Malékuse 2:5 - Nouveau Testament en Ngienboum

⁵ Yěsô gyá ntí gie mbàŋa ŋwɛ́ lɔ̌g ńzáb ntʉ́m ná yé, ńgɔɔn né ngàŋa kwʉ́’te ngie: Míŋ wɔ̀ɔn, mé legé menò tepòŋ mú ńnáa mbwo gù.

Malékuse 2:5 ပူးပေါင်းရင်းမြစ်များ

Matio 9:2

ńkúu wó, mé lɔgɔ tsɔ̌ ngàŋa kwʉ́’te ńtó, á nuŋe ná páŋte. Yěsô gyá ntí gie, mbàŋa gie é lɔgɔ́ yé ńtó, lɔg ńzab ntʉ́m ná yé, ńgɔɔn né ngàŋa kwʉ́’te ngie: Míŋ wɔ̀ɔn ɔ́ɔ shÿó mbòŋo! Mé legé menò tepòŋ mú ńnáa mbwó gù.

Matio 9:22

Yěsô sele nnɛ́, ńgyá yé, ńgɔɔn né yé ngie: Míŋ wɔ̀ɔn, ɔ́ɔ shÿó mbòŋo, ntí gie ɔ̀ lɔ̌g ńzáb ntʉ́m gú ná mèŋ lɛ̂, gÿǒ ɔ̀ zeŋe. Á gwóon ńzeŋe pɔ́ fʉ̀’ó fʉ̀’ó.

Matio 9:5

Pi gyǎ ngie á zeŋe pɔ́ légɔɔn né nyìŋ ngie: Mé legé menò tepòŋ mú, ka pɔ́ légɔɔn ngie lu ssé ńgiŋ?

Malékuse 2:6

Etsɔ́ *pàkyàgte lepʉ̌ Mǒsê gwɔ́ jʉ’ó, ńjú’, ńkwaŋte lóŋ pɔ́b ngie:

Malékuse 5:34

Yěsô gɔɔn né ye ngie: Míŋ wɔ̀ɔn, pá’ ɔ̀ zǎb ntʉ́m ná mèŋ la, ɔ̀ zeŋé, gʉa lê mbʉ́lè, aguɔ jú mǎg.

Lukase 5:20

Yěsô gyá ntí gie pʉ̀a pɔɔn lɔ̌g ńzáb ntʉ́m ná yé, ńgɔɔn né ngùɔ ngie: Ashǔ wɔ̀ɔn, mé legé menò tepòŋ mú ńnáa mbwo ɔ̀.

Lukase 8:48

Yěsô gɔɔn né yé ngie míŋ wɔɔn, ntí gie ɔ̀ lɔ̌g ńzáb ntʉ́m ná mèŋ gÿǒ ɔ̀ tsẅɛ́, gʉa né mbʉ́lè,

Ŋwà’ne Jâŋ 2:25

À la tè ne ńtsɔ́ɔn ngie mé kyagte kyagte éshwóŋó yé wɔ́. Kwà’ yé lê twó yé à zsé mmó gie áa tsɛ̀ɛ ntʉ́m nyìŋ mesoŋ.

Ŋwà’ne Jâŋ 5:14

Yěsô gÿo ńgyá yé tsɛ̀ɛ *jʉ’ʉ Ssé, ńgɔɔn né yé ngie: Ɔ̀ kě ńzeŋe mboŋó, tè lá’ ńgíŋ ńgÿo nò tepòŋ ḿbɔ́gɔ tsɔ̌ ngɔ́’ légíŋe ńkúu gú, tà ńtɔ́g gie ɔ̀ kà zɔɔn ńgwɔ́ tsoló.

Megàŋ ntúm 11:23

Á gʉa tà ńkúu wó, ńgyá yé pá’ Ssé ne ńdíe pʉ̀a pie pɔ́ zǎb ntʉ́m ná yé pú’u, ànò poŋo yé tɛ’. Á kẅiŋte wɔ́b métsèm, ngie pɔ́ ké ńzsé pɔ́ ndà’ Cʉ̀apʉ̀a, ḿbiŋ ńcʉŋe pɔ́ ná yé.

Megàŋ ntúm 14:9

Á gwɔ́ tsɔ́ lyɛ̌’, ńne ńzẅí’te shwóŋè gie Pɔl ne ńgɔɔn. Pɔl líe yé, ńgyá á ne ńzába ntʉ́m nà Ssé tà ńgwɔ́ gie à lɔɔn ńgwɔ́ Ssé gÿo á sẅéte.

Megàŋ ntúm 5:31

E Ssé ka gÿo á kwɔ́’, á ńnéŋe yé nà gwòŋo pwò yé ye tʉ̀, pú’u, ńdɔgɔ yé ńgÿo fùɔ, ńgíŋe ńdɔgɔ yé ńgÿo *Nzà’nkÿo. E Ssé ka gÿo pú’u, le gwɔ́ gie pʉ̀a Israel ge kúbe mà wɔ́b, à lege menò tepòŋ mɔ́b.

1 Korento 11:30

Áa mmó gie á gÿó tá pʉ̀a tà ńgyɔ́ɔn gwɔ́ tsetsɛ̀ɛ pi, ńgwɔ́ mé guɔ. Petsɔ́ gwɔ́ menkǒon, mbà petsɔ̌ léen ńkwéte.

2 Korento 2:10

Pi lɔɔn ńdege mefʉa nyìŋ, ńnáa mbwo yé, mbà mèŋ n degé yɔ́ɔn ńnáa mbwo ngàŋ, ńgwɔ́ gie n dɔɔn ńgẅiin lélege mefʉa nyìŋ, ńdege, mbà mèŋ n tyé mvfò Kristo ńdege pɔ́ lélɔg ńkẅéte gẅí,

Efeso 2:8

À la cÿó gʉm gí, ńgÿo pi tsẅɛ́, éfóo ná pá’ pi la záb ntʉ́m ná Yěsô. Á té fóo né pi wɔ́, à la lɔg pɔ́ pòŋo ntʉ́m yé ńgÿo.

Kolosia 3:13

Pi gẅiin shÿɔ̀gɔ ntʉ́m tsetsɛ̀ɛ pi, nyìŋ gẅi fʉa nò pi lege ńnáa mbwo ye, ńdege mefʉa mí tsetsɛ̀ɛ pi né pi, pá’ Cʉ̀apʉ̀a wege la lege mefʉa mí gí la.

Ŋwà’ne Jâg 5:15

Asẅíŋte gie mé gwaa gÿo, ńzáb ntʉ́m nà Ssé, à gÿo, à zeŋe. Cʉ̀apʉ̀a pʉ’ʉ yé, ńgwɔ́ gie à ka fǒ ńgÿo pɔ́ nò tepòŋ, mbà Ssé ge lege menò tepòŋ mé náa mbwo yé.