Malékuse 2:20 - Nouveau Testament en Ngienboum

²⁰ Tá’, mé ge lá’ fó mbwo pɔ́b tsɔ́ lyɛ̌’, ésa’a yé, pɔ́ leen ńké ńnéŋe nzyè fʉ̀’ó.

Malékuse 2:20 ပူးပေါင်းရင်းမြစ်များ

Matio 26:31

Pɔ́ ne ńgee, Yěsô gɔɔn né pɔ́b ngie: Á ge gÿo gwɔ́ letsẅɛ́’ lyɛ̌’ yɔɔn, pi metsèm pú ńgwá’a wɔ̀ɔn ńkÿo, á pumte pá’ mé la ŋwe’e tsɛ̀ɛ ŋwà’ne Ssé ngie: «Mèŋ n ge lá’ zẅé mbyɛ̀b mvfó, *menjʉ̀njÿò mé saa tsẅɛ».

Matio 9:15

Yěsô tsɔ́’ɔ mbwó pɔ́b ngie: Tà à lɔɔn ńgwɔ́ mé gʉa leluŋó nyìŋ, á nyé ńnéŋe ńnéŋe meshǔ pie mé ně ńtóŋ ńnéŋe tsɛ̀ɛ lemÿɔg mélà’a kɔ́? Tá’ mé ge lá’ fó mbwó pɔ́b tsɔ́ lyɛ̌’ sa’a yé, pɔ́ leen ńké ńnéŋe nzyè fʉ̀’ó la.

Malékuse 2:19

Yěsô tsɔ́’ɔ mbwo pɔ́b ngie: Tà à lɔɔn ńgwɔ́ mé gʉa ńzíŋ leluŋó nyìŋ, á nyé ńnéŋe ńnéŋe, pʉ̀a pie mé ně ńtóŋ ńnéŋe nzyè lêkɔ́? Pâ pɔ̌ lɔɔn ńnyé ńnéŋe ńnéŋe, mbà pɔ́ ge ké pfɛ́ pɔ́ mmó.

Malékuse 2:21

À lɔɔn ńgwɔ́ nyìŋ le lɔgɔ mmó nzsǒ sẅé, ńdɔg ńtsɛ́ lepÿé ná nzẅìŋe nzsǒ wɔ́. Nyìŋ gÿo pú’u, mbà mmó nzsǒ sẅé ge kẅi’i shʉa nzsǒ, lepÿé pú fáŋ.

Lukase 17:22

Yěsô gíŋe ńgɔɔn mbwo *ngàŋa kwò yé gílé pɔ́b ngie: Atsɔ́ fʉ̀’ ge gÿo gwɔ́ pi tsɔ́ɔn pá’ pi lâ *Míŋ Nyìŋ ge fó gíŋe zɔ́g pɔ́ ndà’ tà’a lyɛ̌’, pi ké le gyá.

Lukase 5:35

Tá’, mé ge lá’ fó mbwo pɔ́b tsɔ́ lyɛ̌’ sa’a yé, pɔ́ lêen ńké ńnéŋe nzyè fʉ̀’ó la.

Ŋwà’ne Jâŋ 12:8

Mepóŋ ge gwɔ́ tsetsɛ̀ɛ pi pɔ́ fʉ̀’ ntsèm. Tá ńgʉa ná mèŋ, mbà pege tě ge gwɔ́ pɔ́ fʉ̀’ ntsèm wɔ́.

Ŋwà’ne Jâŋ 13:33

Pènkʉ́ pɔ́ɔn, pege tè gíŋe ńnéŋe tà ntyě sag wɔ́. Pi ge gÿo ne gwá fa’a wɔ̀ɔn pá’ mèŋ n ka gɔɔn mbwo pà Yuda ngie: Ajʉ’ gie mèŋ n gee nê wó, pi tè ku’u létóo wó wɔ́. Mèŋ n giŋé ńgɔɔn yɛ̌ nò mbwo pi fʉ̀’ɔɔn.

Ŋwà’ne Jâŋ 16:28

Mèŋ n da fóo mbwo Tá wɔ̀ɔn, ńtóo tsɛ̀ɛ njÿó, mèŋ m biŋ ńgwɔ́ fʉ̀’ɔɔn ńne fóo tsɛ̀ɛ njÿó ńgee ne ńtsɛ́ Tá wɔ̀ɔn.

Ŋwà’ne Jâŋ 16:7

Tá mèŋ n ké ne shwóŋó gẅi pá’ɔɔn pɔ́ nò nénʉ́, ngie áa nò mbòŋo mbwo pi ngie n gʉa. Á nue mèŋ n dɔɔn tè gʉa, mbà Ntàg Nzèm gẅi tè tó tsɛ́ɛ gẅi wɔ́. Tá mèŋ n ke ńgwɔ́ tà ńgʉa, mbà mèŋ n ge tó túmo yé ná né pi.

Ŋwà’ne Jâŋ 17:11

Áa nà fʉ̀’ɔɔn, á cʉ́’ʉ méjʉ’, ń de gíŋe ńgwɔ́ tsɛ̀ɛ njÿó wɔ́, á nue mèŋ n ge piŋ ne lejʉ́ŋ gù. Tá ńgʉa ná pɔ́b, mbà pɔ́ ké ńnyé ńgwɔ́ pɔ́ tsɛ̀ɛ njÿó. Tá wɔ̀ɔn ée ndà’ gú ńgwɔ́ Ssé, lɔg metʉ̀ mú, é metʉ̀ mie ɔ̀ la náa mbwo mèŋ la, ḿbyɛ́bɛ wɔ́b, ńzsé ngie pɔ́ ge gwɔ́ tà’ nyìŋ ndʉŋ ndʉŋ pá’ pɔgɔ ée tà’ nyìŋ la.

Ŋwà’ne Jâŋ 17:13

Áa nà fʉ̀’ɔɔn mèŋ n ne ńtóo né lejʉ́ŋ gù. Tá’ n kě ńtyé tsɛ̀ɛ njÿó ńgɔɔn yɔɔn shwóŋè légwɔ́ gie pɔ́ ge gẅiin wɔɔn lekág ntʉ́m pɔ́b, á kwà’ lekág.

Ŋwà’ne Jâŋ 3:29

Nyìŋ gẅie à zɔ́’ɔ manzwě zɔ aa ndǔm manzwě. Ashǔ ndǔm tyé lejʉ́ŋ ndǔm, á gɔɔn nò, á jú’ ngyè ye, anò poŋo yé tɛ’. Mèŋ n ne ńkága yɔ́ɔn pɔ́ pú’u, ḿbiŋe ńkága tà ḿmaga ntʉ́m wɔ̀ɔn.

Megàŋ ntúm 1:9

Yěsô la gɔɔn yɔɔn nò tà ńtsẅé jʉ’, pɔ́ tyé ńnyé ne ńdíe yé líe, á kwɔ́’ le tÿǒ. Tsɔ́ melɔ́ɔn pwoon yé, á pyéte menÿɔ́g pɔ́b.

Megàŋ ntúm 14:23

Pɔl pɔ́ Panebâse ne ńcʉa nzɔ̌ jʉ’ wɔ́, ńtsɔ́’ɔ pʉ̀a pie pɔ́ ge kẅé mvfò tsɛ̀ɛ yɛ̌ cú’tè pʉ̀a Kristo wó. Tà á ku’, pɔ́ kwoŋo kwoŋ, ńdʉ’ʉ shúm léjÿó, ésẅíŋte Cʉ̀apʉ̀a Ssé, ńdeen ńké ńcʉ́me wɔ́b mbwo Cʉ̀apʉ̀a gẅie pɔ́ zẅiŋé nò yé.

Megàŋ ntúm 3:21

Áa nà fʉ̀’ɔɔn Yěsô ké ńgẅiin pɔ́ léńnéŋe tÿǒ lépwó. Tà lá’ ku lyɛ̌’ gie e Ssé ge lá’ gÿo akɔ́ɔkɔ́ɔ sele ńcʉ́’ ńgwɔ́ pɔ́ ye sẅe. Pá’ à la lá’ ńdɔg ncwò kwà’ pà Ntsẅì nkʉ̀ pé ńgɔɔn tà ntyě sǎg.

1 Korento 7:5

Tà mámbàŋa lʉ’ʉ nò mbwo nzwé we, tà manzwě ké ńdʉ’ yé. À lɔɔn ngwɔ́ pi gÿo pú’u, pɔ́ ná mûɔ méfʉ̀’ gẅie pi lɔgɔ́ tà’ ncwò ńgyá ngie pi ge sẅíŋte Ssé, ésẅíŋte Ssé tà ńtsẅé jʉ’, pi gíŋe ńnéŋe tsɛ̀ɛ lɔ́ɔn ndá gí pá’ pi zɔɔn ńnéŋe, ḿbɔ́gɔ légwɔ́ gie à lɔɔn ńgwɔ́ Sátà lɔg pá’ pi kʉ́a légwoonte mbùm gí ńkwa’te gẅí,

2 Korento 11:2

Pi zsé ngie n kwoŋo gẅi tà mèŋ n te zẅíŋ ngie nyìŋ gwaa gÿo mmó ná pi n ne ńgyá wɔ́. Yɛ̌ ntí nkwòŋo gie mèŋ n gẅiin nzèm pi e fóo pɔ́ mbwo Ssé, mélà’mie pi ée mbwo mèŋ, ńgwɔ́ pá’ múɔ manzwě gẅie mèŋ n da pÿé mbwo tà’ nyìŋ wémɔ’ɔ́, angàŋ gwɔ́ Kristo. Mèŋ n ne ńda’te gẅi mbwo yé ngie pi ee pá’ mûɔ ngùɔ gẅie à kaa tsɔ́ *lɔ̌’ kaa.

2 Korento 11:27

ńgwá fa’ mefà’ mie é tʉ̀ tà ńjú’ ńkʉ́a tɛ’, ńgwá ńdá’ té lyé. Nzyè gwá ńgyáŋa wɔ̀ɔn, agág yɔ́ɔn gwá shÿó, ńgwɔ́ tsɔ́ fʉ̀’, eshúm léjÿó pú ḿmaga mbwo mèŋ, efÿɔ́g gwá ńkúu wɔ̀ɔn, mbà mèŋ n zǎg nzsǒ.

2 Korento 6:5

kà pɔ́ fʉ̀’ gie mé ne ńcúa wég wɔ́, kà pɔ́ fʉ̀’ gie mé neŋé wég tsǎŋ wɔ́, kà pɔ́ fʉ̀’ gie mé pimté lá’ ḿma’a nzèm peg wɔ́, kà ná fʉ̀’ gie peg tyé nà mefà’ mie é tʉ tʉ wɔ́, kà ná fʉ̀’ gie peg ne ńdá’a té lyé wɔ́, mbɔɔ ná fʉ̀’ gie peg ne ńnéŋe té pfɛ́ɛ mmó.

Ŋwà’ne Ngyà jʉ’ 19:7

Pege kág, ńnáa gugẅî, ńnáa legú’ mbwo yé. Á nue eshúm léjÿó línɔ́ɔn lɔ́ɔn ndá mûɔ *Njʉ̀njÿò é sɔ́ɔn. Anzwě ngʉ̀ we, kẅǐŋ mbùm ye tà ne ńzẅí’te.

Ŋwà’ne Ngyà jʉ’ 21:9

Atsɔ̌ *cÿɔ́’ Ssé piŋ ńtóo lejʉ́ŋ mèŋ, ńgwɔ́ tsɔ̌ tà’ nà *mecÿɔ́’ Ssé sɔɔn mbʉ́a pie é la kú’te mentú’ mɛ̌ sɔɔn mbʉ́a, menzsònzèm mengʉ̀ngʉ̀ sɔɔn mbʉ́a gwɔ́ tsoló tà ńdúe la, ńtó pú’u, ńgɔɔn né mèŋ ngie: Tóo, Mèŋ n nyɛɛ gú nzwě ngʉ̀, á nzwě mûɔ *Njʉ̀njÿò,