Malékuse 2:28 - Nouveau Testament en Ngienboum

²⁸ Áa pú’u, tá *Míŋ Nyìŋ zɔ zɔɔn ńgẅiin légɔɔn mmó gie à lɔɔn ńgwɔ́ mé gÿo tà mbɔɔ ná *lyɛ’ɛ́ nzsè pà Yuda.

Malékuse 2:28 ပူးပေါင်းရင်းမြစ်များ

Matio 12:8

Yěsô gíŋe ńgɔɔn né pɔ́b ngie: *Míŋ Nyìŋ zɔ zɔɔn ńgẅiin légɔɔn mmó gie à lɔɔn ńgwɔ́ mé gÿo nà lyɛ’ɛ́ nzse pa Yuda.

Malékuse 2:27

Yěsô gíŋe ńgɔɔn né pɔ́b ngie: E Ssé la gÿo lyɛ’ɛ́ nzsè ńnáa mbwo nyìŋ mesoŋ, à lɔ̌ɔn tě ńgÿo nyìŋ mesoŋ ńnáa mbwo lyɛ’ɛ́ nzsè wɔ́.

Malékuse 3:1

Yěsô gÿo ńgíŋe ńgʉa tsɛ̀ɛ tsɔ́ *ndá cú’tè pà Yuda, atsɔ̌ nyìŋ gwɔ́ yé ndá ŋwɛ́, mbà pwó yé léen ńkwé.

Malékuse 3:4

ńdeen ńké ńgɔɔn mbwo pʉ̀a ŋwɛ́ ngie: *Lepʉ̌ ségè ée pé’e ńtsẅi ngie mé gÿo kɔ́ lyɛ’ɛ́ nzsè? Ńgie mé gÿo nò mbòŋo kà nò tepòŋ? Ńgie mé gÿo nyìŋ tsẅɛ́ kà pɔ́ ngie mé zẅé yé? Tsoon nyìŋ wɔ́b tè tsɔ́b.

Lukase 6:5

Yěsô fó mǒ, ńdêen ńké ńgɔɔn né pɔ́b ngie: *Míŋ Nyìŋ zɔ zɔɔn ńgẅiin légɔɔn mmó gie à lɔɔn ńgwɔ́ mé gÿo nà lyɛ̌’ɛ nzsé pà Yuda.

Ŋwà’ne Jâŋ 5:17

Yěsô tsɔ́’ɔ mbwo pɔ́b ngie: Tá wɔ̀ɔn nyě fa’a pɔ́ fà’ tà ńkú fʉ̀’ɔɔn, mbɔɔ mèŋ yɔ́ɔn mèŋ n giŋé ne fa’a pɔ́ fà’.

Ŋwà’ne Jâŋ 9:14

Ńgwaa gwɔ́ pú’u, mbà Yěsô ně ńgwaa tyɛ́bte tsetsá’, é lɔg gÿo menÿɔ́g nyìŋ ŋwɛ́ nyɛ́’ɛ, á gwɔ́ *lyɛ’ɛ́ nzsè pà Yuda.

Ŋwà’ne Jâŋ 9:16

Etsɔ́ ntá’ pà *farisay gɔɔn ngie, nyìŋ gẅie à gÿǒ yɛ̂ nò, e Ssé zɔ ka tè yé túm, á nue á kɔ’ɔ lyɛ’ɛ́ nzsè. Petsɔ́ pʉ̀a pɔ́b gɔɔn ngie, ńgwɔ́ nyìŋ tepòŋ gǎ tá ńgÿo yɛ̂ ntí menò mmɔɔn mmɔɔn? Afàgte leen ńké ńgwe tsetsɛ̀ɛ pɔ́b.

Efeso 1:22

E Ssé léen ńnéŋ shúm ntsèm á mbwo yé. E Ssé la gwɔ́ tà ńnéŋe kɔ̀ɔkɔ́ɔ nà mbwo mé, ńgÿo á gwɔ́ mbwo cú’tè pʉ̀a Ssé, ńgwɔ́ twó, légwɔ́ gie pʉ̀a cú’tè ge ne jú’u ncwò yé.

Ŋwà’ne Ngyà jʉ’ 1:10

Á gÿo ńgwɔ́ lyɛ’ɛ́ lá’ Cʉ̀apʉ̀a, a Zẅìge Ssé jʉʉ wɔ̀ɔn. N jú’ tsɔ̌ ngyè tetʉ́ʉ gwɔ́ nzèm mèŋ, ńne ńcʉ́me pá’ ngyè ntàŋ la,