Malékuse 16:19 - Nouveau Testament en Ngienboum

¹⁹ Cʉ̀apʉ̀a Yěsô la gɔɔn mbwo pɔ́b tà ńtẅé jʉ’, e Ssé ŋá’a yé ńdɔg ńkwɔ́’ lé tÿǒ lepwó. Á ńnéŋe nà gwoŋó pwó yé ye tʉ̀.

Malékuse 16:19 ပူးပေါင်းရင်းမြစ်များ

Malékuse 16:20

*Ngàŋa kwò Yěsô fó jʉ’ó, ńgʉa, ńzye léshwóŋó nò Ssé jʉ’ ntsèm. Cʉ̀apʉ̀a ne ńdíe wɔ́b, ńkẅéte wɔ́b, ńtóonte wɔ́b, pɔ́ gÿo menò mmɔɔn mmɔɔn, mie é nyɛɛ ngie shwóŋè yɔ́b fóo mbwo Ssé.

Lukase 22:69

Tà mbɔɔ pú’u, áa fʉ̀’ɔɔn pá’ɔɔn, mbà á kǔ’ pá’ Ssé ngàŋ metʉ̀ ntsèm ge ńnéŋe *Míŋ Nyìŋ nà gwoŋó pwó yé ye tʉ̀.

Lukase 9:51

Afʉ̀’ gie Ssé ge kaa Yěsô lɔg piŋ ne tÿǒ lepwó gÿo ńku’, Yěsô gyá ngie á zebé pá’ à ge gʉa Yerósalem, ńdêen ńké ńdu ssé ńcʉ́me mánzsé té pɔ́g,

Ŋwà’ne Jâŋ 13:1

Á la cʉ́’ pɔ́ pá’ njÿó ge lʉ́a mé jÿó línɔ́ɔn *Páskà, Yěsô ne ńzsé ngie ayé fʉ̀’ kǔ’ pá’ à ge fó tsɛ̀ɛ yɔɔn njÿó é gʉa kẅɛ́te Tá we. Pá’ yé Yěsô lɔ̌ɔn ńkwoŋo pʉ̀a pie ée tsɛ̀ɛ njÿó ńgwɔ́ pé la, á kẅi’i ńkwoŋo wɔ́b tà ńcʉ́me.

Ŋwà’ne Jâŋ 16:28

Mèŋ n da fóo mbwo Tá wɔ̀ɔn, ńtóo tsɛ̀ɛ njÿó, mèŋ m biŋ ńgwɔ́ fʉ̀’ɔɔn ńne fóo tsɛ̀ɛ njÿó ńgee ne ńtsɛ́ Tá wɔ̀ɔn.

Ŋwà’ne Jâŋ 17:13

Áa nà fʉ̀’ɔɔn mèŋ n ne ńtóo né lejʉ́ŋ gù. Tá’ n kě ńtyé tsɛ̀ɛ njÿó ńgɔɔn yɔɔn shwóŋè légwɔ́ gie pɔ́ ge gẅiin wɔɔn lekág ntʉ́m pɔ́b, á kwà’ lekág.

Ŋwà’ne Jâŋ 20:17

Yěsô gɔɔn né yé ngie: Tè gíŋe ndáte wɔ̀ɔn, á nue mèŋ n nyě tè kwɔ̌’ tà ńkúu lejʉ́ŋ Tá wɔ̀ɔn. Ké ńgʉa ńgyá mefɛ́ pɔ́ɔn, ńgɔɔn né pɔ́b ngie: Mèŋ n ge kwɔ́’ nê lejʉ́ŋ Tá wɔ̀ɔn mie à giŋé ńgwɔ́ Tá gẅi. Á lejʉ́ŋ Ssé yɔ̀ɔn gie e giŋé ńgwɔ́ Ssé gi.

Ŋwà’ne Jâŋ 21:15

Pɔ́ pfɛ́ɛ mmó tà ńtẅé jʉ’, Yěsô gɔɔn né Símo Piɛ ngie: Símo, míŋ Jâŋ, tà ɔ̀ kwoŋo wɔ̀ɔn tà ńcʉa pʉ̀a pɔɔn? Á tsɔ́’ ngie oon, mbà Cʉ̀apʉ̀a, ɔ̀ zsě ngie mèŋ n nkwoŋo gú. Yěsô lêen ńké ńzɛ́te yé ngie: Pféle púɔ *menjʉ̀njÿò pɔ́ɔn.

Ŋwà’ne Jâŋ 21:22

Yěsô tsɔ́’ɔ mbwo yé ngie: Mèŋ n dɔɔn ńkwoŋ ngie à gwɔ́ pɔ́ wó tà mèŋ n dá’ ḿbiŋ nzèm, mbà à jú áa mǒ ńgwɔ́ kɔ́? Cʉ́m jú pɔ́ nzèm mèŋ.

Ŋwà’ne Jâŋ 6:62

Tà pi lɔɔn ńgwɔ gyá *Míŋ Nyìŋ gíŋe ńkwɔ́’ ńgʉa né jʉ’ gie à la zɔɔn ńgwɔ́ wó, pi gÿo pɔ́ lêkɔ́?

Megàŋ ntúm 2:33

E Ssé ka gÿo, á kwɔ́’ tà ńnéŋe nà gwǒŋo pwó yé ye tʉ̀. Áa fʉ̀’ɔɔn pá’ɔɔn, mbà Tá wé Ssé cʉmé Zẅìge Ndʉalʉ̌a mbwó yé, á gwɔ́ pá’ yé Ssé la ka’. Ammó gie pi jú’u ḿbiŋe ńgyá lɛ̀, áa Zẅìge Ndʉalʉ̌a ŋwɛ́ gie Yěsô nǎ né pʉ̀a pé.

Megàŋ ntúm 3:21

Áa nà fʉ̀’ɔɔn Yěsô ké ńgẅiin pɔ́ léńnéŋe tÿǒ lépwó. Tà lá’ ku lyɛ̌’ gie e Ssé ge lá’ gÿo akɔ́ɔkɔ́ɔ sele ńcʉ́’ ńgwɔ́ pɔ́ ye sẅe. Pá’ à la lá’ ńdɔg ncwò kwà’ pà Ntsẅì nkʉ̀ pé ńgɔɔn tà ntyě sǎg.

Roma 8:34

ńgwɔ́ wɔ́ ku’u légɔɔn ngie ntsaŋ jÿǒ wɔ́b? Angàŋ tè wó wɔ́, á nue Yěsô Kristo la kwé nà twó sɔ́b á té zso pú’u wɔ́ á gÿo ńzím. À ńnéŋe nà gwoŋó pwó Ssé ye tʉ̀, ńne sẅíŋte yé nà twó ségè.

Kolosia 3:1

Pá’ pia Kristo la púte ńzíme nà legwé la, pi tÿɔ́g lejÿɔ́g sí pɔ́ nà shúm sie ée tÿǒ lepwó, ajʉ’ gie Kristo aa wó, ńnéŋe nà gwǒŋo pwó Ssé ye tʉ.

1 Timote 3:16

Áa nò ngie nò nénʉ́ gie Ssé la gÿo pege zsé, á piŋ ńnyɛɛ wégè pá’ ńgwɔ́ pege giŋe ná mánzsè Ssé, á gú’ tɛ’. Áa ngie: Yé gẅie à la sele ńcʉ́’ʉ nyìŋ mesoŋ, A Zẅìge Ndʉalʉ̌a la nyɛ ngie aa tè *lɔ̌’. *Mecÿɔ́’ Ssé la gyá yé. Pʉ̀a la sá’a nò yé mengwòŋo mengwòŋ, mé záb ntʉ́m ná yé jʉ’ ntsèm tsɛ̀ɛ njÿó. E Ssé la sa’a yé, ńdɔg ńgʉa né tÿǒ lepwó, á jʉ’ʉ legú’.

Heber 1:3

Mé fó pɔ́ ná múɔ wɔ̀ɔn tá ńgyá pá’ legú’ Ssé aa tè laa yé pú’u. Á lɔɔn ńgwɔ́ gie e Ssé aa lêkɔ́ wɔ́, mbà míŋ we giŋé ńgwɔ́ yé kwà’ pú’u. Á yé gẅie à lɔg pɔ́ metʉ̀ mie ée nà shwóŋè yé, ńtóonte kɔ̀ɔkɔ́ɔ gie áa tsɛ̀ɛ njÿó ntsèm. À la gwɔ́ tà ńgÿo mmó gie e Ssé ne fóo mǒ ńdege menò tepòŋ pʉ̀a mesoŋ tà á mag, á gʉa nê tÿǒ lepwó, ńnéŋe nà gwoŋó pwó Ssé ye tʉ̀, yé Ssé gẅie à pǔ sá’a kɔ̀ɔkɔ́ɔ.

Heber 12:2

Pege ne ńtÿɔ́gɔ menÿɔ́g pɔ́ ná Yěsô gẅie à la zí’i wégè lézáb ntʉ́m nà Ssé, yé zɔɔ nyìŋ gẅie à ge lá’ ńnéŋe wégè ná mbwó Ssé ndà’ ndà’. À la nyé lekág gẅie à laa we, mé kíme yé nà tÿǒ nkǐ á shÿɔg shÿɔg, à tè lɔg shʉ́ gẅie ée nà lekwě pú’u, ńtóŋo tsɔ́ nò wɔ́. Aa fʉ̀’ɔɔn ńnéŋe ngʉ̀ŋe lʉŋe lefùɔ ye Ssé, á nà gwǒŋo pwó Ssé ye tʉ̀.

Heber 4:14

Pá’ pege gẅiin tà’ *nùŋe pwɔ́’ we lÿò gẅie aa kwà’ wɛ̌, á gẅie à la gʉa tà ńkúu lejʉ́ŋ Ssé ńtí wégè, á gwɔ́ Yěsô, ńgwɔ́ míŋ Ssé la, pege kú’te nò gie mé ka shwóŋó wégé, pege záb ntʉ́m mǒ, ḿbiŋ ne shwóŋó yɛ̌ nò mbwo petsɔ́ pʉ̀a.

Heber 6:20

Á nue Yěsô la vɔg ńkúu wó ńtí wégè. À piŋ ńgwɔ́ wó fʉ̀’ɔɔn, ńgwɔ́ nùŋe pwɔ́’ wege we lÿò, á nà ngù’u nkɔ́ɔn nê nkɔ̌ɔn, á nà ntí ye Melekisedeg.

Heber 7:26

À lɔgɔ ńgwɔ́ *nùŋe pwɔ́’ we lÿò gẅie á la ne ńzɛ́te mbwo pege. Àa kwà’ Míŋ Ssé, ńgwɔ́ mbú’ nà kɔ̀ɔkɔ́ɔ, ńgwɔ́ té tsɔ́ nò tepòŋ ná ye, pâ pàgÿo menò tepòŋ té tsɔ́ nò tem, mbà Ssé la ńnéŋe yé tàa tÿǒ tà tsɔ́ mmó té gíŋe ńtɔ́gɔ yé ńgwɔ́ tÿǒ wɔ́.

Heber 8:1

Kwà’ nò gie peg ne fa’a lé shwóŋó gẅi á yɔɔn ńgwɔ́ ngie pege kwá’ ńgẅiin yɔɔn ntí *nùŋe pwɔ́’ we lÿò. À kéen ńnéŋe nà lʉŋe lefùɔ, á nà gwǒŋo pwó Ssé ye tʉ̀, á yé gẅie à pǔ fáŋ ńcʉa wɔ̌wɔ́ɔ.

Heber 9:24

Kristo la zɔɔn tè kúu tsɛ̀ɛ jʉ’ gie mé nuŋe pwɔ́’ wó, á gwɔ́ gie pʉ̀a mesoŋ la lɔg mbwó mɔ́b ńnyɛte ńdɔgɔ fʉ’ʉ kwà’ yɛ̌ gie áa tÿǒ lepwó wɔ́. À la kú pɔ́ kwà’ tÿǒ lepwó, tà aa fʉ̀’ɔɔn ńdɔgɔ yégè nò ńgwɔ́ lejʉ́ŋ Ssé.

1 Piɛ 3:22

À la kwɔ́’ né tÿǒ lepwó, ńnéŋe nà gwǒŋo pwó Ssé ye tʉ̀. Àa fʉ̀’ɔɔn ńne sá’a *mecÿɔ́’ Ssé ntsèm, ńne sá’a kɔ̀ɔkɔ́ɔ gie á sá’a njÿó, ésá’a metʉ̀ ntsèm mie ée tÿǒ.