Malékuse 16:17 - Nouveau Testament en Ngienboum

¹⁷ Pʉ̀a pie pɔ́ zẅiŋé nò yɔ́ɔn, ge lá’ gÿo menò mmɔɔn mmɔɔn: pɔ́ ge lá’ lɔg lezíŋ sɔ́ɔn jwoŋ *messé tepòŋ mie é pue pʉ̀a, pɔ́ ge lá’ shwóŋó meshwóŋè mie pɔ́ laa zí’i,

Malékuse 16:17 ပူးပေါင်းရင်းမြစ်များ

Malékuse 9:38

Jâŋ ńnéŋe tà ńgɔɔn né Yěsô ngie: Tá weg, peg ně ńgyá tsɔ̌ nyìŋ ne ńdɔgɔ lezíŋ shú ńjwoŋo *messé tepòŋ ná pʉ̀a, peg fa’a létɔ’ɔ yé, mélà’mie à tè yé nzèm gù pá’ peg wɔ́.

Lukase 10:17

Epʉ̀a ntsɔ̀b pʉ́a lê móm sɔɔn mbʉ́a pie Yěsô la túm la, é gʉa, ńgwaa piŋ nzèm ńgiŋe ńkága tɛ’, ńgɔɔn mbwo Yěsô ngie: Tá weg, afà’ pǔ ńgiŋ tɛ’ tà peg lɔg lezíŋ shú, ńgɔɔn nò mbwo *messé tepòŋ, pɔ́ jú’ ncwò wég.

Ŋwà’ne Jâŋ 14:12

Tà mèŋ shwóŋó gẅí, kwà’ nénʉ́, nyìŋ záb ntʉ́m ná Mèŋ, mbà à ge fa’ yé mefà’ mie mèŋ ne fa’a, tà mé fáŋ ńtɔ́g mɔ́ɔn, á nue mèŋ n gee né lejʉ́ŋ Tá.

Megàŋ ntúm 10:46

Pɔ́ zɔɔn ńgíŋe ne ńjú’u pɔ́ ne ńdɔgɔ shwóŋè lá’a ndyɛ̀’ɛ ńnáa mekù’ mbwo Ssé. Piɛ gyá pú’u, ńcʉ́’ ńgɔɔn pɔ́ ngie:

Megàŋ ntúm 16:18

Á ke ńgÿo pɔ́ pú’u, nà melyɛ̌’ tà ńgyɔ́ɔn. Pɔl fó ńgebe tsetsɛ̀ɛ ńgyáŋa lóŋ, ésele nnɛ́ ńgɔɔn nê *ssé tepòŋ ngie: Mèŋ n dɔ̌g lezíŋ Yěsô Kristo ńgɔɔn ngie ɔ̀ fó ná manzwě wɛ̂ ńkẅɛ! E *ssé tepòŋ gwóon fó ná yé ńkẅɛ.

Megàŋ ntúm 19:6

Pɔl gwɔ́ tà ńzáb mbwó twó pɔ́b, a Zẅìge Ndʉalʉ̌a kúu ná pɔ́b. Pɔ́ zye léshwóŋó meshwóŋè mie pɔ́ laa zɔɔn ńzí’i wɔ́, ḿbiŋ ne ńtsẅii nkʉ̀ gẅie é fóo mbwo Ssé.

Megàŋ ntúm 2:33

E Ssé ka gÿo, á kwɔ́’ tà ńnéŋe nà gwǒŋo pwó yé ye tʉ̀. Áa fʉ̀’ɔɔn pá’ɔɔn, mbà Tá wé Ssé cʉmé Zẅìge Ndʉalʉ̌a mbwó yé, á gwɔ́ pá’ yé Ssé la ka’. Ammó gie pi jú’u ḿbiŋe ńgyá lɛ̀, áa Zẅìge Ndʉalʉ̌a ŋwɛ́ gie Yěsô nǎ né pʉ̀a pé.

Megàŋ ntúm 5:16

Pʉ̀a tá ńgyɔ́ɔn lɔ́ɔn ńgíŋe fóo tsɛ̀ɛ melá’ mie ée ngʉ̀ŋe Yerósalem ńdɔgɔ meguɔ mbɔɔ pʉ̀a pie mezẅìge tepòŋ la ne ḿbue wɔ́b, ńtóo ńgyá megàŋ ntúm. Pɔ́ gÿo pɔ́b métsèm zeŋe.

Megàŋ ntúm 8:7

Pʉ̀a tà ńgyɔ́ɔn pie *messé tepòŋ la ne ḿbue wɔ́b la ne ńzeŋe. *Messé tepòŋ gwaa ně fóo ná pɔ́b kẅɛɛ ńga’te lê tʉ̀. Megàŋa kwʉ́’te lâ pàpwɔ́’te mekwò tà ńgyɔ́ɔn la ne ńzeŋe yɔ́b.

1 Korento 12:10

Á tóo nà tsɔ́ nyìŋ yé fù’ gie à lɔg ńcÿó gem ngàŋ á gwɔ́ ngàŋ légÿo menò mmɔɔn mmɔɔn, ńtóo nà wetsɔ̌ ńcÿó gem yé á gwɔ́ létsẅi nkʉ̀ gẅie é fóo mbwo Ssé, ńtóo nà wetsɔ̌ ńcÿó geme yé á zsé mmó gie á fóo mbwo Zẅìge Ndʉalʉ̌a mbɔɔ gie á fóo mbwo *messé tepòŋ, ńgʉa ná wetsɔ̌ ńcÿó gem yé á shwóŋe meshwóŋè mie à laa zí’i, ńgʉa ná wetsɔ̌ ńcÿó gem yé á zsé shÿó lélɔg ńkyagte mɛ̌ meshwóŋè.

1 Korento 12:28

E Ssé la cʉ́’ʉ létaŋte cú’tè yé, ḿvɔg ńzáb megàŋ ntúm, ḿbɔ́ɔnte ńzáb pà ntsẅì nkʉ̀ pie é fóo mbwo yé, ḿbɔ́ɔnte ńtÿɔ́g pà zí’i pʉ̀a nò Ssé, mé fó ná pɔ́b ńgyá pʉ̀a pie à la cÿó gem yɔ́b, á gwɔ́ pá’ pɔ́ ge gÿo menò mmɔɔn mmɔɔn, ḿbɔ́ɔnte ńgyá pʉ̀a pie à la cÿó gem yɔ́b, á gwɔ́ pá’ pɔ́ ge gÿo megùɔ zeŋe, mé fó ná pɔ́b ńgyá pʉ̀a pie ayɔ́b fù’ áa lékẅéte petsɔ́ pʉ̀a mbɔɔ pʉ̀a pie pɔ́ táŋte cú’tè, tà mbɔɔ pʉ̀a pie à la cÿó gem yɔ́b á gwɔ́ pá’ pɔ́ ge shwóŋó meshwóŋè mie pɔ́ laa zí’i.

1 Korento 12:30

kà pɔ́ légÿo megùɔ zeŋe wɔ́, kà pɔ́ léshwóŋó meshwóŋè mie pɔ́ laa zí’i wɔ́, kà pɔ́ lékyagte mɛ̌ meshwóŋè wɔ́.

1 Korento 13:1

N dɔɔn ńzsé léshwóŋó meshwóŋè mie mé shwóŋó tsɛ̀ɛ mengwòŋ ntsèm tà mbɔɔ mie *mecÿɔ́’ Ssé shwóŋó, tá ḿbiŋ tè kwoŋo nyìŋ mesoŋ wɔ́, mbà mèŋ m bege pɔ́ jʉ’ pá’ mmó tʉ̌ gie mé pǔ’, mbɔɔ pá’ kẅì’ fùɔ gẅie à zẅɛ zẅɛ.

1 Korento 14:2

á nue nyìŋ lɔɔn ńdɔg meshwóŋè mie mé té ne ńzsé wɔ́ ńgɔɔn nò, mbà à těen ńgɔɔn nò mbwo pʉ̀a mesoŋ wɔ́. À gɔɔn pɔ́ mbwo Ssé, á nue tsɔ̌ nyìŋ mesoŋ tè ne ńjú’u nò gie à gɔɔn wɔ́, angàŋ ne ńdɔgɔ metʉ̀ Zẅìge Ndʉalʉ̌a ńgɔɔn nò nà shúm sie ée lelyěen.