Malékuse 3:18 - Nouveau Testament en Ngienboum

¹⁸ Yěsô gíŋe ńtsɔ́’ɔ Ndeléya, pɔ́ Filib, ńgÿo Patelemî nê Matio, pɔ́ Tomáse, ńgÿo Jâg míŋ Alfe, ńgÿo Tadé nê Símo mûɔ ngwòŋ,

Malékuse 3:18 ပူးပေါင်းရင်းမြစ်များ

Matio 13:55

À tè gwɔ́ pɔ́ míŋ kápíndɔ́ɔn wɔ́ lê? Lezíŋ má we té lê Malîɛ wɔ́ lê? À tè fɛ́ Jâg, lê Yesyɛ̂b, mbɔɔ Símo lê Jẅide wɔ́ lê?

Matio 9:9

Yěsô fó jʉ’ó ńgʉa, ńgwaa cʉa jʉ’ gie mé kẅé ncùb pà *Roma wó, atsɔ̌ nyìŋ ńnéŋe, lezíŋ sé gwɔ́ lê Matio. Yěsô gɔɔn né yé ngie: Tóo pɔ́gɔ zɔ cʉ́’ʉ ńgiŋe. Á lu ssé, ńcʉ́me nzèm yé.

Malékuse 2:14

Á ne ńgiŋe, ńgyá Lěvi míŋ Alfe, á ńnéŋe jʉ’ gie mé kẅé ncùb pà *Roma wó. Yěsô gɔɔn né yé ngie: Tóo pɔgɔ zɔ cʉ́’ʉ ńgiŋe. Lěvi lu ssé ńcʉ́me nzèm yé.

Malékuse 3:17

wɔɔn gwɔ́ Jâg pɔ́ fɛ́ we Jâŋ, é gwɔ́ gubé zebede. Yěsô tsẅi lezíŋ sɔ́b lé Mboanergès, é lɔgɔ ńgɔɔn ngie, epúɔ lefàŋ sie é vɛ́te.

Malékuse 3:19

ḿbiŋ ńgÿo Jẅidas Iskariod gẅie à la táa sẅiŋe Yěsô.

Malékuse 6:3

À tè kápíndɔ́ɔn, ńgwɔ́ míŋ Malîɛ wâ? Ńgwɔ́ fɛ́ pà Jâg, ńgÿo Joses, ńgÿo Jẅide mbɔɔ Símo wâ? Mefɛ́ pé pe pànzwě té gwɔ́ pɔ́ lá’ pege wɔɔn wɔ́ le? Pɔ́ gɔɔn pá’ɔɔn, ńdʉ’ʉ lé jú’u nò yé.

Ŋwà’ne Jâŋ 1:40

Á la gʉa ná pʉ̀a mépʉ́a pie pɔ́ la jú’u shwóŋè Jâŋ, ńcʉ́me nzèm Yěsô la, lezíŋ tsɔ̌ tà’ nyìŋ láa le Ndeléya, á gwɔ́ fɛ́ Símo Piɛ.

Ŋwà’ne Jâŋ 11:16

Tomáse gẅie mé lɔ́ɔn ńgíŋe ńtóŋo yé le mélefág, gɔɔn mbwo yetsɔ́ *ngàŋa kwò Yěsô ngie: Pi tó pega pɔ́ gʉa, ḿbúte ńkwé.

Ŋwà’ne Jâŋ 14:22

Jẅide, mé ké tě ńgɔɔn Iskariod wɔ́, gɔɔn né Yěsô ngie: Andè, á ge gwɔ́ lêkɔ́ tá ɔ̀ gÿo peg ndà’ zɔ gyá gú, epʉ̀a metsèm le gyá gú wɔ́?

Ŋwà’ne Jâŋ 21:2

Etsɔ́ *ngàŋa kwò Yěsô la pú ńcú’te tà’a jʉ’. Wɔɔn laa Símo Piɛ, né Tomáse mélefág, ńgÿo Natanaye mûɔ Kána tsɛ̀ɛ pàga ngwòŋ Galilea, nê pènkʉ́ Zebede, mbɔɔ yetsɔ́ *ngàŋa kwò Yěsô yépʉ́a.

Megàŋ ntúm 1:13

Pɔ́ kúu Yerósalem, ńkwɔ́’ɔ ná ndêg we tÿǒ, ńkúu tsɛ̀ɛ lûm ndá gẅie pɔ́ lɔ́ɔn ńcú’te wó. Wɔɔn laa Piɛ, ńgÿo Jâŋ pɔ́ Jâg, ńgÿo Ndeléya. Wɔɔn gwɔ́ Filib, ńgÿo Tomáse, pɔ́ Patelemî mbɔɔ Matio. Wɔɔn gwɔ́ Jâg míŋ Alfe, ńgÿo Símo gẅie mé lɔ́ɔn ńtóŋo yé le mûɔ ngwòŋ, pɔ́ Jẅide míŋ Jâg.

Megàŋ ntúm 15:13

Pɔ́ píte tà ńtsẅé jʉ’, Jâg gɔɔn yé ngie: Mefɛ́ pɔ́ɔn, pi zẅí’te nò gie mèŋ n gee ngɔ̌ɔn.

Megàŋ ntúm 21:18

Njÿó gÿo ńdʉa, pega Pɔl gʉa mbʉ̀a Jâg, ńkúu wó pàkẅé mvfò tsɛ̀ɛ cú’tè pʉ̀a Kristo ye Yerósalem pú ńtó yɔ́b.

1 Korento 15:7

À la gÿo ḿbɔ́ɔnte ńnyɛ mbùm ye mbwo Jâg ńgíŋe ńnyɛɛ mbwo megàŋ ntúm métsèm.

1 Korento 9:5

Mbɔɔ wɛ̌ nyìŋ wɔ́ ná peg tè gẅiin yé légwɔ giŋ, pɔ́ tsɔ̌ fɛ́ wege nyìŋ Kristo we manzwě gwɔ́, á gwɔ́ nzwě we wɔ́ ka? Á té pá’ Kéfas, laa petsɔ́ megàŋ ntúm, mbɔɔ mefɛ́ Cʉ̀apʉ̀a gÿo wáa?

Galatia 1:19

é té ndà’ yé wɔ́, mbà mèŋ n da tè gíŋ ńgyá tsɔ̌ ngàŋ ntúm Yěsô we ndyɛ̀’ɛ wɔ́, n da gíŋ ńgyá pɔ́ Jâg fɛ́ Cʉ̀apʉ̀a.

Galatia 2:9

Jâg, Piɛ mbɔɔ Jâŋ, é pʉ̀a pie mé lɔ́ɔn ńdíe wɔ́b pá’ mentóon tsɛ̀ɛ cú’tè pʉ̀a Kristo la, la gwɔ́ tà ńzsé ngie e Ssé la kwa’ ńcʉ́me yɔɔn fà’ mbwo mèŋ, ńnáa pwó né peg Panebâse, lélɔg ńda’te ngie pega pɔ̌ ee tà’ ncwò nà fà’a Ssé. Pú’u, peg gẅiin légʉa tsetsɛ̀ɛ pʉ̀a pie é té pà Yuda wɔ́, ńtsẅi nkʉ̀ mbòŋo, pɔ́b yɔ́b pâ Piɛ gẅiin légʉa tsetsɛ̀ɛ pà Yuda ńtsẅi.

Ŋwà’ne Jâg 1:1

Àa mèŋ Jâg, mèŋ fa’a fà’ Ssé, mbɔɔ ye Cʉ̀apʉ̀a Yěsô Kristo. Mèŋ n náa yɔɔn ŋwà’ne á mbwo pi púɔ Ssé pie ée nà mengẅɛ̀ ndá pà Israel ntsɔ̀b pʉ́a nê legém, mbà pɔ́ léen sa jʉ’ ntsèm tsɛ̀ɛ mengwòŋ. Mèŋ n tsyɛ’té gẅí.

Jẅide 1:1

Àa mèŋ Jẅide, nyìŋ gẅie à fa’a fà’a Yěsô Kristo, ńgwɔ́ fɛ́ Jâg. N túmo yɔɔn ŋwà’ne ńnáa mbwo pi pie Tá wege Ssé la tóŋo gẅí. À kwoŋo gẅi ńne ńtÿɔ́’te gẅi ńdɔgɔ ńzẅí’te Yěsô Kristo.