Malékuse 4:17 - Nouveau Testament en Ngienboum

¹⁷ Tá’, á té lyɛ menŋaŋ tsɛ̀ɛ ntʉ́m pɔ́b wɔ́, á nue pɔ́ gwɔ́ pɔ́ pʉ̀a lyɛ’ɛ́ lá’, mé gwɔ́ tà ńzye lékʉ́e wɔ́b, ńnyɛɛ wɔ́b ngɔ́’ mélà’ nò Ssé, pɔ́ gwóon ńgwá’.

Malékuse 4:17 ပူးပေါင်းရင်းမြစ်များ

Matio 11:6

Àshÿó mbòŋo aa nyìŋ gẅie à tè kwɔɔnte ná *Míŋ Nyìŋ gwe ssé wɔ́!

Matio 12:31

Pú’u, tá mèŋ n gɔɔn né pi ngie à lɔɔn ńgwɔ́ Ssé lá’ ḿbú ńdege meno tepoŋ pʉ̀a mesoŋ ntsèm, ńnáa mbwó pɔ́b, tà mbɔɔ meshwóŋe ntsèm mie pɔ́ lɔgɔ ńzoonte yé. Tá nyìŋ ké ńzoonte Zẅìge Ssé, mbà mé téen ńdá’a ńdege ńnáa mbwó yé wɔ́.

Matio 13:21

tá pɔ́ té nyé á lyɛ menŋaŋ ntʉ́m pɔ́b wɔ́, á nue pɔ́ gwɔ́ pɔ́ pʉ̀a lyɛ’ɛ́ lá’. Mé gwɔ́ tà ńzye lékʉ́e wɔ́b, ńnyɛɛ wɔ́b ngɔ́’ mélà’ nò Ssé pɔ́ gwóon ńgwá’.

Malékuse 4:16

Mbyè mmó gie e gwě jʉ’ʉ metóon lɔgɔ ńgwɔ́ pʉ̀a pie pɔ́ jú’u shwóŋè Ssé, ésẅɛte ńzẅíŋ nê lekág.

Malékuse 4:18

Mbyè mmó gie e gwě tsɛ̀ɛ megǐ tepòŋ, lɔgɔ ńgwɔ́ pʉ̀a pie é jú’u shwóŋè Ssé,

Lukase 12:10

Nyìŋ lɔɔn shwóŋó tepòŋ ná *Míŋ Nyìŋ, mbà Ssé ge lá’ lege náa mbwo yé, tá ńké ńzoonte Zẅìge Ndʉalʉ̌a, mbà mé téen ńdá’a ńdege ńnáa mbwo ngàŋ wɔ́.

Ŋwà’ne Jâŋ 8:31

Yěsô gɔɔn mbwo pà Yuda pie pɔ́ zǎb ntʉ́m ná yé ngie: Pi lɔɔn ńkú’te shwóŋè yɔ́ɔn, mbà pi ge gwɔ́ kwà’ *ngàŋa kwò yɔ́ɔn.

Galatia 6:12

Pʉ̀a pie pɔ́ sẅɛ́ɛ gẅi sẅɛ́ ngie pi zẅíŋ mé pú’u gẅí, ée pʉ̀a pie pɔ́ fa’a pɔ́ légÿo mmó gie á ge poŋ pà Yuda. Pɔ́ gÿo pú’u, ńtsɔ́ɔn ngie pà Yuda té kʉ́e wɔ́b ngie pɔ́ tyé yɔ́b pɔ́ nà nò legwé Kristo nà tÿǒ nkǐ wɔ́.

2 Timote 1:15

Ɔ̀ ne ńzsé jú pá’ pʉ̀a ná pàga ngwòŋ Azia kéen ḿbú ńgwá’a wɔ̀ɔn métsèm tà mbɔɔ Figele pɔ́ Hergène yɔ́b.

2 Timote 4:10

Zsé ngie Ndemas kéen ńgwá’a wɔ̀ɔn, mélà’mie à kwoŋ shúm njÿó tɛ’. Yɛ̌ zɔ̌ ka gÿo á gʉa né Tesalonika. Kelesens ka gʉa lé Galatia, Titus gʉa lé Ndalmatia.

2 Timote 4:16

Á gʉa ná nò yɔ́ɔn, mbà n daa ndùŋ mvfò lyɛ̌’ gie mé la tóŋo wɔ̀ɔn jʉ’ʉ ntsaŋ, ńgʉa wó ḿbíte ncwò wɔ̀ɔn. Mânyìŋ ntsèm gwá’a wɔ̀ɔn, mèŋ n kẅɛ gílé mèŋ. E Ssé lége yɛ̌ nò ńnáa mbwo pɔ́b.

Heber 10:29

Tà á lɔɔn ńgwɔ́ pú’u, mbà pi kwǎŋ gí ngie ngʉ̀ngʉ̀ gie á ne ńzɛ́te ngie mé zába twó nyìŋ gẅie à lɔgɔ́ míŋ Ssé ńtóŋ sɛ̌ shúm e ge lá’ ńgwá’a la? Mé gɔɔn nyìŋ gẅie à gwagá nò metse mie e Ssé lɔgɔ ńgwaa *kʉ̀a, é gwɔ́ mie mé la lɔg ńgÿo á cʉ́’ʉ nyìŋ Ssé, á nyìŋ gẅie à zoonté Zẅìge Ndʉalʉ̌a gie á gÿo pege zsé pá’ ntʉ́m Ssé poŋo nzèm pege pú’u.

1 Jâŋ 2:19

Megàŋ mbù fǒ pɔ́ tsɛ̀ɛ cú’tè yégè ńkẅɛ ńgʉa. Pɔ́ ka zɔ̌ɔn tè pʉ̀a pégè wɔ́. Pɔ́ kaa pé’è ńgwɔ́ pʉ̀a pege, mbà pɔ́ ka zso tsetsɛ̀ɛ pege. Tá’, á ka kě ḿboŋ ngie à kẅɛ pɔ́ pú’u, ná pɔ́b, áwɔ̌wɔ́ɔ gyá ngie pɔ́ ka tè pʉ̀a pege wɔ́,

Ŋwà’ne Ngyà jʉ’ 2:10

Áa nénʉ́ ngie pi ge gyá ngɔ́’, tá’, tà pi ké ḿbɔ́g. Pi zsé ngie Sátà ge ma’ tsɔ́ pʉ̀a pí ndá tsǎŋ lélɔg ńdʉŋte gẅi ńgyá. Pi gyá ngʉ̀ngʉ̀ gyǎ é lyɛ̌’ lá’ legém. Pi ké ńzsé pɔ́ ndà’ wɔ̀ɔn, tà mbɔɔ pá’ mé lɔɔn ńne ńzẅéte gẅi ńtí pú’u. Mèŋ n ge lá’ tɔ’ ngú’ gi, á gwɔ́ pá’ pi ge lá’a gwɔ́ pɔ́ wó.

Ŋwà’ne Ngyà jʉ’ 2:13

Mèŋ n ne ńzsé jʉ’ gie pi ńnéŋe wó. Alʉ̀ŋe lefùɔ Sátà tyé jʉ’ó tá’, n ké ńne ńzsé ngie pi cwoŋó ńcʉŋe pɔ́ ná mèŋ. Pi laa nyé lézáb ntʉ́m ná mèŋ wɔ́, tà mbɔɔ ná melyɛ̌’ mie mé la zẅé Antipas á mbʉ̀a pi, á nà jʉ’ gie Sátà ńnéŋe wó. Antipas laa nyìŋ ńgɔɔn yé pɔ́ ndà’ nò gie à zsě ná mèŋ.