Malékuse 2:15 - Nouveau Testament en Ngienboum

¹⁵ Yěsô pâ *ngàŋa kwò yé gÿo ńgʉa mbʉ̀a Lěvi léjÿó mmó, pâ pʉ̀a tà ńgyɔ́ɔn ne ńjÿó mmó, lelÿò gwɔ́ *pàkẅé ncùb, tà mbɔɔ pʉ̀a pie pà Yuda lɔ́ɔn ńtóŋo wɔ́b lé pʉ̀a tepòŋ, ńtí pʉ̀a ápɛ̌ laa nzèm Yěsô tɛ’.

Malékuse 2:15 ပူးပေါင်းရင်းမြစ်များ

Matio 5:46

Pi lɔɔn ńkwoŋ pɔ́ ndá’ pʉ̀a pie pɔ́ kwoŋo gẅí, mbà mé ge gíŋe ná ndǎg né pi ná kɔ́? *Pàkẅé ncùb pà Roma gíŋe ne ńgÿo yɔ́b pɔ́ pú’u.

Malékuse 2:14

Á ne ńgiŋe, ńgyá Lěvi míŋ Alfe, á ńnéŋe jʉ’ gie mé kẅé ncùb pà *Roma wó. Yěsô gɔɔn né yé ngie: Tóo pɔgɔ zɔ cʉ́’ʉ ńgiŋe. Lěvi lu ssé ńcʉ́me nzèm yé.

Malékuse 2:16

*Pàkyàgte lepʉ̌ Mǒsê pie é laa nà nùɔ pà *farisay, gyá pá’ Yěsô pâ pʉ̀a ápɛ̌ ne ńjÿó mmó, ńzɛ́te *ngàŋa kwò yé ngie: Á gÿo lêkɔ́ tá gẅi pâ ńtí pʉ̀a pɛ̂ tem ngwʉ̌ŋ?

Lukase 15:1

*Pàkẅé ncùb pà Roma lâ petsɔ́ pʉ̀a pie mé lɔ́ɔn ńkʉ́e wɔ́b ne ńtóo metsèm, á lejʉ́ŋ Yěsô lé jú’u nò yé.

Lukase 6:17

Yěsô pâ *ngàŋ ntúm yé gie à tsɔ̌’, fó ndùm lekwɔ’ɔ́ sẅɛ́’ tà ńkúu tsìŋe lekwɔ’ɔ́, ńgyá yetsɔ́ *Ngàŋa kwò yé gwɔ́ jʉ’ó tà ńgyɔ́ɔn pâ nùɔ lá’, mbà mé fǒ nà pàga ngwòŋ Jẅidea, éfó tÿǒsoŋ Yerósalem, éfó mengʉ̀ŋe metÿǒsoŋo Tir pɔ́ Sidoŋ tà mbɔɔ metÿǒsoŋ mie ée nkʉ̀ŋ ntse.