Malékuse 16:14 - Nouveau Testament en Ngienboum

¹⁴ Yěsô la gÿo ńgíŋe ńnyɛ mbùm ye mbwo *ngàŋa kwò yé tsɔ̀b yémɔ’ɔ́ nê legém métsèm. Pɔ́ gwɔ́ ndá mpfɛ́ɛ mmó. Á kaga wɔ́b ná pá’ pɔ́ ně tè zẅíŋ, ńgíŋe ńdʉ’ mbɔɔ lézẅíŋe nò ncwò pʉ̀a pie à zǐm ńnyɛ mbùm ye mbwó pɔ́b.

Malékuse 16:14 ပူးပေါင်းရင်းမြစ်များ

Matio 11:20

Yěsô gɔɔn pú’u, ńzye léla’ pʉ̀a metÿǒsoŋ mie à la gʉa wó, ńgÿo menò mmɔɔn mmɔɔn tà é gyɔ́ɔn, pʉ̀a ŋwɛ́ ké tè sele nnɛ́ ńcʉ́me nzèm Ssé wɔ́.

Matio 17:20

Á tsɔ́’ɔ mbwó pɔ́b ngie: Ee, mélà’mie pi záb ntʉ́m nà Ssé pɔ́ méjʉ’ lepile. Pi lɔɔn fó ńzáb ntʉ́m gẅi nà Ssé pɔ́ méjʉ’ pá’ lesɔ́ɔn sésɔg, mbà à lɔɔn ńgwɔ́ pi gɔɔn né lekwɛ́ sɛ̂ ngie: Tsɔ́’ɔ ńgʉa ńtyé jʉ’ʉ, é gʉa ńtyé jʉ’ó. Mbà à lɔɔn ńgwɔ́ tsɔ́ nò á le lá’ ńcʉa gẅi wɔ. [

Matio 28:17

Pɔ́ gwɔ́ tá ńgyá Yěsô, ńkwí’te ssé, ńgu’te yé, tá tsɔ́ pʉ̀a gwɔ́ tsetsɛ̀ɛ pɔ́b, ńně ḿmʉ́’te mʉ’té.

Malékuse 7:18

Á gɔɔn né pɔ́b ngie, ńzsé ngie sí legyè nyé ḿvɔ́g vɔ́g pá’ se petsɔ́ pʉ̀a gwâ? Ammó gie á fó nzème pǐ ńkúu ná nyìŋ, á té *lɔ̌’ ná ye néŋ.

Lukase 24:11

Pɔ́ jú’ é gwɔ́ pɔ́ pá’ njÿòon la, pɔ́ té zẅíŋ.

Lukase 24:25

Yěsô leen ńké ńgɔɔn né pɔ́b ngie: Pi gwě gígyé. Pi tè ne ńdwo ńzẅíŋe menò ntsèm mie *pàntsẅi nkʉ̀ Ssé la ŋwé’e wɔ́.

Ŋwà’ne Jâŋ 20:25

Á gÿo ńtó, yetsɔ́ *ngàŋa kwò Yěsô gɔɔn né yé ngie: Peg ně ńgyá Cʉ̀apʉ̀a. Tomáse tsɔ́’ɔ mbwo pɔ́b ngie: N dɔɔn ńnyé tè gyǎ lǎga fʉ̌ŋ gie membàŋ ka ńnéŋe nà mbwó mé, ńnyé tè shÿɔgɔ́ tepwó wɔ̀ɔn á nà jʉ’e membàŋ, ńnyé tè shÿɔgɔ́ pwó yɔ́ɔn nà gwoŋó nnɛ́ yé, mèŋ ń de zẅíŋ.

Ŋwà’ne Jâŋ 20:26

É lêen ńké ńgÿo ńcʉa lyɛ̌’ lefɔ̌ɔn, *ngàŋa kwò Yěsô gíŋe ńcú’te ssé, Tomáse gwɔ́ yé nùɔ pɔ́b, á gwaa gwɔ́, mbà pɔ́ pǔ ńjÿɔ́’ mencwò ndá, Yěsô kẅɛ ńtyé tsetsɛ̀ɛ pɔ́b ńgɔɔn né pɔ́b ngie: Mbʉ́lè gwɔ́ né pi.

Ŋwà’ne Jâŋ 20:27

Ńdeen ńké ńgɔɔn né Tomáse ngie: Tsíŋe múɔ tepwó gù jʉ’ɔɔn. Líe mbwó mɔ́ɔn. Tsíŋe pwó jú, éshÿɔ́gɔ nà gwoŋó nnɛ́ yɔ́ɔn. Tè gíŋe ḿmʉ́’te, zẅíŋ ngie aa kwà’ mèŋ.

Ŋwà’ne Jâŋ 21:1

Yěsô gÿo ńgíŋe ńnyɛ mbùm ye mbwo *ngàŋa kwò yé. Á gwaa gwɔ́ pɔ́ gwɔ́ ngʉ̀ŋe letʉ̀ŋ Tiberiad. Ammó gie á la cʉa à yɔɔn.

Ŋwà’ne Jâŋ 21:14

Yěsô nyɛɛ mbùm ye mbwo ngàŋa kwò yé pá’ɔɔn, é lɔgɔ ńgwɔ́ ngʉ̀a ntá pá’ à kẅɛ̌ mvfò pɔ́b tà fó pá’ à ka zíme nà legwé.

Megàŋ ntúm 1:3

À la gyá ngɔ́’ tà ńkwé, ńgÿo ńzíme nà legwé. Ńdɔg mentí tà ńgyɔ́ɔn, ńnyɛ mbùm ye mbwo pɔ́b pɔɔn, ngie aa ntentʉ́, tà ńgwaa ńgwɔ́ pɔ́ le gíŋe ḿmʉ́’te wɔ́, ńkẅɛɛ mvfò pɔ́b kẅɛ nà melyɛ̌’ móm lekùɔ, ńně shwóŋó wɔ́b nò nà nò *lefùɔ Ssé.

1 Korento 15:5

À la nyɛ mbùm ye mbwo Piɛ, mbɔɔ mbwo yetsɔ́ *ngàŋa kwò yé ná pʉ̀a ntsɔ̀b pʉ́a,

Ŋwà’ne Ngyà jʉ’ 3:19

Mèŋ n gʉa ná pʉ̀a pie mèŋ n kwoŋo wɔ́b, ńkaga wɔ́b métsèm, ńcúa mbɔɔ cǔa. Pú’u la, pi zeŋe nnɛ́ éfa’a fà’, ḿbiŋ ńkúbe mà gẅi.