Malékuse 4:24 - Nouveau Testament en Ngienboum

²⁴ Yěsô gíŋe ńgɔɔn né pɔ́b ngie: Pi lɔɔn ńzẅí’te nò Ssé pi jú’ tà ńjú’. Anò gie pi nyɛté ńjú’ mboŋó, nzẅìŋ gẅie nyìŋ lɔ̌g ńnéŋe twó ńjú’u nò Ssé, ée wɛ̌ tá à gÿo ńdɔg náa zsé nò mbwo ngàŋ, tà ńgíŋe ńkẅi’i.

Malékuse 4:24 ပူးပေါင်းရင်းမြစ်များ

Matio 7:2

Á ge fó pɔ́ nà ntí gie pi lɔgɔ ńtúu *lɔ̌’ petsɔ́ pʉ̀a, tá Ssé túu *lɔ̌’ɔ gí gí. Pi zsé ngie: E Ssé ge táa ńnéŋe pɔ̀ɔn gí pɔ́ pá’ pi zɔɔn ńnéŋe yé petsɔ́ pʉ̀a

Malékuse 9:7

Pɔ́ gwaa gyá, etsɔ́ melɔ́ɔn sẅɛ́’, ńkábte wɔ́b. Ngyè nyìŋ fóo tsoló ńgɔɔn ngie: Wɔɔn aa Míŋ wɔ̀ɔn, mèŋ n kwoŋo yé tɛ’. Pi jú’ ncwò wé,

Lukase 8:18

N dɔgɔ shwóŋó gẅi ngie pi lag twó sí nà ntí gie pi lɔgɔ ńjú’u shwóŋè Ssé, nyìŋ lɔɔn ńgẅiin mmó, mbà mé ge kẅi’i. Tá ńké ńgʉa ná nyìŋ gẅie à tè mmó gẅiin, mbà mé ge kẅé méjʉ’ gẅie à kwǎŋ ngie à gẅiin.

Ŋwà’ne Jâŋ 10:16

N giŋé ńgẅiin tsɔ́ *menjʉ̀njÿò mie é té tsɛ̀ɛ nká’ wɔɔn wɔ́. Á ně ńzɛ́te ngie mèŋ n gʉa ńdɔgɔ wɔ́b ńtó. Pɔ́b yɔ́b ge gÿo jú’ ngyè yɔ̀ɔn, à cʉa pú’u, nùɔ njʉ̀njyò gwɔ́ yémɔ’ɔ́, ambyɛ̀bɛ gwɔ́ wémɔ’ɔ́.

Ŋwà’ne Jâŋ 10:27

*Me njʉ̀njÿò mɔ́ɔn jú’ ngyè yɔɔn. Mèŋ n zsé wɔ́b, pɔ́ cʉ́me nzèm mèŋ.

Ŋwà’ne Jâŋ 5:25

Tà mèŋ shwóŋó gẅí, kwà’ nénʉ́, afʉ̀’ ne ńku’u, tà á ně ńzɔɔn ńdá’ ńku’, pá’ mepfó ssé ge jú’ ngyè Míŋ Ssé, epʉ̀a pie pɔ́ jǔ’ yɛ̌ ngyè pɔ́ gwɔ́ wó.

Megàŋ ntúm 17:11

Pà Yuda pie ée nà yɛ̌ tÿǒsoŋ gẅiin ntʉ́m mbòŋo ńcʉa pie ée Tesalonika. Pɔ́ zẅí’te shwóŋè Pɔl pɔ́ Silas lê ntʉ́m mbòŋo, ńgwɔ́ lyɛ̌’ ntsèm, ńne ńtóŋo ŋwà’ne Ssé, ńtuu nò ńnáa mǒ, éfa’a lézsé ka nò gie pɔ́ shwóŋó wɔ́b, áa pú’u wɔ́.

2 Korento 9:6

Pi zsé ngie nyìŋ lɔɔn ḿbye mmó á té gyɔ́ɔn, mbà á ge lá’a fʉ̀’e lélag shúm, à lag é le gyɔ́ɔn, ḿbye á gyɔ́ɔn, mbà á ge lá’a fʉ̀’e lélag shúm, à lag é gyɔ́ɔn.

Heber 2:1

Pú’u la, pege kwa’ ńgẅiin lé ké ńkú’te nò gie pege la jú’ kú’te, tà á té pú’u wɔ́, mbà pege ge fʉa mánzsè, é gʉa pyé,

1 Piɛ 2:2

Pi lêen ńgwɔ́ pɔ́ pá’ púɔ mepÿɛ́ pie pɔ́ tsɔ́ɔn lepʉ́, ashwóŋè Ssé ée *lepʉ̌ té *lɔ̌’, pi ne ńnóŋo, ńzsé ngie pi ge gú’, e Ssé gÿo pi tsẅɛ́.

1 Jâŋ 4:1

Meshǔ pɔ́ɔn pe tʉ̀ nzẅìŋ, tà pi jú’ nyìŋ gɔɔn ngie Zẅìge Ndʉalʉ̌a áa ná yé, pi gwóon ńzẅíŋ zẅíŋ, té cwoŋo ńdíe ka áa kwà’ Zẅìge Ssé wɔ́. Á nue pà *ntsẅì nkʉ̀ Ssé pe cÿɔ̌ nò pǔ ńgyɔ́ɔn tsɛ̀ɛ njÿó tɛ’.