Malékuse 3:35 - Nouveau Testament en Ngienboum

³⁵ Pi zsé ngie nyìŋ lɔɔn ńgÿo mmó gie Ssé ne ńkwoŋo, mbà ngàŋ aa má wɔ̀ɔn, mbà aa fɛ́ wɔ̀ɔn, we mámbàŋa mbɔɔ we manzwě.

Malékuse 3:35 ပူးပေါင်းရင်းမြစ်များ

Matio 7:21

Á gʉa ná pʉ̀a pie é tóŋo wɔ̀ɔn lê Cʉ̀apʉ̀a, pɔ́ metsèm zɔ̌ té lá’ jÿó pì *lefùɔ Ssé wɔ́. Ndà’ pʉ̀a pie é gÿo mmó gie Tá wɔ̀ɔn gẅie aa tÿǒ lepwó ne ńkwoŋo ngie mé gÿo.

Ŋwà’ne Jâŋ 7:17

Nyìŋ lɔɔn ne ńkwoŋo légÿo mmó gie Ssé ne ńkwoŋo, mbà ngàŋ ge zsé, ka mmó gie mèŋ n zí’i pʉ̀a fóo pɔ́ mbwo Ssé wɔ́, ka á gwɔ́ pɔ́ yɔ́ɔn shwóŋè wɔ́.

Efeso 6:6

Pi pɔ́ɔn légÿo pú’u, pɔ́ ndà’ fʉ̀’ gie pɔ́ tyé nzèm pi. Pá’ fʉ̀’ gie pi gÿo pɔ́ mmó gie á ge poŋ pʉ̀a mesoŋ la. Pi fa’ pɔ́ pá’ menkwɔɔn Kristo pie pɔ́ ne gÿo mmó gie Ssé ne ńkwoŋo lê ngwòŋ ntʉ́m wɔ́b ntsèm.

Heber 10:36

Á zɔɔn ńne ńzɛ́te ngie pi ké ńkag pɔ́ tʉ̀, ńzsé ngie pi ge ne gÿo pɔ́ mmó gie e Ssé ne ńkwoŋo, à fó pú’u, pi gẅiin mmó gie à la ka’a lé náa mbwo pi.

Ŋwà’ne Jâg 1:25

Tá nyìŋ gẅie à nyɛte ńtuu nò á ná *lepʉ̌ sie tsɔ́ mmó té mǒ zág, ésie é gÿo nyìŋ gwɔ́ ndù nnɛ́, ńzáb ntʉ́m wé mǒ té kʉ́a tà à tè gwɔ́ pɔ́ jù’u ńdege wɔ́, ńgwɔ́ jù’u ńgÿo, mbà à ge gwɔ́ shÿó mbòŋo ná kɔ̀ɔkɔ́ɔ gie à gÿo.

1 Piɛ 4:2

Pú’u la, pi gʉa nà melyɛ’ɛ́ lá’ mie pi nyě ńgẅiin ndùmo ssé tsetsá’, ńgÿo pɔ́ mmó gie Ssé ne ńkwoŋo, tà pi gÿo mmó gie mbùm nyìŋ zɔ tsóte yé á gÿo.

1 Jâŋ 2:17

Njÿó zɔɔn ńgwɔ́ ssé ne ńcʉa cʉa, tà mbɔɔ shúm sie pʉ̀a mesoŋ ne ńgyá tsɛ̀ɛ njÿó ńtsɔ́ɔn légẅiin. Tá nyìŋ gẅie à gÿo mmó gie Ssé ne ńkwoŋo, à ge gwɔ́ pɔ́ wó fʉ̀’ ntsèm.