Malékuse 16:20 - Nouveau Testament en Ngienboum

²⁰ *Ngàŋa kwò Yěsô fó jʉ’ó, ńgʉa, ńzye léshwóŋó nò Ssé jʉ’ ntsèm. Cʉ̀apʉ̀a ne ńdíe wɔ́b, ńkẅéte wɔ́b, ńtóonte wɔ́b, pɔ́ gÿo menò mmɔɔn mmɔɔn, mie é nyɛɛ ngie shwóŋè yɔ́b fóo mbwo Ssé.

Malékuse 16:20 ပူးပေါင်းရင်းမြစ်များ

Malékuse 16:19

Cʉ̀apʉ̀a Yěsô la gɔɔn mbwo pɔ́b tà ńtẅé jʉ’, e Ssé ŋá’a yé ńdɔg ńkwɔ́’ lé tÿǒ lepwó. Á ńnéŋe nà gwoŋó pwó yé ye tʉ̀.

Lukase 1:1

Andè; Téofil, ɔ̀ zsě ngie pʉ̀a tà ńgyɔ́ɔn kéen ńkaa fà’a lécú’te menò mie é ka cʉa tsetsɛ̀ɛ pege tà ńŋwe’e,

Lukase 1:2

ńŋwe’e kwà’ pá’ pʉ̀a pie pɔ́ la gyá pá’ nò yɔɔn zyete, ḿbiŋ ńgyá pá’ á giŋe pú’u.

Megàŋ ntúm 14:3

Tá ńgÿo pɔ́ lêkɔ́ wɔ́, Pɔl pɔ́ Panebâse zye ńnéŋe Ikonium, ńtÿɔ́g pɔ́ Cʉ̀apʉ̀a mvfò, ńne shʉ̀ashʉ̀a ńgɔɔn mbwo pʉ̀a ngie Cʉ̀apʉ̀a à kwoŋo wɔ́b. Cʉ̀apʉ̀a gíŋe ne ńcʉa ná menò mmɔɔn mmɔɔn mie à lɔgɔ wɔ́b ńgÿo, ńnyɛɛ ngie anò gie pɔ́ gɔɔn ná pá’ Yěsô ne ńcÿo gem pʉ̀a, áa nénʉ́.

Megàŋ ntúm 4:30

Náa weg metʉ̀ lélɔg ńgÿo pʉ̀a zeŋe, lélɔg ńgÿo menò mmɔɔn mmɔɔn pâ ndàa gyá, á ná lezíŋ Yěsô, á ngàŋa fà’ gú gẅie ɔ̀ la tsɔ́’.

Megàŋ ntúm 5:12

Megàŋ ntúm la ne ńgÿo menò mmɔɔn mmɔɔn lâ mekʉ’ʉ́ menò mentí mentí tsɛ̀ɛ lá’. Pɔ́ pʉ̀a Kristo metsèm lɔ́ɔn mbú ńtóo ńcú’te nà jʉ’ gie mé lɔ́ɔn ńtóŋo le ncwò kɔ̀’ Salomo.

Roma 15:19

ńcʉa nà meliŋé menò lâ menò mmɔɔn mmɔɔn, ńgíŋe ńcʉa nà metʉ̀ Zẅìge Ssé. Yɔɔn ee ntí gie n da lɔg ńnyɛte ńtsẅi nkʉ̀ mbòŋo Kristo jʉ’ ntsèm, léfó Yerósalem ńgʉa ńkúu Ilirie.

2 Korento 6:1

Pá’ pega Ssé zɔ puté ne fa’a la, peg ne ńkẅiŋte gẅi ngie tà pi gÿo ná ntí gie, légwɔ́ gie é Ssé tsɔ̌ɔn gẅí, ńcÿó gʉm gí, à ge cʉa sẅɛ̀ɛ.

Heber 2:3

Pá’ á laa pú’u la, pege lɔɔn ńgwágte nò ná máamáa nò gẅie aa pá’ e Ssé la gÿo pege tsẅɛ́, e Ssé gǎ tà ńnyé wégè? Cʉ̀apʉ̀a Yěsô lê twó yé la vɔg ńzye létsẅii yɛ̌ nò. Epʉ̀a pie pɔ́ la jú’u ncwò yé, gÿo ńkwa’ shwóŋó wégè ngie aa kwà’ máamáa nò.

Heber 2:4

E Ssé gíŋ ńtóonte wɔ́b á nà nò gie pɔ́ ne ńgɔɔn, ńcʉa nà meliŋé, pâ menò mmɔɔn mmɔɔn, pâ mendàa gyá mentí mentí, ńgíŋ ńcʉa nà mefà’ mie à zába na we lekwoŋ ngie Zẅìge Ndʉalʉ̌a ge cÿó gʉm pʉ̀a pɔ́ ku’u léfa’.