Malékuse 4:11 - Nouveau Testament en Ngienboum

¹¹ Á gɔɔn mbwo pɔ́b ngie: E Ssé lá gÿo ngie pi pɛ̂ zɔ zsé nò nénʉ́ nà lefùɔ sé gie áa lelyěen. Tá á gʉa ná petsɔ́ pʉ̀a pie pɔ́ té nà gí nùɔ wɔ́, pɔ́ jú’ yɔ́b pɔ́ ndà’ ngie mé lɔg sagá nò ńgɔɔn nò.

Malékuse 4:11 ပူးပေါင်းရင်းမြစ်များ

Matio 11:25

Yěsô gÿo ńgɔɔn ngie: Tá wɔ̀ɔn, Cʉ̀apʉ̀a, gù gẅie ɔ̀ sá’a tÿǒ lepwó mbɔɔ tsetsá’, mèŋ sǐe gú pá’ ɔ̀ keen ńnyɛ mɔɔn menò á mbwó mecʉ̀cʉ̀ŋ, ńdÿoon mbwó mengye pâ pʉ̀a pie é la zí’i.

Matio 13:16

Tá á gʉa ná pi, mbà pi ee pàshÿó mbòŋo, á nue nÿɔ́g mí ne ńgyá jʉ’, metuŋó mí ne ńjú’u jʉ’.

Matio 16:17

Yěsô leen ńké ńgɔɔn né yé ngie: Símo míŋ Jâŋ, ɔ́ɔ shÿó mbòŋo, á nue nyìŋ mesoŋ zɔ kaa gÿo, tá ɔ̀ zsé yɔɔn nò nénʉ́ wɔ́. Tá wɔ̀ɔn gẅie aa tÿǒ lepwó zɔ nyɛ̌ gú.

Malékuse 3:23

Yěsô tóŋo wɔ́b pɔ́ tó, á saga mbwo pɔ́b ngie: Tà áa nénʉ́ ngie à lɔɔn ńgwɔ́ Sátà sele ńjwoŋo twó mbùm yé lá?

Malékuse 4:10

Alá’ gÿo ńgʉa, pʉ̀a pie pɔ́ la zɔɔn ńgwɔ́ lejʉ́ŋ Yěsô pâ *ngàŋa kwò yé ntsɔ̀b pʉ́a nê legém cʉ́’ nzèm, ńzɛ́te yé ngie à kyagte *mesagá nò éshwóŋó wɔ́b.

Malékuse 4:2

Á la lɔg *sagá nò ńzí’i wɔ́b menò tà é gyɔ́ɔn gyɔ̌ɔn, ńne ńzí’i wɔ́b ńgɔɔn ngie:

Lukase 8:10

Á gɔɔn mbwo pɔ́b ngie: E Ssé la gÿo ngie pi pɛ zɔ zsé nò nénʉ́ nà lefùɔ sé sie ée lelyěen. Tá á gʉa ná petsɔ́ pʉ̀a pɔ́ jú’ yɔ́b pɔ́ ndà’ sag legʉa, ńké tè jú’u mmó gie mé lɔgɔ ńgɔɔn wɔ́. Á lɔgɔ ḿbumte ná pá’ mé la ŋwe’e tsɛ̀ɛ ŋwà’ne Ssé ngie: «Pɔ́ ge ne líe jʉ’ pɔ́ le gyá, é ne jú’u, pɔ́ le jú’ tà ńjú’ wɔ́»

1 Korento 4:7

Akɔ́ zɔɔn ńgÿo ɔ̀ kwaŋ ngie ɔ̀ cʉ́a petsɔ́ pʉ̀a? Ɔ̀ gẅiin kɔ́ tà á té gwɔ́ pɔ́ gie e Ssé la ná né gù wɔ́? À lɔɔn ńgwɔ́ gie e Ssé la ná né gù nǎ, mbà ɔ̀ piŋe ńdɔgɔ ńŋá’te pɔ́ pá’ fʉ̀’ gie e Ssé la tè ná né gù nǎ wɔ́ mélà’a kɔ́?

2 Korento 4:6

á nue e Ssé gẅie à la gɔɔn ngie: «Á poŋ ngie akyɛ̀’ kyɛ’ nzěm», yé lê twó yé kéen ńtó ńkyɛ’ɛ tsɛ̀ɛ mentʉ́m még, légÿo peg zsé pá’ shʉ́shÿɔ́g we aa pú’u, á shʉ́shÿɔ́g gẅie mé ne ńgyá ná shÿó Kristo.

Efeso 1:9

Áa yɛ̌ tá pege zsé mmó gie à la záb, mbà á la zɔɔn ńgwɔ́ pɔ́ lelyěen. Yɛ̌ mmó gwɔ́ gie à la tʉ́ njÿó, á poŋo yé poŋ, á záb ngie à ge lá’ lɔgɔ Kristo é gÿo à pumte,

Kolosia 4:5

Á gʉa ná pʉ̀a pie é té pʉ̀a Kristo wɔ́, pi zsé ntí gie pi ge lɔg ńnéŋe tsetsɛ̀ɛ pɔ́b. E Ssé ná shʉa létsẅi Nkʉ̀ Mbòŋo mbwo pɔ́b, tà pi cʉ́’ yɛ̌ fʉ̀’ tɔ́g.

1 Tesalonika 4:12

ńzsé ngie pʉ̀a pie é té pʉ̀a Kristo wɔ́, ge gyá pú’u, é gɔ’te gi ntí leńnéŋe. Pi piŋ ńké le cʉ́’ʉ pì’ mbwo tsɔ́ nyìŋ wɔ́.

1 Timote 3:7

Á gíŋe ńne ńzɛ́te ngie à gwɔ́ nyìŋ gẅie pʉ̀a pie é té pʉ̀a Kristo wɔ́ é kíme yé pɔ́ mboŋó. Pú’u, etsɔ́ menò mé mie ńgwɔ́ mé kem é le gwɔ́ wó wɔ́, Sátà le ku’u lélʉ’ lekÿo tà ńdɔg ńgwoon yé wɔ́.

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.