ̀b pʉ́a nê legém cʉ́’ nzèm, ńzɛ́te yé ngie à kyagte *mesagá nò éshwóŋó wɔ́b.

Malékuse 4:33

Wɔɔn aa pá’ Yěsô lɔ̌ɔn ńzí’i pʉ̀a mmó pú’u, ńdɔgɔ pɔ́ mesagá nò pá’ mɔɔn, tá shwóŋó nò Ssé, éshwóŋó nà ntí gie ńgwɔ́ lá’ á ku’u lé jú’.

Lukase 24:27

Ńgɔɔn pú’u, ńzye lékyagte menò ntsèm mie ée tsɛ̀ɛ ŋwà’ne Ssé ńne ńdíe yé, éshwóŋó wɔ́b, ńzye nà meŋwà’ne Mǒsê, ḿbɔ́ɔnte ńkúu tsɛ̀ɛ me *pàntsẅì nkʉ̀ Ssé.

Ŋwà’ne Jâŋ 10:6

Yěsô gɔɔn yɔɔn sagá nò mbwo pɔ́b, tá pɔ́ ké tè jú’u mmó gie à lɔgɔ ńgɔɔn wɔ́.

Ŋwà’ne Jâŋ 16:25

Mèŋ n dɔg pɔ́ sagá nò ńgɔɔn mɔɔn menò. Atsɔ́ fʉ̀’ ge gÿo gwɔ́, ń de gíŋe ńdɔg pɔ́ sagá nò ńgɔɔn nò mbwo pi wɔ́. Mèŋ n cʉ́’ʉ shʉ̀ashʉ̀a shwóŋó gẅi nò gie á líe Tá wɔ̀ɔn.

Megàŋ ntúm 28:23

Pà Yuda gɔɔn pú’u, pâ Pɔl táŋa lyɛ̌’ gie pâ pɔ̌ ge gÿo gíŋe pumte. Alyɛ́’ ŋwɛ́ gÿo ńku’, pɔ́ gíŋe ńtó, ńkẅɛ́te yé jʉ’ gie à ńnéŋe wó, ńgwaa tó sɛ̌ lekwò ḿbú ńgyɔ́ɔn tɛ’. Pɔl kyagte nò *lefùɔ Ssé éshwóŋó wɔ́b tà fó mba’á mba’ ńkúu ncwò nzém, éfa’ shÿó légÿo tà pɔ́ nyɛte ńzsé nyìŋ gẅie Yěsô aa yé, ńne ńkẅile menò tsɛ̀ɛ meŋwà’ne *lepʉ̌ Mǒsê mbɔɔ tsɛ̀ɛ meŋwà’ne pà *ntsẅì nkʉ̀ Ssé.