Malékuse 3:10 - Nouveau Testament en Ngienboum

¹⁰ Á gwaa gwɔ́, mbà à pǔ ńgÿo pʉ̀a tà ńgyɔ́ɔn sẅéte, tà pʉ̀a metsèm pie guɔ laa ná pɔ́b nɔ́ɔnte yé, ńzába pwó nà yé, mélà’mie à la ne gÿo pʉ̀a tà ńgyɔ́ɔn zeŋe.

Malékuse 3:10 ပူးပေါင်းရင်းမြစ်များ

Matio 12:15

Tá Yěsô gwɔ́ tà ńzsé, éfó jʉ’ó ńgʉa. Àlá’ cʉ́me nzèm yé tà ńgyɔ́ɔn. Á gÿo megàŋa guɔ ntsèm pie é laa tsɛ̀ɛ nùɔ lá’ zeŋe.

Matio 14:14

Á kúu jʉ’ó, éfó tsɛ̀ɛ kanú’ ńkẅɛ, ńgyá nùɔ lá’, mezìŋe mɔ́b kúu yé. Á zye légÿo megàŋa guɔ pie ée tsetsɛ̀ɛ pɔ́b zeŋe.

Matio 14:36

Esẅíŋte yé ngie à fó ńzẅíŋ, pɔ́ kíbe pɔ́ ndà’ tsɔ̌ɔn nzsǒ yé. Epʉ̀a metsèm pie pɔ́ la kíbe tsɔ̌ɔn nzsǒ ŋwɛ́ pú ńzeŋe.

Matio 4:23

Yěsô gÿo ne ńgwá ńgiŋe jʉ’ ntsèm tsɛ̀ɛ Galilea, ńzí’i pʉ̀a nò Ssé tsɛ̀ɛ *mendá cú’tè pà Yuda, ésá’a nkʉ̀ mbòŋo gẅie é shwóŋó pʉ̀a pá’ *lefùɔ Ssé ee pú’u, ńně ńgÿo nyìŋ gẅie à gẅiin pɔ́ yɛ̌ ntí guɔ wɔ́ ka yɛ̌ ntí *lɔ̌’ wɔ́, zeŋe

Malékuse 5:34

Yěsô gɔɔn né ye ngie: Míŋ wɔ̀ɔn, pá’ ɔ̀ zǎb ntʉ́m ná mèŋ la, ɔ̀ zeŋé, gʉa lê mbʉ́lè, aguɔ jú mǎg.

Malékuse 6:56

Á ne ńcʉa nzɔ̌ nzɔ̌ wɔ́, kà pɔ́ tÿǒsoŋ wɔ́, kà pɔ́ tsɛ̀ɛ mbʉ̀a wɔ́, mé ne ńkate meguɔ ńdɔgɔ ńtóo, ńnuŋte jʉ’ gie à ge cʉa wó, ésẅíŋte yé ngie à fó ńzẅíŋ pɔ́ kíbe pɔ́ ndà’ tsɔ́ɔn nzsǒ yé. Epʉ̀a pie pɔ́ kibé tsɔ́ɔn nzsǒ ŋwɛ́, pú ńzeŋe métsèm.

Malékuse 8:22

Yěsô pâ *ngàŋa kwò yé la kúu Mbetsayida, mé lɔgɔ tsɔ̌ fʉ̀ menÿɔ́g ńtó, ésẅíŋte yé ngie à záb mbwó mé ná yé à zeŋe.

Lukase 5:3

Yěsô kúu tsɛ̀ɛ tsɔ́, á gwɔ́ ye Símo, ésẅíŋte yé ngie à ná’a ńdɔgɔ yé ńgʉa né tsɛ̀ɛ ntse. Á zẅíŋ, Yěsô sẅɛ́’ ńnéŋe tsɛ̀ɛ kanú’, ńzye léla’te nò Ssé mbwo lá’.

Lukase 6:19

Mânyìŋ ntsèm la ne fa’a lézába pwó ná yé, mélà’mie metʉ̀ la ne fóo ná yé, ńzoŋo wɔ́b metsèm.

Lukase 7:2

Tsɔ̌ Tá ndá pà lÿɔ́’ ncù nkÿo we pà *Roma gwɔ́ tÿǒsoŋ ŋwɛ́, ńgẅiin ménkʉ́ we, ḿbú ńkwoŋo yé tɛ’. Ménkʉ́ we ŋwɛ́ gwɔ́, mbà à gwě guɔ, ńcʉ́’ʉ ńkwé kwě.

Lukase 7:21

Á la gwaa gwɔ́, Yěsô ne ńzoŋo meguɔ tà ńgyɔ́ɔn, ńně siŋte *melɔ̌’ ntí ntí, ńně ńjwoŋo *messé tepòŋ mie é pue pʉ̀a, ńně ńgÿo pafʉ̀ menÿɔ́g gyá jʉ’.

Megàŋ ntúm 5:15

Mé la gɔ̀’te nò yɔ́b gɔ́’te tà mé lɔg mekǔ lâ mematá ńkaa meguɔ nùŋe wɔ́b mengʉ̀ŋe nzsé légwɔ́ gie Piɛ à ge gwaa cʉa, jʉjʉ́ŋ wé tè téme nà tsɔ̌ wɔ́, à teme nà tsɔ̌.

Heber 12:6

Á nue Cʉ̀apʉ̀a kag pɔ́ nyìŋ gẅie yé Cʉ̀apʉ̀a ne ńkwoŋo yé Á lɔgɔ tsemé mmó ńcúa wɔ̌wɔ́ɔ gwie yé Ssé zsě ngie aa míŋ we.