Malékuse 16:4 - Nouveau Testament en Ngienboum

⁴ Ńgʉa tà ńkúu wó, ńgyá, mbà mé ně fó ncwò lesyè ńkite máa tóon ŋwɛ́.

Malékuse 16:4 ပူးပေါင်းရင်းမြစ်များ

Matio 27:60

ńkaa yé ńdɔg ńgʉa ńnéŋe tsɛ̀ɛ lesyè sie à ka nyě shʉ’ʉ ná tóon, é gwɔ́ sé Yesyɛ̂b. Á ńnéŋe Yěsô tsɛ̀ɛ wó, ńtsóte máamáa tóon ńdɔg ńjÿɔ́’ ncwò ńgʉa.

Matio 27:66

Pɔ́ gʉa ńdɔgɔ tsɔ́ mmó ńcÿɔ’ɔ liŋé ná tóon gẅie mé ně ńdɔg ńjÿɔ́’ lesyè, ńcÿɔ’ɔ pú’u, ńdɔgɔ ńgɔɔn ngie lesyè ée se njÿɔ̌’, ńdeen ńtÿɔ́g pàlÿɔ́’ ncù, pɔ́ ne ḿbyɛ́bɛ, ḿbɔ́gɔ mmó légÿo ná lesyè.

Malékuse 16:3

Pɔ́ la ne ńgiŋe, ńně ńzɛ́te tsetsɛ̀ɛ pɔ́b ngie: Tà wɔ̌ ge kúu jʉ’ó kite máa tóon ncwò lesyè né pɔ̌b wɔ́?

Malékuse 16:5

Pɔ́ zyɛ́’ ńkúu tsɛ̀ɛ lesyè, ńgyá tsɔ̌ mûɔ ngwàshùm ńnéŋe nà gwoŋó pwó tʉ̀, ḿma’a féfɔ́gɔ nzsǒ. Pɔ́ gyá yé ḿbɔ́g tɛ’.

Lukase 24:2

Ńgʉa tà ńkúu wó, ńgyá, mbà mé kà fó ncwò lesyè, ńtsó máamáa tóon gẅie à kaa wó.

Ŋwà’ne Jâŋ 20:1

Á gÿo ńgwɔ́ ndùŋ mvfò lyɛ’ɛ́ lá’ nà ngàba lá’, tà ńnyé ńgwɔ́ pɔ́ leme léme, ejʉ’ nyé té fɔ́g, Malîɛ Magdala gʉa jʉ’e lesyè, ńkúu wó, ńgyá mbà mé ně fó ncwò lesyè, ésẅɛ’te tóon.