Malékuse 2:2 - Nouveau Testament en Ngienboum

² alá’ pú ńcú’te wó tà ntÿɔgɔ́ kwò tè gíŋe ńgwɔ́ wó wɔ́, tà mbɔɔ ncwò ndá, Yěsô zye léshwóŋó wɔ́b nò Ssé.

Malékuse 2:2 ပူးပေါင်းရင်းမြစ်များ

Matio 5:2

Á zye léla’te nò mbwó pɔ́b ngie:

Malékuse 1:14

Mé la gwɔ́ tà ńgwoon Jâŋ ńnéŋe ndá tsǎŋ, Yěsô gʉa nê Galilea. À lɔ̌ɔn ńtsẅii nkʉ̀ mbòŋo gẅie é fóo mbwo Ssé ńgɔɔn ngie:

Malékuse 1:33

Pʉ̀a tÿǒsoŋ ŋwɛ́ metsèm cú’te ncwò ndá.

Malékuse 1:37

ńgwɔ́ tà ńgyá yé, ńgɔɔn né yé ngie: Pʉ̀a metsèm ne fa’a gú.

Malékuse 1:45

Tá á gʉa, ńdeen ńgwá ńdɔgɔ nò ŋwɛ́ sá jʉ’. Á gwɔ gwɔ́ tà Yěsô tě ńgíŋe shʉ̀a shʉ̀a, ńkúu tsɔ́ tÿǒsoŋ wɔ́, ńcʉ́’ʉ ńzso pɔ́ mánzsè, á jʉ’ gie pʉ̀a té wó wɔ́. Mé ké ńně fóo jʉ’ ntsèm, ńtóo tǒ, ńgyá yé.

Malékuse 2:1

É cʉa lyɛ̌’ shÿɔ́’ɔ tsɔ́ wɔ́, Yěsô gíŋ ḿbiŋe Kapernawúm. Mé jú’ ngie aa ndá,

Malékuse 2:13

Yěsô la gíŋe ḿbiŋ nzèm nkwɔ’ɔ́ ntse Galilea. Alá’ ne ńtóo ńkẅɛ́te yé, á ne ńzí’i wɔ́b nò Ssé.

Malékuse 6:34

Á kúu jʉ’ó, éfó tsɛ̀ɛ kanú’ ńkẅɛ, ńgyá nùɔ lá’, mezìŋe mɔ́b kúu yé, mélà’mie pɔ́ laa pá’ nùɔ *menjʉ̀njÿò gie ampfele tè wó wɔ́ la. Á zye lézí’i wɔ́b menò tà ńgyɔ́ɔn.

Lukase 12:1

Yěsô ne shwóŋe pú’u, alá’ ne ńkẅi’i ńkwɔ́’ɔ ńtóo lejʉ́ŋ yé, ejʉ’ sẅɛ́ sẅɛ̌ tà mé ne néŋte mekwò pʉ̀a. Á gwaa gɔɔn nò mbwo lá’, ḿvɔg ńgɔɔn mbwo ngàŋa nkwò yé ngie: Pi laga twó gí, ḿbɔ́ɔn *mvòŋ pʉ̀a *farisay, tà pi cʉ́’ ngàŋ mepàb pá’ pɔ́b.

Lukase 5:17

Yěsô gwɔ́ lyɛ̌’, ńně ńda’te nò Ssé, pʉ̀a *farisay pâ *pàkyàgte mbʉ̌ Ssé tó ńnéŋe lejʉ́ŋ yé, éfóo ná melá’ mie ée tsɛ̀ɛ pàga ngwòŋ Galilea pɔ́ Jẅideá tà mbɔɔ tÿǒsoŋo Yerósalem. Metʉ̀ Cʉ̀apʉ̀a Ssé gwɔ́ nà Yěsô, á lɔgɔ ńzeŋe megùɔ.

Lukase 8:1

Yěsô gÿo ne ńgwá ńgiŋe tsɛ̀ɛ metÿǒsoŋ mbàa tsɛ̀ɛ melá’ ńtsẅii Nkʉ̀ Mbòŋo ńdɔgɔ ńda’te pá’ nò *lefùɔ Ssé áa pú’u. Pâ *ngàŋ ntúm yé ntsɔ̀b pʉ́a nê legém gwɔ́ nùɔ.

Lukase 8:11

Á cʉ́’ʉ lékyagte yɔɔn sagá nò ńgɔɔn ngie: Mbyè mmó lɔgɔ ńgwɔ́ shwóŋè Ssé.

Megàŋ ntúm 11:19

À gwaa gwɔ́, mbà mé la gwɔ́ tà ńzẅé Etien pá’a, ńzye létsɔ́’ɔ kwò pʉ̀a Kristo té pòŋ. Pɔ́ fó Yerósalem ńkẅɛ sa jʉ’. Petsɔ́ pʉ̀a lɔg ye Fenisia. Petsɔ́ lɔg ye Shʉ̀pele. Petsɔ́ lɔg ye Antiokia, ńkúu nzɔ̌ nzɔ̌ wɔ́, éshwóŋó nò Ssé pɔ́ ndà’ mbwo pà Yuda.

Megàŋ ntúm 14:25

ńkúu tÿǒsoŋ Pɛrge, éshwóŋó nò Ssé. Tà á ku’ pɔ́ cwóŋ né tÿǒsoŋo Atalia,

Megàŋ ntúm 16:6

Pɔl pâ Silas ké ne ńgwá ńgiŋe giŋ, à Zẅìge Ssé gÿo ńtɔ́’ɔ wɔ́b légʉa tsɛ̀ɛ pàga ngwòŋ Azia éshwóŋó nò Ssé, Pɔ́ lêen ńké ńcʉ́’ ńzyɛ́’ɛ tsɛ̀ɛ pàga ngwòŋ Filigia pɔ́ ye Galatia zyɛ̌’,

Megàŋ ntúm 8:25

Ngàŋ ntúm Yěsô yɛ̌ yépʉ́a lɔgɔ lésá’ nkʉ̀ mbòŋo Cʉ̀apʉ̀a shwóŋ pʉ̀a, ńgÿo mé zsé nyìŋ gẅie Yěsô aa wɛ̌, ńgwɔ piŋ nzèm né Yerósalem, ńgiŋe mánzsè ńtsẅii nkʉ̀ mbòŋo á tsɛ̀ɛ melá’ pà Samalîɛ.

Roma 10:8

Ŋwà’ne Ssé gɔɔn pɔ́ ngie ashwóŋè Ssé áa lejʉ́ŋ gù, áa ncwò gù, ńgwɔ́ ntʉ́m gù. Yɛ̌ shwóŋè áa nò gie peg sá’a mbwo pʉ̀a ngie mé záb ntʉ́m ná Kristo.

2 Timote 4:2

Ɔ̀ tsẅi nkʉ̀ mbòŋo nò Ssé, ńtyé pɔ́ nzɔ̌ wɔ́ ńcwoŋo ńgɔɔn gɔɔn, kà á gwɔ́ pɔ́ jʉ’ gie mé ee wó ńne ḿbyɛ́bɛ ngie mé gɔɔn wɔ́, kà pɔ́ jʉ’ gie mé té wó ńne ḿbyɛ́bɛ wɔ́ wɔ́, ɔ̀ gɔɔn gɔɔn. Nyìŋ fʉa nò ɔ̀ kaga yé nà ntí gie à ge jú’, ńkẅiŋte yé légÿo nò mbòŋo. Gwáa gÿo pú’u, ńdɔg pɔ́ kwɔ́gɔ nnɛ́ ḿbiŋ ne ńzí’i pʉ̀a mmó.