Malékuse 16:1 - Nouveau Testament en Ngienboum

¹ *Alyɛ’ɛ́ nzsè pà Yuda ŋwɛ́ gÿo ńtɔ́g, Malîɛ Magdala pɔ́ Salomé, ńgÿo Malîɛ má pà Jâg, gʉa ńjúu laméndɔ́ɔn lélɔg ńzɔ́’ɔ pfó Yěsô.

Malékuse 16:1 ပူးပေါင်းရင်းမြစ်များ

Malékuse 14:3

Yěsô gÿo ńgwɔ́ Mbetáni, á ndá Símo gẅie mé lɔ́ɔn ńtóŋo yé ngie ngàŋ nkà’ pǎb, ńnéŋe ssé ńně ḿpfɛ́ɛ mmó, atsɔ̌ manzwě kú yé ndá, ńgẅiin ndóŋ tsɔ́ laméndɔ́ɔn mbòŋo gie mé la lɔ́gɔ tsɔ́ twó legǐ ńgÿo á piŋ ńcÿɔ́g nkáb tɛ’. Á lɔg ńtó, ńtyé lejʉ́ŋ Yěsô, ḿbwɔ́’ ndóŋ ŋwɛ́, ḿpfɛte laméndɔ́ɔn nà twó Yěsô.

Malékuse 14:8

Manzwě wɔɔn gÿǒ yé mmó gie à ku’u légÿo, ńtʉ́ʉ njÿó ńdɔgɔ laméndɔ́ɔn ńzɔ́’ɔ wɔ̀ɔn, tá mé táa ńnéŋe wɔ̀ɔn tsɛ̀ɛ lesyè.

Malékuse 15:40

Etsɔ́ panzwě la tyé yɔ́b pɔ́ ngʉ̀a shʉ̀shʉ̀a ńne ńdíe. Malîɛ Mágdala pɔ́ Salomé, ńgÿo Malîɛ má pà Joses, mbɔɔ we Jâŋ we nkʉ́ gwɔ́ tsetsɛ̀ɛ pɔ́b,

Malékuse 15:42

Á gÿo ńgwɔ́ ncwò nzém, atsɔ̌ ndÿò tó. Lezíŋ sé gwɔ́ le Yesyɛ̂b. Á gwɔ́ nyìŋ Arimaté. À laa yé nyìŋ nà nùɔ pàsá’a lá’, ńgwɔ́ nyìŋ mé gÿo mekù’ mé tɛ’. Á ńnéŋe yé ńne ḿbyɛ́bɛ fʉ̀’ gie Ssé yé máŋwɛ́ zɔ ge cʉ́’ʉ sá’a njÿó. Pá’ á la gwaa gwɔ́ mé ne ńtáŋte nnɛ́ tá *lyɛ’ɛ́ nzsè pà Yuda zye mbÿɛ̀ njÿó ŋwɛ́ la, Yesyɛ̂b ŋwɛ́ shÿɔg, ńgʉa ńgyá *Pilato, ńdúɔ pfó Yěsô légʉa ńde’e.

Malékuse 15:47

À la gwɔ́ ńnéŋe pfó Yěsô jʉ’ó, Malîɛ Magdala, pɔ́ Malîɛ má pà Joses ne ńgyá.

Malékuse 16:2

Njÿó lʉ́a, tà nèm ne sá’a, pɔ́ mʉ́ ńgʉa ne jʉ’ʉ lesyè. Á laa ndùŋ mvfò lyɛ̌’ nà ngàba lá’.

Malékuse 16:8

Panzwě ŋwɛ́ leen ḿbú ḿbɔ́g pɔ́g, ńkẅɛ ńkÿo, ḿbú ńtebe tà fó tè gíŋe ńku’u létsẅii nò mbwo nyìŋ wɔ́, mbà cÿɔ’ pǔ ńgwoon wɔ́b.

Lukase 23:54

À lɔ̌ɔn ńnéŋe pú’u mbÿɛ̀ njÿó Faladé, mé ne ńtaŋte nnɛ́ pá’ lyɛ’ɛ́ nzsè yɔ́b ne ńgee nzyě.

Lukase 23:56

ńdeen ńké ḿbiŋe tÿǒsoŋ, ńtáŋte laméndɔ́ɔn mbòŋo, mbɔɔ tsɔ́ mèvɛ lélɔg ńtáa ńzɔ́’ɔ pfó Yěsô. Alyɛ’ɛ́ nzsè zye, pɔ́ pʉ́le ńzẅɛte pá’ *lepʉ̌ la ne ńzɛ́te.

Lukase 24:1

Ndùŋ mvfò lyɛ̌’, á nà ngàba lá’ gÿo ńgwɔ́, pànzwě ŋwɛ́ mʉ́ʉ tsɛ̀ɛ mba’ámba’, ńdɔgɔ làméndɔ́ɔn gie pɔ́ lá táŋte ńgʉa né jʉ’ʉ lesyè.

Ŋwà’ne Jâŋ 19:25

Má pà Yěsô pɔ́ mémá má we we manzwě, ńgÿo Malîɛ nzwě Kelopàs, mbɔɔ Malîɛ Magdala la tyé ngʉ̀ŋe tÿǒ nkǐ Yěsô.

Ŋwà’ne Jâŋ 19:31

Mé laa lyɛ’ó ńne ńcwoŋte *lyɛ’ɛ́ nzsè pà Yuda, á piŋ tè poŋ ngie à gwɔ́ lyɛ’ɛ́ nzsè, mepfó pʉ̀a gwɔ́ nà metÿǒ nkǐ wɔ́, yɛ̌ ge zɔɔn gwɔ́ lyɛ’ɛ́ nzsè lÿò tɛ’. Mekěm pà Yuda gʉa ńgyá *Pilato, ésẅíŋte yé ngie à gÿo mé pwɔ́’te mekwò pʉ̀a pie ée nà metÿǒ nkǐ, pɔ́ kwéte, mé fó nà metÿǒ nkǐ ésẅí’i wɔ́b.